Jeremías 25:12 - CHUYA QELLQA La Biblia en Quechua de Ayacucho 2012

¹² Qanchis chunka wata pasaruptinmi, Babilonia nacionpa reynintawan Caldea nacionniyuq runakunata, mana allinkuna ruwasqankumanta puchukarachisaq. Ñoqa Tayta Diosmi chaynata nini.

Quechua Ayacucho Bible 1987

¹² Ñoqa Tayta Diosmi nini: Qanchis chunka wata pasaruptinñataqmi Babilonia nacionpa reynintawan Caldea nacionniyoq runakunata castigasaq, mana allinkuna rurasqankumantam wiñaypaq purmachisaq.

Chuya Qellqa 1992

¹² Qanchis chunka wata pasaruptinmi, Babilonia nacionpa reynintawan Caldea nacionniyuq runakunata, mana allinkuna ruwasqankumanta puchukarachisaq. Ñoqa Tayta Diosmi chaynata nini.

Jeremías 25:12 Iomraidhean Croise

2~Reyes 24:1

Rey Joacimpa tiemponpim Babilonia nacionpa reynin Nabucodonosor, Judá nacionpa contranpi hamurqa. Venceruptinmi kimsa wata Joacim servirqa, chaymantam Nabucodonosorpa contranpi hoqarikururqa.

2~Crónicas 36:22

Profeta Jeremiasnintakama Tayta Diospa nisqan cumplikunanpaqmi, Persia nacionpi rey Ciropa munaychakusqan punta kaq watapi, rey Ciropa sonqonman kay munakuyta Tayta Dios churarqa, lliw munaychakuyninpi runakunaman kay decretota simiwan hinaspa cartakunawan kaynata nimunankupaq:

Isaías 13:19

Babilonia llaqtaqa, alhaja rumi hina llapa nacionkunapa qawasqan kaspapas, sumaq kayninmanta Caldea nacionpi runakunapa alabakunan kaspapas, Ñoqapa chinkachisqay Sodoma Gomorra llaqtakuna hina purmachisqam kanqa.

Isaías 14:23

erizo animalkunapa yachananmanñam tikrarusaq, asnarichkaq mitupa kanantañam ruwarusaq. Pichanawan qopata pichachkaq hinam chinkachisaq, Tukuy Atiyniyuq Tayta Diosmi chaynata nin.

Isaías 15:6

Nimrim wayqopi yakupas chakirusqanraykum qorakunapas lliw chakirunña. Manaña ikllimunankamam pastopas chakirun.

Isaías 20:1

Huk kutipim Asiria nacionpa reynin Sargón, llapallan tropankunapa capitanninta Asdod llaqtaman kacharqa, hinaptinmi chay llaqtapa contranpi peleaspan vencerurqa.

Isaías 33:1

¡Ay, imaynaraq kankichik, purmachiq kachkaspa mana purmachisqakuna, traicionaq kachkaspa mana traicionasqakuna! Purmachiyta tukuruspam qampas purmachisqa kanki, traicionayta tukuruspam qampas traicionachikunki.

Isaías 46:1

Bel idolom qonqorakuykun, Nebo sutiyuq idolom kumukuykun. Chay idolokunataqa animalkunaman churkuspam apanqaku, pisipasqa animalkunapaqqa llasaq cargam chaykunaqa.

Jeremías 23:2

Chayraykum llaqtay michiqkunata Israelpa yupaychasqan Tayta Dios kaynata nin: Qamkunam ovejaykunata cheqerachispa ayqerachinkichik. Manam nanachikurqankichikchu. Chayraykum mana allinkuna ruwasqaykichikmanta castigasqaykichik. Ñoqa Tayta Diosmi chaynata nini.

Jeremías 25:14

Hatun nacionkunawan munayniyuq reykunam paykunapi munaychakunqa. Chaynatam tukuy mana allinkuna ruwasqankumanta paykunaman pagapusaq, nispa.

Jeremías 27:22

Chaykunataqa Babilonia nacionmanmi apanqaku, chaypim kamunqa ñoqa munaptiy kay sitioman kutichimunankukama, nispa.

Jeremías 27:7

Llapallan nacionkunam payta, churinta hinaspa willkanta servinqaku. Chaynaqa, kanqa Babilonia nacionpas hatun nacionkunapa chaynataq atiyniyuq reykunapa makinman wichinankamam.

Jeremías 29:10

Tayta Diosmi kaynata nin: Babilonia nacionpi qanchis chunka wataña karup-tikichikmi, prometesqayman hina kuyapayakuyniyta qamkunaman chayachimusaq, hinaspam Jerusalén llaqtaman kutichimusqaykichik.

Ezequiel 35:9

Wiñay-paq chunniqmanñam tikrarusqayki, llaqtaykikunapipas manañam pipas yachanqañachu. Chaynapim Tayta Dios kasqayta yachanki.

Daniel 9:2

Pay punta kaq watapi munaychakuyta qallarichkaptinmi, ñoqa Daniel profeta Jeremiaspa qellqanta estudiachkarqani, chay qellqapim rimachkan Jerusalén llaqtaqa qanchis chunka watapuni purmachisqa kananmanta, Jeremiasmanmi Tayta Dios chaynata nirqa.

Habacuc 1:17

Chaynaqa, ¿tukuy tiempochu challwaspa llapa runata mana llakipayarispa wañuchinqaku?