Jeremías 25:10 - CHUYA QELLQA La Biblia en Quechua de Ayacucho 2012

¹⁰ Kusikuspanku fiestakunapi chaynataq casarakuykunapi takiyninkutapas qollurachisaqmi. Maraypa kunrunyayninpas, mecheropa achkiyninpas manañam kanqañachu.

Quechua Ayacucho Bible 1987

¹⁰ Tanirachisaqmi kusikuymanta qaparisqankutapas, asikuyninkutapas chaynataq casarakuqkunapa fiestantapas. Manañam uyarinqakuchu marayninkupa kutaynintapas. Manañam kanqachu mecheropa achkiyninpas.

Chuya Qellqa 1992

¹⁰ Kusikuspanku fiestakunapi chaynataq casarakuykunapi takiyninkutapas qollurachisaqmi. Maraypa kunrunyayninpas, mecheropa achkiyninpas manañam kanqañachu.

Jeremías 25:10 Iomraidhean Croise

Ester 3:13

Hinaspam reypa munaychakusqan provinciakunaman carta apaqkunawan apachirqaku. Chay decretopim rey kamachikurqa llapa judiokunata, joventapas yuyaqtapas, wawatapas warmitapas lliwta huk punchawllapi, Adarwan sutichasqa killapa chunka kimsayuq punchawninpi wañuchinankupaq hinaspa llapa tukuy imankutapas hapikuykunankupaq.

Ester 7:4

Llaqtamasiy-kunawan kuskam rantikusqa, ñakarichisqa, wañuchisqa, chinkachisqa kanaykupaqña citasqa kachkaniku. Sichum esclavo kanaykupaq rantikusqa kaspaqa upallakuykuymanmi, manam umayki nanachiq hamuymanchu karqa, nispa.

Ester 8:11

Chay decretowanmi rey kamachirqa llapa llaqtakunapi kaq judiokunata huñunakuspanku vidankuta defiendenankupaq; ima runakunaña otaq maylaw provinciakunamantaña armasqa hamuptinkupas, warmitapas wawatapas lliwta wañuchispa puchukachinankupaq hinaspa tukuy kapuqninkutapas apakunankupaq.

Isaías 47:2

Rumimanta molinopi harinata kutay, veloykita hurqokuy, walikita qempikuy, mayukunata qala piernalla chimpay.

Jeremías 16:9

Ñoqa Israelpa yupaychasqan Tukuy Atiyniyuq Tayta Diosmi kaynata nini: Kay llaqtapim takiyninkuta, kusikuyninkuta, casarakuy fiestapi takinkuta qayllankumanta qollurachisaq. Chaykuna ruwasqaytaqa ñawikichikwanmi rikunkichik.

Jeremías 48:33

Moab nacionpi kaq huertakunapiqa manañam kusikuymanta qapariypas kanñachu, uvas saruna pozopi vinotam chinkarachisaq, takiwan uvas saruqkunapas manañam kanqachu, kusikuymanta takiypas manañam kanqachu.

Jeremías 7:34

Judá llaqtakunapi chaynataq Jerusalén llaqtapa callenkunapim, asikuyta, kusikuyta casarakuy fiestata chinkarachisaq. Kay nacionqa pasaypaqtañam chunninqa, nispa.

Lamentaciones 5:15

Sonqoykupi kusikuyniykum chinkarun, tusuyniykupas llakikuymanñam tikrakurun.

Ezequiel 26:13

Suma-sumaq takikikunatapas qollurachisaqmi, arpaykikunapa waqayninpas manam uyarikunqañachu.

Oseas 2:11

Kusikuynintapas chinkachisaqmi; fiestankunatapas, musoq killankunatapas, samana punchawninkunatapas hinaspa hatun huñunakuyninkunatapas qolluchisaqmi.