Jeremías 23:8 - CHUYA QELLQA La Biblia en Quechua de Ayacucho 2012

⁸ Juranqakuqa: “Israelpa mirayninkunata norte law nacionkunamanta chaynataq qarqosqan wakin nacionkunamanta hurqomuq kawsaq Tayta Diosraykum jurani” nispañam. Paykunaqa allpankupiñam yachakunqaku.

Quechua Ayacucho Bible 1987

⁸ Juranqakuqa: “Israelpa mirayninkunata norte law Nacionkunamanta chaynataq qarqosqan wakin nacionkunamanta horqomuq Kawsaq Tayta Diosraykum jurani” nispañam. Paykunaqa allpankupiñamá *f**yachankunqaku.

Chuya Qellqa 1992

⁸ Juranqakuqa: “Israelpa mirayninkunata norte law nacionkunamanta chaynataq qarqosqan wakin nacionkunamanta hurqomuq kawsaq Tayta Diosraykum jurani” nispañam. Paykunaqa allpankupiñam yachakunqaku.

Jeremías 23:8 Iomraidhean Croise

Isaías 11:11

Chay tiempokunapim, puchuq runankunata reclamananpaq Tayta Dios huktawan makinta hoqarinqa, hinaspam Asiriamanta, Egiptomanta, Patrosmanta, Cusmanta, Sinarmanta, Hamatmanta, Elam lawmanta, lamar qochapa patanpi kaq nacionkunamanta huñumunqa.

Isaías 14:1

Tayta Diosmi Jacobpa mirayninkunamanta llakipayarikunqa, Israel runakunata yapamanta akllaykuspanmi allpankupi kawsachinqa. Huklaw nacionmanta kaqkunam Jacobpa castankunaman hukllawakunqa.

Jeremías 16:14

Ñoqa Tayta Diosmi nini: Chaywanpas hamuchkanmi punchaw, Israelpa mirayninkunata Egiptomanta hurqomuq ñoqa Tayta Diospa sutiypi manaña juranankupaq.

Jeremías 16:15

Juraspaqa juranqaku: “Israelpa mirayninkunata norte law nacionkunamanta chaynataq qarqosqan wakin nacionkunamanta kutichimuq Tayta Diospa sutinpim jurani” nispañam. Ñoqam kutichimusqaykichik taytaykichikkunaman qosqay allpaman, nispa.

Jeremías 23:3

Cheqechisqay nacionkunamantam wakin ovejaykunata kikiypuni huñumusaq. Mikunanku pastokunaman kutichimuptiymi achkallataña miranqaku.

Jeremías 29:14

Ñoqa Tayta Diosmi nini: Qamkunaqa tariwankichikmi, llapallan nacionkunaman chaynataq tukuy hinastinman cheqechisqaymantam huñumusqaykichik, maymantam apasqa kasqaykichikmanmi kutichimusqaykichik, nispa.

Jeremías 30:10

Ñoqa Tayta Diosmi kaynata nini: Serviqniy Jacobpa mirayninkuna ama manchakuychikchu, Israelpa mirayninkuna ama hukmanyaychikchu; ñoqam preso risqaykichik karu nacionmanta qamkunatapas miraynikichikkunatapas libramusqaykichik, kutimuspaykichikmi mana pipa manchachisqan hawkaña kawsakunkichik.

Jeremías 30:3

Hamuchkanmi punchaw Israel llaqtaymantawan Judá llaqtaymanta preso apasqa kaqkunata kutichimunaypaq. Ñoqa Tayta Diosmi nini: Paykunatam ñawpaq taytankuman qosqay allpaman kutichimusaq chaypi yachanankupaq, nispa.

Jeremías 31:8

Norte lawpi nacionmantam kutichimusaq, kay pachapa cantonmantaraqmi huñumusaq; ñawsakunawan wistukunam paykunawan hamunqa, wiksayuq warmikunawan wachakuqkunam hamunqa; paykunaqa achkallañam kayman kutimunqaku.

Jeremías 32:37

Chaywanpas anchata piñakuspay llapallan nacionkunaman presota apachisqaymantam huñumusaq, kay llaqtaman kutichimuspaymi hawkataña kawsachisaq.

Jeremías 8:3

Kay mana allin runakunatam tukuy hinastinman cheqerachisaq, hinaptinmi puchuqkunañataq kawsayta munanankumantaqa wañuyllataña maskanqaku. Ñoqa Tayta Diosmi chaynata nini.

Ezequiel 28:25

Ñoqa Tayta Diosmi kaynata nini: Cheqechisqa kasqanku nacionkunamanta Israelpa mirayninkunata huñumuspaymi, nacionkunapa qawasqanta chuya kasqayta paykunaman qawachikusaq, chaynapim Israelpa mirayninkunaqa serviqniy Jacobman qosqay allpapi yachanqaku.

Ezequiel 34:13

Huklaw nacionniyuq runakunapa chawpinmantam huñumusaq, hinaspam kikinkupa allpanman pusamuspay Israel law orqokunapi, yaku patan wayqokunapi, runapa yachanan pampakunapi michisaq.

Ezequiel 36:24

Ñoqapunim lliw nacionkunamanta hurqomusqaykichik, chaykunamanta huñumuspam allpaykichikman kutichisqaykichik.

Ezequiel 36:35

Hinaptinmi ninqaku: “Kay purmas-qa chakraqa Edén lawpi huerta hina-raqmi rikurirun; tuñichisqa, purmachisqa hinaspa chunnichisqa llaqtakunapas kunanqa murallasqa hinaspa runakunapa yachasqan llaqtakunañam kachkan”, nispanku.

Ezequiel 37:25

Paykunaqa serviqniy Jacobman qosqay allpapiñam yachanqaku. Chaypim ñawpaq taytankupas yacharqaku, chaypitaqmi paykunapas, churinkunapas hinaspa mirayninkunapas wiñaypaq yachanqaku. Serviqniy Davidñataqmi wiñaypaq kamachiqninku kanqa.

Ezequiel 39:28

Nacionkunaman presota apachisqaymanta mana chullatapas puchuykuspa allpankuman huñumuptiymi Tayta Dios kasqayta yachanqaku.

Joel 3:7

Ichaqa maymi rantikusqaykichik nacionkunamantam paykunata hurqomusaq, hinaspaymi qamkunamanñataq merecesqaykichikta pagapusqaykichik.

Miqueas 7:15

Egiptomanta hurqomusqaykipi hina admirakuypaq atiynikita qawarichiy.

Sofonías 3:20

Chay tiempopim huñumuspa kutichimusqaykichik, hinaspaymi kay pachapi lliwpa reqsisqantaña, chaynataq lliwpa respetanantaña ruwasqaykichik. Chaynataqa ruwasqaykichik, preso risqaykichikmanta kutichimuspaymi. Ñoqa Tayta Diosmi chaynata nini.