Jeremías 23:3 - CHUYA QELLQA La Biblia en Quechua de Ayacucho 2012

³ Cheqechisqay nacionkunamantam wakin ovejaykunata kikiypuni huñumusaq. Mikunanku pastokunaman kutichimuptiymi achkallataña miranqaku.

Quechua Ayacucho Bible 1987

³ Cheqechisqay nacionkunamantam puchuq ovejaykunata kikiypuni huñumusaq. Mikunanku pastokunaman kutichimuptiymi astawan miranqaku.

Chuya Qellqa 1992

³ Cheqechisqay nacionkunamantam wakin ovejaykunata kikiypuni huñumusaq. Mikunanku pastokunaman kutichimuptiymi achkallataña miranqaku.

Jeremías 23:3 Iomraidhean Croise

Jeremías 16:15

Juraspaqa juranqaku: “Israelpa mirayninkunata norte law nacionkunamanta chaynataq qarqosqan wakin nacionkunamanta kutichimuq Tayta Diospa sutinpim jurani” nispañam. Ñoqam kutichimusqaykichik taytaykichikkunaman qosqay allpaman, nispa.

Jeremías 29:14

Ñoqa Tayta Diosmi nini: Qamkunaqa tariwankichikmi, llapallan nacionkunaman chaynataq tukuy hinastinman cheqechisqaymantam huñumusqaykichik, maymantam apasqa kasqaykichikmanmi kutichimusqaykichik, nispa.

Jeremías 30:10

Ñoqa Tayta Diosmi kaynata nini: Serviqniy Jacobpa mirayninkuna ama manchakuychikchu, Israelpa mirayninkuna ama hukmanyaychikchu; ñoqam preso risqaykichik karu nacionmanta qamkunatapas miraynikichikkunatapas libramusqaykichik, kutimuspaykichikmi mana pipa manchachisqan hawkaña kawsakunkichik.

Jeremías 30:3

Hamuchkanmi punchaw Israel llaqtaymantawan Judá llaqtaymanta preso apasqa kaqkunata kutichimunaypaq. Ñoqa Tayta Diosmi nini: Paykunatam ñawpaq taytankuman qosqay allpaman kutichimusaq chaypi yachanankupaq, nispa.

Jeremías 31:7

Tayta Diosmi kaynata nin: Jacobpa mirayninkunaraykuyá kusikuywan takiychik, nacionkunapa umanpaqyá kusikuymanta qapariychik. Qapariyllawanña alabaspa kaynata niychik: ¡Tayta Diosmi llaqtanta salvaykun, Israelmanta puchuqkunatam salvaykun! nispaykichik.

Jeremías 31:8

Norte lawpi nacionmantam kutichimusaq, kay pachapa cantonmantaraqmi huñumusaq; ñawsakunawan wistukunam paykunawan hamunqa, wiksayuq warmikunawan wachakuqkunam hamunqa; paykunaqa achkallañam kayman kutimunqaku.

Jeremías 32:37

Chaywanpas anchata piñakuspay llapallan nacionkunaman presota apachisqaymantam huñumusaq, kay llaqtaman kutichimuspaymi hawkataña kawsachisaq.

Jeremías 46:27

Serviqniy Jacob, qamqa amayá manchakuychu. Qamtaqa miraynikikunatawan kuskatam karu nacionkunamanta libramusqayki, preso risqayki nacionkunamantam libramusqayki, hinaptinmi hawkalla kawsakunki, manañam pipas manchachisunkiñachu.

Jeremías 50:19

Israeltam pastonman kutichimusaq; Carmelo orqopi, Basán lawpi, Efraín orqokunapi hinaspa Galaad lawpi pastokunatam saksanankukama mikunqaku, nispa.

Jeremías 8:3

Kay mana allin runakunatam tukuy hinastinman cheqerachisaq, hinaptinmi puchuqkunañataq kawsayta munanankumantaqa wañuyllataña maskanqaku. Ñoqa Tayta Diosmi chaynata nini.

Ezequiel 11:17

Chayraykum ñoqa Tayta Dios kaynata nini: Ñoqam paykunataqa cheqechisqay nacionkunamanta kutichimusaq, chay nacionkunamanta huñumuspaymi kay Israel allpata paykunaman qosaq.

Ezequiel 36:11

Qamkunapi kaq runakunatapas, animalkunatapas ñoqam mirachisaq. Chaynapim paykunaqa nana-nanaqta miranqaku. Ñawpaq tiempopi hinaraqmi qamkunataqa chaypi kawsachisqaykichik. Qamkunataqa ñawpaq tiempomantapas aswan allintaraqmi ruwasqaykichik. Chaynapim Tayta Dios kasqayta yachankichik.

Ezequiel 36:24

Ñoqapunim lliw nacionkunamanta hurqomusqaykichik, chaykunamanta huñumuspam allpaykichikman kutichisqaykichik.

Ezequiel 36:37

Ñoqa Tayta Diosmi kaynata nini: Chaywanpas ñoqaqa Israel llaqtapa qayakusqanraqmi kasaq kaykuna ruwanaypaq: Paykunatam ovejakunata hina achkallataña mirarachisaq.

Levítico 26:9

Ñoqam yanapasqaykichik hinaspam achka-achkallaña kanaykichikkama mirachisqaykichik, chaynapim qamkunawan pacto ruwasqayta cumplisaq.

Miqueas 2:12

Jacobpa mirayninkuna cheqaptapunim huñunasqaykichik, Israelmanta puchuqkunatam huñumusaq. Ovejakunata corralman huñuchkaq hinam huñusqaykichik, pastokunapi huñuchkaq hinam huñusqaykichik, hinaptinmi waranqantin-waranqantin runakuna hinaraq qaparinkichik.

Miqueas 7:12

Chay punchawmi kallpasapa atiyniyuq nacionkuna hamusunki: Asiriamanta qallaykuspa Egiptokama, Nilo mayumanta Eufrates mayukama, lamar qochapa patankunamanta, chaynallataq orqokunamantapas.