Jeremías 23:21 - CHUYA QELLQA La Biblia en Quechua de Ayacucho 2012

²¹ Chay profetakunataqa manam kachamurqanichu, ichaqa chayllam kallparqaku; chay profetakunataqa manam rimapayarqanichu, ichaqa sutiypiraqmi profetizarqakupas.

Quechua Ayacucho Bible 1987

²¹ Chay willakuqkunataqa manam kacharqanichu ichaqa chayllam kallparqaku. Chay willakuqkunataqa manam rimapayarqanichu ichaqa ñoqamantaraqmi willakurqaku.

Chuya Qellqa 1992

²¹ Chay profetakunataqa manam kachamurqanichu, ichaqa chayllam kallparqaku; chay profetakunataqa manam rimapayarqanichu, ichaqa sutiypiraqmi profetizarqakupas.

Jeremías 23:21 Iomraidhean Croise

Isaías 6:8

Chaymantam Tayta Diospa kayna nisqanta uyarirqani: ¿Pitataq kachasaq? ¿Pitaq ñoqaykupa rantiykupi willakamunqa? niqta. Chaymi ñoqa nirqani: Kayqaya ñoqa kaypi kachkani, ñoqatayá kachaway, nispay.

Jeremías 14:14

Hinaptinmi Tayta Diosñataq niwarqa: Paykunaqa sutiypi profetizaspan-kupas llullakuchkankum, paykunataqa manam kachamurqanichu nitaqmi rimapayarqanichu. Paykunaqa yanqa revelaciontam, yanqa visionkunatam, sonqonkumanta yanqakuna hurqos-qankutam profetizachkanku.

Jeremías 23:32

Yanqakunata mosqoruspa runaykunata pantachiq profetakunapa contranpim kachkani. Paykunaqa llullakunata willaspankum llaqtayta pantarachinku. Paykunataqa manam kachamurqanichu nitaqmi kamachimurqanichu, paykunaqa manam llaqtaypa allinnintachu rimarqaku. Ñoqa Tayta Diosmi chaynata nini.

Jeremías 27:14

Chay profetakunapa umachasusqaykichiktaqa ama kasuychikchu, Babilonia nacionpa reynintaqa manam servinkichikchu nisuptikichikpas, paykunaqa llullatam nisuchkankichik.

Jeremías 27:15

Paykunataqa manam kachamurqanichu, paykunaqa llullatam ñoqapa sutiypi rimachkanku, chaynapi qamkunatapas chaynataq llulla profetaykichikkunatapas ñoqa Tayta Dios qarqoruptiy wañunaykichikpaq, nispa.

Jeremías 28:15

Hinaptinmi Hananiasta profeta Jere-mías nirqa: ¡Yaw Hananías, uyariway! Tayta Dios mana kamachimusuchkap-tikim kay runakunata llulla rimaynikikunapi hapipachichkanki.

Jeremías 29:31

Jerusalén llaqtamanta llapallan preso apasqa kaqkunaman ñoqa Tayta Diospa nisqayta kaynata willachimuy: Nehelam llaqtayuq Semaiasmi, mana kachamuchkaptiy llullakunata rimaspa yanqakunapi creechisuchkankichik.

Jeremías 29:8

Ñoqa Israelpa yupaychasqan Tukuy Atiyniyuq Tayta Diosmi kaynata nini: Amayá engañachikuychikchu qamkuna ukupi kaq profetakunawan nitaq qatipaqkunawanpas, mosqosqankutapas ama kasuychikchu.

Jeremías 29:9

Ñoqapa sutiypi profetizasqankuqa llullam, paykunataqa manam kamachimurqanichu, ñoqa Tayta Diosmi chaynata nini.

Juan 20:21

Huktawanmi Jesús nirqa: ¡Hawkayay qamkunawan kachun! Imaynam Taytay kachamuwarqa, chaynam qamkunatapas kachaykichik, nispa.

Hechos 13:4

Chuya Espiritupa kamachisqanmi Bernabeywan Saulo chayarurqaku Seleuciaman, chaymantañataqmi Chipre islaman barcopi rirqaku.

Romanos 10:15

¿Imaynatataq willakunqaku mana pipas kachachkaptinqa? Chuya Qellqapim kaynata nin: ¡Mayna sumaqmi allin noticia willa-kuqkunapa puriyninqa! nispa.