Jeremías 23:20 - CHUYA QELLQA La Biblia en Quechua de Ayacucho 2012

²⁰ Tayta Diospa piñakuyninqa manam taninqachu imam ruwananta tukunankama. Hamunqam punchawkuna kaykunamanta entiendenaykichikpaq.

Quechua Ayacucho Bible 1987

²⁰ Tayta Diospa piñakuyninqa manam taninqachu imam rurananta ruranankama. Tayta Diospa piñakuyninqa manam taninqachu imam piensasqanta cumplinankama. Hamuq punchawkunapim kaykunata entiendenkichik. Chay tiempopim imam kaqta entiendenkichik.

Chuya Qellqa 1992

²⁰ Tayta Diospa piñakuyninqa manam taninqachu imam ruwananta tukunankama. Hamunqam punchawkuna kaykunamanta entiendenaykichikpaq.

Jeremías 23:20 Iomraidhean Croise

Génesis 49:1

Churinkunata qayaykuspam Jacob nirqa: Huñunakamuychik, hamuq punchawkunapi imayna kanaykichikmanta willas-qaykichik.

1~Reyes 8:47

chay preso kasqanku allpapi qanman kutirikamuspa qayakamusunkiman kaynata: “Mana allinkunata ruwaspam qampa contraykipi huchallikuruniku”, nispanku.

2~Reyes 23:26

Chaywanpas Tayta Diospa piñakuyninqa ratachkaq nina hinam karqa Judá nacionpa contranpi, Manasespa tukuy mana allinkuna ruwasqanmanta.

2~Reyes 23:27

Chayraykum Tayta Dios nirqa: Israel nación wischusqayta hinam Judá naciontapas qayllaymanta wischusaq. Kay akllasqay Jerusalén llaqtatapas qepanchakurusaqmi, qepanchakurusaqtaqmi “Sutiytam chaypi churasaq” nisqay templotapas, nispa.

Proverbios 21:30

Diospa qayllanpiqa yachaypas, yachayniyuq kaypas, allin tanteoyuq kaypas mana serviqmi.

Isaías 14:24

Tukuy Atiyniyuq Tayta Diosmi kaynata nin: Cheqaptapunim tanteasqayman hina ruwasqa kanqa, ñoqapa nisqayman hinam cumplisqa kanqa.

Isaías 55:11

chaynam simiymanta lloqsiq palabraykunapas, manam yanqapaqchu willakusqa kanqa, aswanqa munasqaytam ruwanqa, munasqayman hinam kamachisqayta ruwanqa.

Jeremías 30:24

Tayta Diospa piñakuyninqa ruwananta tukunankamam mana taninqachu, Tayta Diospa ruway tanteasqanqa tukunankamam mana taninqachu. Chaykunataqa hamuq punchawkunapiñam sumaqta entiendenkichik. Ñoqa tayta Diosmi chaynata nini.

Jeremías 4:28

Chaynapim kay pachapas llakipi tarikunqa, cielokunapas tutayanqa. Rimasqaymantaqa manam pesakusaqchu, ruwanaypaq tanteasqaymantaqa manam qepaman kutisaqchu.

Jeremías 51:12

¡Babilonia nacionpa murallankunapa hawanpi banderata sayachiychik! ¡Llaqta waqaychaqkunata yapaychik! ¡Vigilaqkunata churaychik! ¡Llaqta wateqaqkunata churaychik! Tayta Diosmi Babilonia nacionpa contranpi tanteasqankunata ruwayman churanqa.

Ezequiel 21:10

Ñawchiyachisqaqa kachkan wañuchinanpaqmi, ñawchiyachisqaqa kachkan llipya hina llipityananpaqmi.

Ezequiel 21:5

Chaynapim llapa runakuna ñoqa Tayta Diosqa espadayta vainanmanta hurqosqayta yachanqaku. Manam vainanmanqa kutiykachisaqchu.

Zacarías 1:6

Profetaykunawan willa-chisqay simiykunawan kamachikuyniykunam ichaqa ñawpaq taytaykichikkunata hayparurqa. Hinaptinmi paykuna ñoqaman kutirikamuspa nirqaku: “Tukuy Atiyniyuq Tayta Diosmi tanteasqanman hina ñoqanchikwan ruwarun, payqa imaynam kawsasqanchikman chaynataq ruwasqanchikman hinam ñoqanchikwan ruwarun”, nispanku.

Deuteronomio 4:30

Tukuy ñakariykunapi kaspaykichik Señornikichik Tayta Diosman kutirikuspa payta kasukuptikichikqa,