Jeremías 23:19 - CHUYA QELLQA La Biblia en Quechua de Ayacucho 2012

¹⁹ Tayta Diospa piñakuyninqa sinchi wayra hinaraqmi lloqsimunqa, muyuq wayra hinaraqmi mana allin ruwaqkunapa hawanman chayanqa.

Quechua Ayacucho Bible 1987

¹⁹ Sinchi wayra hinaraqmi Tayta Diospa piñakuyninqa lloqsinqa. Muyuq wayra hinaraqmi mana allin ruraqkunapa hawanpi rikurirunqa.

Chuya Qellqa 1992

¹⁹ Tayta Diospa piñakuyninqa sinchi wayra hinaraqmi lloqsimunqa, muyuq wayra hinaraqmi mana allin ruwaqkunapa hawanman chayanqa.

Jeremías 23:19 Iomraidhean Croise

Proverbios 1:27

manchakusqaykichik wayra-para hina hamuptinmi, sasachakuy sinchi viento hina hamuptinmi, llakipi kaptikichikmi, ñakarichisqa kaptikichikmi asikusaq.

Proverbios 10:25

Mana allin runaqa sinchi wayra hina chinkaruqllam, allin runam ichaqa wiña-wiñaypaq takyan.

Isaías 21:1

Lamar qochapa hichpanpi chunniq lawpa contranpim Isaías kaynata nirqa: Imaynam Neguev lawninta sinchi wayra hamun, chaynam manchakuypaq chunniq lawmanta enemigo hamuchkan.

Isaías 40:24

Paykunaqa chayraq wiñamuq sachakuna hinam, tarpuruptinku chayllaraq sapichakuchkaq hinam. Wayra pukurimuptinmi lliw chakirunku, sinchi wayrapa apasqan qopa hinallam paykunaqa chinkarunku.

Jeremías 25:31

Kay pachapa cantonkamaraqmi qapariynin uyarikunqa, Tayta Diosmi nacionkunata juicioman qayanqa; llapallan runakunamantam cuentata mañanqa, mana allin ruwaqkunatam guerrapi wañuchinqa, Tukuy Atiyniyuq Tayta Diosmi chaynata nin.

Jeremías 25:32

Tukuy Atiyniyuq Tayta Diosmi kaynata nin: Sasachakuyqa llaqtan-llaqtanmi qatinakamunqa, sinchi wayra hinaraqmi kay pachapa cantonmanta hatarimunqa.

Jeremías 30:23

Tayta Diospa piñakuyninqa sinchi wayra hinaraqmi, muyuq wayra hinaraqmi mana allin ruwaqkunapa contranpi hatarinqa.

Jeremías 30:24

Tayta Diospa piñakuyninqa ruwananta tukunankamam mana taninqachu, Tayta Diospa ruway tanteasqanqa tukunankamam mana taninqachu. Chaykunataqa hamuq punchawkunapiñam sumaqta entiendenkichik. Ñoqa tayta Diosmi chaynata nini.

Jeremías 4:11

Chay tiempopim kay llaqtatawan Jerusalenta ninqa: Chunniqpi orqokunamantam rupaq wayra runaykunapa kasqanman pukumuchkan, ichaqa manam pajanmanta trigota limpianapaq wayrachu.

Jeremías 51:1

Tayta Diosmi kaynata nin: Babilonia nacionpa contranpim, contraypi hatariq runankunapa contranpim, tuñichiq wayrata pukuchimusaq.

Ezequiel 1:4

Ñoqa Ezequiel qawariptiymi, norte lawmanta sinchi wayra pukumuchkasqa, huk yanay-yanay puyumantañataqmi llipyakuna lloqsimuchkasqa, chaypa muyuriqninpim llumpay kanchay kach-kasqa. Chay llipyakunapa chawpinpim llipipipichkaq bronceman rikchakuq kachkasqa.

Ezequiel 13:13

Chayraykum ñoqa Tayta Dios kaynata nini: Piñakuspaymi sinchi wayrata pukuchimusaq, sinchi paratawan runtu-paratam rumita hinaña chayachimusaq, chaynapi tukuy imatapas tuñichinaypaq.

Amós 1:14

Rabá llaqtapa perqankunata kañaykuptiymi palacionkunatapas rupanqa; chaytaqa ruwasaq sasachakuy punchawpi, guerrapi hatun qaparkachay kachkaptinmi.

Zacarías 7:14

Aswanraqmi sinchi wayra hina mana reqsisqanku nacionkunaman cheqerachirqani, chaynapim nacionninkupas mana pipapas purinan chunniqmanña tikrakururqa. Sumaqllaña naciontam paykuna llakikuypaq chunniqman tikrarurqaku, nispa.

Zacarías 9:14

Tayta Diosmi llaqtanpi qawachikunqa, flechankunatapas llipyata hinam kacharinqa; Tayta Diosmi trompetata tocanqa, sur lawmanta hatarimuq remolino wayrapa chawpintam hamunqa.