Jeremías 23:16 - CHUYA QELLQA La Biblia en Quechua de Ayacucho 2012

¹⁶ Tukuy Atiyniyuq Tayta Diosmi kaynata nin: Chay profetakunapa rimasqantaqa ama kasuychikchu, paykunaqa llullallatam willasuchkankichik, kikinkupa tanteasqallankutam rimapayasuchkankichik, mana rimasqaykunatam paykunaqa nisuchkankichik.

Quechua Ayacucho Bible 1987

¹⁶ Llapallan Kamachiq Tayta Diosmi nin: Israel castakuna, amayá kasuychikchu willakuq tukuqkunataqa. Amayá kasuychikchu qamkunaman willasusqaykichiktaqa. Llullallatam paykunaqa willasuchkankichik. Piensasqallankutam paykunaqa rimapayasuchkankichik. Mana nisqaykunatam paykunaqa rimapayasuchkankichik.

Chuya Qellqa 1992

¹⁶ Tukuy Atiyniyuq Tayta Diosmi kaynata nin: Chay profetakunapa rimasqantaqa ama kasuychikchu, paykunaqa llullallatam willasuchkankichik, kikinkupa tanteasqallankutam rimapayasuchkankichik, mana rimasqaykunatam paykunaqa nisuchkankichik.

Jeremías 23:16 Iomraidhean Croise

1~Reyes 22:11

Quenaanapa churin Sedequiasmi fierromanta waqrata ruwakururqa, hinaspam qaparirqa: Tayta Diosmi kaynata nin: ¡Kay waqrakunawanmi chinkachinaykikama Siria runakunata waqranki! nispa.

2~Reyes 17:15

Paykunaqa Tayta Diospa yachachikuyninkunatapas, ñawpaq taytankuwan pacto ruwas-qantapas chaynataq kamachikuynintapas qepancharurqakum. Idolokunataña yupaychaspankum muyuriqninkupi nacionkuna hina mana imapaqpas valeqña rikurirurqaku. “Amam ruwankichikchu chay nacionkunapa ruwasqantaqa”, nispa Tayta Dios nichkaptinpas chaynataraqmi ruwarqaku.

2~Crónicas 18:5

Hinaptinmi Israelpa reynin tawa pachak profetakunata huñurachispan paykunata tapurqa: ¿Risaqkuchu Galaad lawpi kaq Ramot llaqtata atacamunaykupaq icha manachu? nispa. Profetakunañataqmi nirqaku: Riypu-ni, Diosmi makikiman churamunqa, nispanku.

Proverbios 19:27

Churilláy, corregisqa kayta mana munaspaykiqa allin yachachikuykunamantapas sapaqchakurunkim.

Jeremías 14:14

Hinaptinmi Tayta Diosñataq niwarqa: Paykunaqa sutiypi profetizaspan-kupas llullakuchkankum, paykunataqa manam kachamurqanichu nitaqmi rimapayarqanichu. Paykunaqa yanqa revelaciontam, yanqa visionkunatam, sonqonkumanta yanqakuna hurqos-qankutam profetizachkanku.

Jeremías 2:5

Paymi qamkunata kaynata nisunkichik: ¿Taytaykichikkunaqa ima mana allintataq ñoqapi tarirurqaku, chaynapi ñoqamanta karunchakunankupaq? Paykunaqa millakuypaq dioskunamanña qokuruspankum chayna millakuypaqña rikurirurqaku.

Jeremías 23:21

Chay profetakunataqa manam kachamurqanichu, ichaqa chayllam kallparqaku; chay profetakunataqa manam rimapayarqanichu, ichaqa sutiypiraqmi profetizarqakupas.

Jeremías 23:26

¿Haykapikamataq chay profetakuna llullallata willakunqaku? ¿Haykapikamataq sonqonkumanta hurqospa mana pasaqkunata willakunqaku?

Jeremías 29:23

Paykunam Israel nacionpi millakuypaq huchakunata ruwarqaku: Runamasinkupa warminwanmi waqllikurqaku, mana kamachichkaptiymi ñoqapa sutiypiraq llullakunata profetizarqaku, ñoqapa mana kamachisqaykunatam rimarqaku. Chaykunataqa yachanim kikiypunim testigo kani. Ñoqa Tayta Diosmi chaynata nini.

Jeremías 29:8

Ñoqa Israelpa yupaychasqan Tukuy Atiyniyuq Tayta Diosmi kaynata nini: Amayá engañachikuychikchu qamkuna ukupi kaq profetakunawan nitaq qatipaqkunawanpas, mosqosqankutapas ama kasuychikchu.

Jeremías 9:12

Ñoqañataqmi nirqani: ¿Pitaq yachaysapa runa kanman kaykunata yachananpaq? ¿Pimantaq kaykunata Tayta Dios rimapayarqa chaynapi wakin runakunamanpas willakunanpaq? ¿Ima-nasqataq kay nación purmachisqa kachkan, manaña pipapas purinan chunniq kanankama? nispa.

Jeremías 9:20

Yaw warmikuna, Tayta Diospa palabranta uyariychik, nisqankunatayá chaskiychik. Warmi wawaykichikta waqanankupaq yachachiychik, warmimasikichikman kay aya takita yachachiychik:

Lamentaciones 2:9

Punkunkunapas lliwmi tuñirun, punku cerrojonkunatapas pasaypaqtam pakiparun. Reyninpas kamachiqninkunapas Diosta mana reqsiq runakunapa chawpinpiñam kachkanku, profetankunapas manañam Diosmanta visionkunata chaskinkuñachu.

Ezequiel 13:16

Israelpi profeta tukuspa Jerusalenpi runakunaman mana hawkayay kachkaptin llullakuspa “hawkayaypim kachkanchik” nispa willaqkunapas manañam kankuñachu, nispanku. Ñoqa Tayta Diosmi chaynata nini.

Ezequiel 13:23

Chaynaqa, yanqa visionkunatapas manañam chaskinkichikñachu, nitaqmi llulla profeciakunatapas willakunkichikñachu, llaqtaytam qamkunapa makikichikmanta librasaq, chaynapim Tayta Dios kasqayta yachankichik, nispa.

Ezequiel 13:3

Tayta Diosmi kaynata nin: ¡Ay, imaynaraq kankichik! Mana yachayniyuq profetakuna, mana rimapayachkaptiy umaykichikmanta hurqospa llulla rimaqkuna,

Ezequiel 13:6

Visionkuna rikusqankupas manam cheqapchu, profetizasqankupas llullam. Paykunaqa mana kachamuchkaptiymi “Tayta Diosmi kaynata nin” nispankuraq rimankupas, hinaspam imam rimasqanku cumplikunanta suyanku.

Ezequiel 22:28

Profetankunapas estucowan perqata laqachkaq hinaraqmi cheqap kaqta pakarunku; visionta qawaq tukuspankum yanqakunallata profetizanku; paykunaqa mana kamachichkaptiymi: “Tayta Diosmi kaynata nin” nisparaq rimankupas.

Miqueas 2:11

Sichum huk runa llullakuspan kaynata ninqa: “Vinoraykum, aqaraykum qampaq profetizasaq”, nispa, chayna runam qamkunapa profetaykichik kanqa.

Mateo 7:15

Llulla profetakunamantayá waqay-chakuychik. Paykunaqa ovejaman pachasqam hamunku, ukunkupim ichaqa suwa atoqkuna kanku.

Romanos 1:21

Paykunaqa Diosta reqsichkaspankupas manam Diosta hinachu hatuncharqaku, nitaqmi graciastapas qorqakuchu. Aswanraqmi yanqakunata yuyaymanaspanku mana allin sonqonkuta tutayarachinku.

1~Juan 4:1

Kuyasqallaykuna, amayá Diospa espiritunpa huntasqanmi kani niqkunapiqa creeychikchu, aswanqa allintayá qatipaykuychik Diospa otaq Satanaspa kasqanta yachanaykichikpaq. Achkallañam kay pachapi pantachikuq profetakuna rikuriramunku.