Jeremías 23:1 - CHUYA QELLQA La Biblia en Quechua de Ayacucho 2012

¹ Tayta Diosmi kaynata nin: ¡Ay, imaynaraq kanqaku ovejaykunata chinkarachiq michiqkuna! ¡Ay, imaynaraq kanqaku ovejaykunata cheqerachiq michiqkuna! nispa.

Quechua Ayacucho Bible 1987

¹ Tayta Diosmi nin: —¡Ay imaynaraq kanqa mana allin michiqkuna hina runaykunata cheqerachispa chinkarachiq kamachikuqkunaqa! —nispa.

Chuya Qellqa 1992

¹ Tayta Diosmi kaynata nin: ¡Ay, imaynaraq kanqaku ovejaykunata chinkarachiq michiqkuna! ¡Ay, imaynaraq kanqaku ovejaykunata cheqerachiq michiqkuna! nispa.

Jeremías 23:1 Iomraidhean Croise

Jeremías 10:21

Kamachikuqkunapas mana yachayniyuqñam rikurirunku, Tayta Diostapas manañam maskankuchu; chayraykum wichirunku, ovejankunapas lliwñam cheqerun.

Jeremías 12:10

Achka michiqkunam uvas huertayta purmarachinku, chakraytam saruparunku. Ancha kuyasqay allpaytam manaña imayuq kanankama chunnirachinku.

Jeremías 13:17

Mana kasukuptikichikqa hatun tukuq kasqaykichikmantam mana pipa rikusqanta waqasaq; Tayta Diospa runankuna preso apasqa kasqankumantam waqasaq, weqeypas yaku hinañam kallpanqa.

Jeremías 2:26

Imaynam suwa tarirachikuspan hatun penqaypi rikurirun, chaynam Israel runakunapas hatun penqaypi tarikunqaku, reyninkunawan kamachiqninkunapas, sacerdotenkunawan profetankunapas, penqaypim tarikunqaku.

Jeremías 2:8

Sacerdotekunapas manam tapukurqakuchu: ¿Maytaq Tayta Diosqa? nispallapas. Kamachikuyniykunata yachachiqkunapas, manam reqsiwarqakuchu; kamachiqninkunapas contraypim hatarirqaku, profetakunapas Baal idolopa sutinpim profetizarqaku, hinaspam millakuypaq idolokunaman qokururqaku.

Jeremías 22:22

Kamachiqnikikunam wayrapa apasqan kanqaku, waynaykikunam preso apasqa kanqaku; tukuy mana allinkuna ruwasqaykimantam penqaypi tarikuspa uchuychasqa kanki.

Jeremías 23:2

Chayraykum llaqtay michiqkunata Israelpa yupaychasqan Tayta Dios kaynata nin: Qamkunam ovejaykunata cheqerachispa ayqerachinkichik. Manam nanachikurqankichikchu. Chayraykum mana allinkuna ruwasqaykichikmanta castigasqaykichik. Ñoqa Tayta Diosmi chaynata nini.

Jeremías 50:6

Llaqtayqa chinkasqa ovejakuna hinam karqa, michiqninkunam ñanta pantarachispa orqokunapi cheqesqata saqerurqaku. Orqon-orqon purispankum kanchankutapas qonqarurqakuña.

Ezequiel 13:3

Tayta Diosmi kaynata nin: ¡Ay, imaynaraq kankichik! Mana yachayniyuq profetakuna, mana rimapayachkaptiy umaykichikmanta hurqospa llulla rimaqkuna,

Ezequiel 34:1

Tayta Diosmi rimapayawaspan kaynata niwarqa:

Ezequiel 34:21

Qamkunam eqoyasqa ovejakunatapas hombroykichikwan tanqaykarinkichik hinaspam waqrapaspaykichik kayman chayman cheqerachinkichik.

Ezequiel 34:31

Runaykunaqa ovejaykunam kankichik, michinay pampapi kaq ovejaykunam kankichik, ñoqañataqmi Diosnikichik kani. Ñoqa Tayta Diosmi chaynata nini.

Ezequiel 36:38

Imaynam fiesta punchawkunapi sacrificanankupaq nana-nanaq ovejakuna pusasqanku Jerusalén llaqtapi tarikun, chaynam purmasqa llaqtakunapas nana-nanaq runakunapa huntaykusqan kanqaku. Chaynapim Tayta Dios kasqayta yachanqaku.

Zacarías 10:3

Chayraykum Tayta Dios kaynata nin: Michiqkunapa contranpim sinchita piñakuruni, llaqtay nanachikuq runakunatam castigasaq. Tukuy Atiyniyuq Tayta Diosmi, Judapa mirayninkunata ovejankunata hina waqaychaqmi, paykunata guerrapaq kallpasapa caballonta hina ruwanqa.

Mateo 15:14

Fariseokunataqa ama kasuychikchu. Paykunaqa ñawsakunam kanku, ñawsamasinku pusaqkunam. Ñawsapura pusanakuspaqa iskayninkum uchkuman wichiykunqaku, nispan.

Mateo 9:36

Chaymi achkallaña runakunata qawaykuspan paykunamanta llakipayarikurqa, mana michiqniyuq wischusqa ovejakuna hina cheqesqa kasqankumanta.

Juan 10:10

Suwaqa hamun suwakuqmi, wañuchiqmi hinaspa purmachiqmi. Ñoqam ichaqa hamurqani kawsanaykichikpaq hinaspa kawsaypa huntasqan kanaykichikpaq.

Juan 10:12

Pagollapaq michiqmi ichaqa, atoq hamuptinpas ovejakunata saqeruspan ayqekun; payqa mana michiqninku kasqanrayku, nitaqmi ovejakunapas paypachu. Chaymi ovejakunatapas atoq hapiruspan cheqerachin.

Juan 10:8

Ñoqamanta ñawpaqta hamuqkunaqa suwakunawan salteaqkunam karqaku, chaymi ovejakunaqa mana kasurqachu.