Jeremías 22:6 - CHUYA QELLQA La Biblia en Quechua de Ayacucho 2012

⁶ Judá nacionpi reypa palacionmantam Tayta Dios kaynata nin: Qamqa Galaad allpa hinam ñoqapaq kanki, Líbano orqopa puntan hinam kanki; ichaqa juranim, cheqaptapunim chunnichisqayki, mana runayuq llaqtatañam ruwasqayki.

Quechua Ayacucho Bible 1987

⁶ Juda nacion reypa palacionmantam Tayta Dios kaynata nin: Qamqa Galaad allpa hinam ñoqapaq kanki. Qamqa Libano Orqopa puntan hinam kanki. Ichaqa juraspaymi qamtaqa chunnichisqayki. Mana runayoq llaqtata hinam chunnirachisqayki.

Chuya Qellqa 1992

⁶ Judá nacionpi reypa palacionmantam Tayta Dios kaynata nin: Qamqa Galaad allpa hinam ñoqapaq kanki, Líbano orqopa puntan hinam kanki; ichaqa juranim, cheqaptapunim chunnichisqayki, mana runayuq llaqtatañam ruwasqayki.

Jeremías 22:6 Iomraidhean Croise

Génesis 37:25

Hinaspam mikunankupaq tiyaykuspanku Ismael casta negociantekunata Galaad lawmanta hamuchkaqta rikururqaku. Paykunam camellonkupi Egiptoman apachkarqaku miski asnaq perfumekunata, balsamota hinaspa mirrata.

Cantares 4:1

¡Kuyakusqalláy, mayna kuyayllapaqmi qamqa kanki! ¡Llumpay kuyayllapaqmi qamqa kanki! Ñawikikunapas veloykipa qepanpi pakakuq palomakuna hinaraqmi, chukchaykipas Galaad law orqonkunapi pawaykachaq cabrakuna hinaraqmi.

Cantares 5:15

Chakinkunapas qoripi sapinchasqa mármol rumim, rikchayninpas Líbano orqopi cedrokuna kaqllam.

Isaías 27:10

Qaqay-qaqay perqayuq llaqtam kunanqa raqayllaña kachkan, mana runayuqñam purmachkan, paqwaytañam chunnichkan. Animal michinanku purunñam rikurirun, sachapa rapinta mikuspa animalkunapa puñunanñam rikurirun.

Isaías 37:24

Serviqnikikunawanmi Señorta kamichirqanki, hinaspam nirqankiraq: “Nana-nanaq carroykunawanmi orqokunapa puntanman qespirusaq, Líbano orqo waqtatam qespirusaq, hatun cedro sachakunatam kuchumusaq, sumaq ciprés sachakunatam kuchurusaq, karu-karu orqonkunamanmi chayarusaq, sachankamallaña montenkunamanmi chayarusaq.

Isaías 6:11

Chaymi tapurqani: Dios Taytalláy, haykapikamataq chaynaqa kanqa, nispay. Payñataqmi niwarqa: Llaqtakuna mana runayuq chunnichisqa kanankamam, wasikunapi manaña runapas kanankamam, chakrakunapas purmachisqa kanankamam,

Jeremías 21:11

Judá nacionpa reynin Davidpa mirayninkunaman ñoqa Tayta Diospa nisqayta kaynata nimuy:

Jeremías 21:14

Mana allinkuna ruwasqaykichikman hinam castigasqaykichik, sachaykikunata kañaykuptiymi muyuriqnikipi tukuy ima kaqkunatapas ruparunqa. Ñoqa Tayta Diosmi chaynata nini.

Jeremías 22:24

Judá nacionpa reynin Joacimpa churin Jeconiastam Tayta Dios kaynata nin: Alleq makiypi anillo hinaña kaptikipas chaymanta hurqoruspaymi wikaparuykiman

Jeremías 26:18

Judá nacionpi rey Ezequías munaychakuchkaptinmi, Moreset llaqtayuq Miqueas kay Judá nacionpi llapallan runakunata nirqa: Tukuy atiyniyuq Tayta Diosmi kaynata nin: Sión llaqtam yapusqa chakraman tikrasqa kanqa, Jerusalén llaqtam purmachisqa kanqa, Templopa kasqan moqom monteyarunqa, nispa.

Jeremías 4:20

Sasachakuykuna pasakusqanmantam willakuykuna chayamuchkan, lliw nacionmi tuñichisqa kachkan. Qonqaymantam carpaykuna tuñichisqa rikurirun, carpaykunam llikipasqa rikurirun.

Jeremías 4:7

Leonmi machayninmanta lloqsiramunña, nacionkuna purmachiqmi hamuchkanña; nacionnikichikta chinkachinanpaqmi lloqsiramunña, llaqtaykikunata purmachinanpaqmi lloqsiramunña, mana runayuqtaña saqenanpaqmi lloqsiramunña.

Jeremías 50:12

Mamaykichik Babilonia nacionmi penqaypi kachan, wachakusuqniki nacionmi pantaypi kachkan; wakin nacionkunamantapas aswan qepallapiñam rikurirunqa, mana yakuyuq chunniq pampam kanqa.

Jeremías 7:34

Judá llaqtakunapi chaynataq Jerusalén llaqtapa callenkunapim, asikuyta, kusikuyta casarakuy fiestata chinkarachisaq. Kay nacionqa pasaypaqtañam chunninqa, nispa.

Jeremías 8:22

¿Manachu Galaad lawpi hampi kan? ¿Manachu chaypi pipas hampiq kan? ¿Imanasqataq onqoyninmanta llaqtay mana sanoyanchu?

Jeremías 9:11

Tayta Diosmi kaynata nin: Jerusalén llaqtatam tuñichisaq, atoqkunapa yachananmanñam tikrarusaq; Judá nacionpi llaqtakunatam manaña runayuq kanankama chunnirachisaq.

Miqueas 3:12

Chaynaqa, qamkunapa huchaykichikmantam Sión llaqtapas yapusqa chakraña kanqa, Jerusalenñataqmi soqyasqa rumillamanña tikrasqa kanqa. Templopa kanan moqopas mana allin qorakunawanmi monteyanqa, nispa.

Zacarías 11:1

Yaw, Líbano orqo, punkuykita kichariy cedro sachaykikunata nina rupachun.

Números 32:1

Rubenpa chaynataq Gadpa mirayninkunam animalsapa kasqankurayku, Jazer lawpi hinaspa Galaad lawpi allpakunata animalkunapaq kusallaña kasqanta qawaykurqaku.

Deuteronomio 3:25

Ama hina kaspayá Jordán mayuta chimparachiway, chay sumaq allpata, orqokunata hinaspa Líbano monteta qawaykunaypaq”, nispa.