Jeremías 22:26 - CHUYA QELLQA La Biblia en Quechua de Ayacucho 2012

²⁶ Qamtapas mamaykitapas mana nacesqaykichik nacionmanmi qarqosqaykichik, hinaptinmi chaypi wañumunkichik.

Quechua Ayacucho Bible 1987

²⁶ Mamaykitawan qamtam qarqosqaykichik mana nacesqaykichik nacionman hinaptinmi chaypi wañunkichik.

Chuya Qellqa 1992

²⁶ Qamtapas mamaykitapas mana nacesqaykichik nacionmanmi qarqosqaykichik, hinaptinmi chaypi wañumunkichik.

Jeremías 22:26 Iomraidhean Croise

2~Reyes 24:15

Rey Nabucodonosorqa, rey Joa-quintawan, mamanta, warminkunata, palacionpi serviqninkunata chaynataq llaqtapi ancha reqsisqa runakunatapas presocharuspam Babiloniaman aparqa.

2~Reyes 24:8

Rey Joaquinmi chunka pusaqniyuq watanpi munaychakuyta qallaykurqa. Kimsa killallam Jerusalén llaqtapi munaychakurqa. Mamanmi karqa Jerusalén llaqtayuq Elnatanpa churin Nehusta.

2~Reyes 25:27

Judá nacionpa reynin Joaquín, Babilonia nacionpi kimsa chunka qanchisniyuq wataña preso kachkaptinmi, chay watapa chunka iskayniyuq killanpa iskay chunka qanchisniyuq punchawninpi, Babiloniapa reynin Evil-merodac, punta kaq wata munaychakuyninpi, rey Joaquinta carcelmanta hurqorurqa.

2~Reyes 25:29

Carcelpi kasqan pachankunatapas mudarachiptinmi rey Joaquinqa wañukunan punchawkama Babiloniapa reynin Evil-merodacwan kuska mikurqa.

2~Reyes 25:30

Sapa punchawmi Babiloniapa reyninqa Joaquinman wañukunan punchawkama mikuchirqa.

Isaías 22:17

Diosqa imatapas wischuchkaq hinaraqmi karuman wischurusunki, kallpasapa runa hinaraqmi yusuysigota wikaparusunki.

Jeremías 10:18

Tayta Diosmi kaynata nin: Kunanmi kay nacionpi yachaqkunata qarqorusaq, warakachkaq hinam paykunataqa wischurusaq, ñakarichisqa kanankupaqmi paykunataqa sasachakuyman churarusaq.

Jeremías 13:18

Reytawan maman reinata kaynata nimuy: Uchuychakuspa pampapi tiyaychik, umaykichikta adornaq coronam pampaman wichirun.

Jeremías 16:13

Chayraykum kay nacionmanta wis-chusqaykichik, qamkunapapas nitaq taytaykichikkunapapas mana reqsisqan nacionman. Chaypim huk dioskunataña tuta punchaw servimunkichik. Qamkunataqa manam llakipayasqaykichikchu, nispa.

Jeremías 22:27

Israelman kutimuyta munaspapas manañam atinkichikñachu, nispa.

Jeremías 28:4

kutichimusaqtaqmi Joacimpa churin Judá nacionpa reynin Jeconiastawan Judá nacionmanta Babilonia nacionman preso apasqa runakunatapas. Babilonia nacionpi reypa yugontam pakisaq. Ñoqa tayta Diosmi chaynata nini, nispa.

Jeremías 29:2

Qellqarqaqa Jerusalén llaqtamanta rey Jeconiasta, reinata, palaciopi servikuqkunata, Judá nacionpi kamachikuqkunata, Jerusalén llaqtapi wakin runakunata, tukuy imapi llamkaq maestrokunata chaynataq herrerokunatapas Babilonia lawman rey Nabucodonosor presota apachisqanpa qepantam.

Jeremías 44:14

Judá nacionpi puchuspa Egiptoman yacha-nankupaq ayqemuqkunamantaqa ma-nam hukllapas lluptinkichikchu nitaqmi kawsankichikchu. Judá nacionman maynataña kutiyta munaspapas manam atinkichikchu, kutispaqa-kutinqa kaymanta lluptiqkunallañam, nispa.