Jeremías 22:19 - CHUYA QELLQA La Biblia en Quechua de Ayacucho 2012

¹⁹ Aysaspankum Jerusalén llaqtamanta hawaman wischunqaku, asnota hinam pampanqaku.

Quechua Ayacucho Bible 1987

¹⁹ Wañuruq asnota hinam paytaqa pampanqaku. Hawamanmi paytaqa qachachyanqaku. Jerusalen llaqtamantam wischurunqaku.

Chuya Qellqa 1992

¹⁹ Aysaspankum Jerusalén llaqtamanta hawaman wischunqaku, asnota hinam pampanqaku.

Jeremías 22:19 Iomraidhean Croise

1~Reyes 14:10

Chayraykum qampa miraynikikunaman sasachakuykunata apamusaq. Israelpi llapallan qari churikikunatam wañuchisaq, criado kaqtapas chaynataq libre kaqtapas tukusaqmi, manam pipas puchunqachu. Jeroboampa mirayninkunatam tukunankama wanuta pichachkaq hina picharusaq.

2~Reyes 23:36

Rey Joacimqa iskay chunka pichqayuq watanpim munaychakuyta qallaykurqa, chunka hukniyuq watam Jerusalén llaqtapi munaychakurqa. Mamanmi karqa Ruma llaqtayuq Pedaiaspa churin Zebuda.

2~Reyes 24:6

Joacim wañukuptinmi, paypa rantinpi churin Joaquinña munaychakurqa.

2~Reyes 9:35

Pampamunankupaq chayaruspankum uma tulluntawan makinkunata chaynataq chakinkunallantaña tarirurqaku.

2~Crónicas 36:6

Chaymi Babilonia nacionpa reynin Nabucodonosor paypa contranpi hamuruspan Babilonia llaqtaman bronce cadenakunawan watasqata aparqa.

Eclesiastés 6:3

Sichum huk runa pachak churiyuq kaspa unay watakunata kawsanman, ichaqa unay watakuna kawsachkaspapas allin kaqwan mana kusikuspa wañuruspa mana pampasqa kaptinqa, chay runamantaqa sullusqa wawaraqmi aswan allinqa.

Jeremías 15:3

Ñoqa Tayta Diosmi kaynata nini: Tawa castigokunatam paykunaman kachamusaq: Guerrawanmi wañuchisqa kanqaku, allqokunam paykunata llikipanqa, alton pawaq animalkunam paykunata mikunqa, purun animalkunam paykunata tisapanqa.

Jeremías 36:30

Chayraykum ñoqa Tayta Dios kaynata niki: Judá nacionpa reynin Joacim, miraynikimantaqa manam pipas kanqachu rey Davidpa rantinpi munaychakuqqa. Ayaykipas punchaw rupaypi hinaspa tuta qasapim wischurayanqa.

Jeremías 36:6

Chaynaqa, ayuno punchawpim temploman yaykuspayki qellqachisqay rollota leemunki, chaynapi llapa runakunawan Judá nacionpi llaqtakunamanta hamuqkunapas Tayta Diospa nisqanta uyarinankupaq.

Jeremías 8:2

Chay tullukunam intiman, kullaman, chaynataq chaskakunamanpas machqepasqa kanqa; chaykunatam paykuna kuyarqaku, servirqaku, qatirqaku, tapukurqaku hinaspa hatuncharqaku. Chay tullukunataqa manam pipas huñunqachu nitaq pampanqachu, wanu hinañam allpa hawanpi qepanqa.

Ezequiel 19:8

Hinaptinmi muyuriqninpi nacionkuna paypa contranpi hatarirurqaku, mallata mastaruspankum trampaman wichiykachirqaku.

Ezequiel 39:5

Ayaykichikpas llutan pampapim wischurayanqa. Ñoqa Tayta Diosmi chaynata nini.