Jeremías 22:18 - CHUYA QELLQA La Biblia en Quechua de Ayacucho 2012

¹⁸ Chayraykum Josiaspa churinmanta otaq Judá nacionpa reynin Joacimmanta Tayta Dios kaynata nin: Wañuptikiqa manam pipas waqanqachu, wañuruptikipas manam pipas waqaspaqa ninqachu: ¡Ay, wawqelláy! ¡Ay, panilláy! ¡Ay, señorlláy! ¡Ay reynilláy! nispaqa.

Quechua Ayacucho Bible 1987

¹⁸ Chayraykum Josiaspa churinmanta otaq Juda nacionpa reynin Joacinmanta Tayta Dios kaynata nin: Wañuptinqa manam pipas waqanqachu. Paymantaqa manam pipas ninqachu: “¡Ay wawqelláy, ay panilláy!” nispaqa. Paymantaqa manam pipas waqanqachu: “¡Ay Señorlláy, ay reynilláy!” nispaqa.

Chuya Qellqa 1992

¹⁸ Chayraykum Josiaspa churinmanta otaq Judá nacionpa reynin Joacimmanta Tayta Dios kaynata nin: Wañuptikiqa manam pipas waqanqachu, wañuruptikipas manam pipas waqaspaqa ninqachu: ¡Ay, wawqelláy! ¡Ay, panilláy! ¡Ay, señorlláy! ¡Ay reynilláy! nispaqa.

Jeremías 22:18 Iomraidhean Croise

2~Samuel 1:26

Wawqelláy Jonatán, qanmantam llakisqa kachkani, wawqentin hinam llumpayta kuyanakurqanchik, warmikunapa kuyakuyninmantapas mastam kuyawarqanki.

1~Reyes 13:30

Ayata kikinpa sepulturanpi pamparuspanmi waqaspa nirqa: ¡Ay, wawqelláy! nispa.

2~Reyes 23:36

Rey Joacimqa iskay chunka pichqayuq watanpim munaychakuyta qallaykurqa, chunka hukniyuq watam Jerusalén llaqtapi munaychakurqa. Mamanmi karqa Ruma llaqtayuq Pedaiaspa churin Zebuda.

2~Reyes 23:6

Tayta Diospa templonpi kaq Asera idolotapas hurqorachispanmi Jerusalén llaqtamanta hawaman aparuspan Cedrón wayqopi kañarurqa uchpayanankama. Uchpantañataqmi llaqta runakunapa pampakunanman machqeparurqa.

2~Reyes 24:6

Joacim wañukuptinmi, paypa rantinpi churin Joaquinña munaychakurqa.

1~Crónicas 3:15

Josiaspa piwi churinmi karqa Johanán, qatiqninkunañataqmi karqa Joacim, Sedequías hinaspa Salum.

2~Crónicas 35:25

Rey Josiasta yuyarinapaqmi profeta Jeremías huk aya takita qellqarqa, chay takitam llapallan takiqkuna qaripas warmipas Josiasta yuyarispanku kunankama takinku. Chay takikunam Israel nacionpi costumbre hinaña karqa. Chay aya takiqa Lamentaciones libropim qellqasqa kachkan.

2~Crónicas 36:5

Rey Joacimqa iskay chunka pichqayuq watanpim munaychakuyta qallaykurqa, chunka hukniyuq watam Jerusalén llaq-tapi munaychakurqa. Payqa Tayta Diospa qayllanpim mana allinkunata ruwarqa.

Jeremías 16:4

Paykunaqa ñakarichikuq onqoykunawanmi wañunqaku, paykunamantaqa manam pipas waqanqachu nitaqmi pipas pampanqachu. Hatun ispay hinam pampapi wischurayanqaku. Guerrawan yarqaywanmi paykunataqa tukurunqa, ayankutapas alton pawaq animalkunawan purun animalkunam mikunqa, nispa.

Jeremías 16:6

Warmakunawan yuyayniyuqkunam kay nacionpi wañunqa, manam pipas paykunataqa pampanqachu nitaqmi waqanqakuchu, cuerponkutapas manam kuchukunqakuchu nitaqmi chukchankutapas rutukunqakuchu.

Jeremías 21:11

Judá nacionpa reynin Davidpa mirayninkunaman ñoqa Tayta Diospa nisqayta kaynata nimuy:

Jeremías 22:10

Rey Josiaspa wañusqanmantaqa amaña waqaychikchu, waqaychikqa rey Salum preso apasqa kasqanmantayá, payqa manañam haykapipas kutimunqañachu, nacesqan allpatapas manañam rikunqañachu.

Jeremías 22:12

Payqa presota apasqanku llaqtapi wañuspam kay naciontaqa manaña haykapas rikunqachu, nispa.

Jeremías 34:5

Hawkallam wañukunki. Imaynam ñawpaq taytaykikunata pampaspa inciensota kañapurqaku, chaynam qampaqpas inciensota kañanqaku. Qanmanta waqaspankum ninqaku: “Ay señorllayku” nispanku. Ñoqa Tayta Diosmi chaynata nini.

Jeremías 36:30

Chayraykum ñoqa Tayta Dios kaynata niki: Judá nacionpa reynin Joacim, miraynikimantaqa manam pipas kanqachu rey Davidpa rantinpi munaychakuqqa. Ayaykipas punchaw rupaypi hinaspa tuta qasapim wischurayanqa.