Jeremías 22:17 - CHUYA QELLQA La Biblia en Quechua de Ayacucho 2012

¹⁷ Qanmi ichaqa mana allinkunata ruwaspa apuyaruyllapi richkanki; inocente runakunatam wañuchinki, llaqtaykitapas maqa-maqarispam llamkachikunki.

Quechua Ayacucho Bible 1987

¹⁷ Qanmi ichaqa engañowan ganayllapi piensachkanki. Inocente runakuna wañuchiyllapim piensachkanki. Ñakarichiyllapi engañayllapim piensachkanki.

Chuya Qellqa 1992

¹⁷ Qanmi ichaqa mana allinkunata ruwaspa apuyaruyllapi richkanki; inocente runakunatam wañuchinki, llaqtaykitapas maqa-maqarispam llamkachikunki.

Jeremías 22:17 Iomraidhean Croise

1~Reyes 21:19

Hinaspam ninki, Tayta Diosmi kaynata nin: ¿Nabotta wañurachichkaspapas huertantawanraqchu hapikuykunki? Maypim Nabotpa yawarninta allqokuna llaqwasqanpim qampa yawarnikitapas allqokuna llaqwanqa, nispa.

2~Reyes 23:37

Rey Joacimqa ñawpaq taytankuna hinam Tayta Diospa qayllanpi mana allinkunata ruwarqa.

2~Reyes 24:4

chaynataq Jerusalén llaqtapipas mana huchayuq runakunapa yawarnin chaqchusqanmantam. Chayraykum Tayta Diosqa mana pampachayta munarqachu.

2~Crónicas 36:8

Rey Joacimpa imakunam ruwasqanwan, millakuypaq kaqkuna ruwasqan hinaspa imakunam pasasqanpas Judá nacionpi hinaspa Israel nacionpi rey-kunamanta willakuq libropim qellqasqa kachkan. Paypa rantinpim churin Joaquinña munaychakurqa.

Jobwan Sutichasqa Libro 31:7

Sichum allin ñanmanta rakikuruptiyqa, sichum hukpa kaqta munapayaptiyqa, sichum runapa kaqta makiypi tariruptinqa,

Éxodo 18:21

Runakunamanta akllay chaypaq hina qarikunata, Dios respetaqkunata, cheqap rimaq qarikunata, qollqe kuyayta cheqniqkunata. Paykunatam churanki waranqa runakunapi, pachak runakunapi, pichqa chunka runakunapi chaynataq chunka runakunapi, kamachikuqkuna kanankupaq.

Proverbios 24:2

Sonqonkupipas paykunaqa runa wañuchiyllatam tanteanku, paykunaqa mana allinkuna ruwayllamantam rimankupas. -20-

Isaías 56:11

Paykunaqa mikuspapas mana saksaq allqokunam, mana imatapas musyaq michiqkunam; sapakama munasqankuman hina kawsaqkunam, kikillankupaq chaskikuy munaqkunam.

Jeremías 17:11

Imaynam hukpa runtunta oqllaq yutu hinam mana allinkunata ruwaspa apuyaruq runaqa, manaraq machuyachkaptinmi qorinpas qollqenpas tukunqa, hinaptinmi wakchayaypi tukunqa.

Jeremías 19:4

Qamkunaqa ñoqata saqeruwas-paykichikmi kay sitiotapas mana-ña asuykunaypaq hina ruwarunkichik, qamkunapapas, ñawpaq taytaykichik-kunapapas chaynataq Judá nacionpi reykunapapas mana reqsisqaykichik idolokunamanña inciensota kañaspaykichikmi, kay sitiopi inocente runakunata wañuchinkichik.

Jeremías 22:3

Tayta Diosmi kaynata nin: Runakunapaq allin arreglota ruwaychik, ñakariqkunata ñakarichiqninmanta libraychik; huklaw llaqtayuqkunatapas, mana tayta-mamayuqkunatapas, viudatapas ama ñakarichiychikchu nitaq uchuy-chaychikchu. Inocente runatapas aman wañuchiychikchu.

Jeremías 6:13

Paykunaqa hatunpas taksapas llapallankum apuyayllamanña qokurunku, profetankunawan sacerdotenkunapas engañakuqllañam rikurirunku.

Jeremías 6:6

Tukuy Atiyniyuq Tayta Diosmi kaynata nin: Sachakunata kuchuychik, Jerusalenta atacanaykichikpaq rampata ruwaychik. Ñakarichinakuypa huntasqan kasqanraykum Jerusalén llaqta castigasqa kanqa.

Jeremías 7:6

huklaw llaqtayuqkunatapas, mana tayta-mamayuqkunatapas, viudakunatapas mana ñakarichiptikichikqa, inocente runakunata kay sitiopi mana wañuchiptikichikqa, idolokunata manaña yupaychaptikichikqa,

Jeremías 8:10

Chayraykum warminkutapas hukmanña qoykusaq, chakrankutapas hukmanñam qoykusaq. Paykunaqa hatunpas taksapas apuyaruyllatam maskanku, profetawan sacerdotekunapas engañakuqllañam rikurirunku.

Ezequiel 18:12

wakchakunatawan mana imayuqkunata ñakarichiq, runamasinpa kaqta suwakuq, prenda mañasqantapas hapikuykuq, idolokunapi hapipakuq, millakusqay kaqkunata ruwaq,

Ezequiel 19:6

Malta leonña rikuriruspanmi llapa leonkunapa chawpinpi purirqa. Paypas animalkuna hapisqanta llikipaspanmi runa mikuyta yacharurqa.

Ezequiel 19:7

Runakunapa palacionkunatapas lliwmi tuñirachirqa, llaqtakunatapas lliwmi purmarachirqa; qapariyninwanmi lliwta mancharichirqa.

Ezequiel 19:9

Hinaspam ganchokunawan jaulapi wichqaruspanku Babilonia nacionpa reyninman aparurqaku; chaypim payta carcelman wichqarurqaku, Israel law orqokunapi qapariyninta manaña uyarinankupaq.

Ezequiel 22:6

Chaypim Israelpa kamachiqninku-napas yachanku, paykunam atiyninkuman hina yawar chaqchuyllapiña kallpakachanku.

Ezequiel 33:31

Chaynapim runaykunaqa costumbrenkuman hina uyarinankupaq hamuspanku ñawpaqnikipi tiyaykusparaq uyarisunki, ichaqa manam ruwayman churanqakuchu. Paykunaqa kuyanakuqkunapa takinta hinaraqmi rimanku, sonqonkum ichaqa qollqellapi yuyaymanachkan.

Miqueas 2:2

Paykunam hukpa chakranta otaq wasintapas munaruspaqa suwaypawan qechuruspa hapikuykunku, dueñontapas aylluntinta ñakarichispam lliw herencianta qechurunku, nispa.

Miqueas 3:10

Sión llaqtatam yawarta chaqchuspa hatarichinkichik Jerusalentañataqmi ñakariypa hawanpi hatarichinkichik.

Sofonías 3:3

Kamachiqninkunapas piña león hinam, juezninkunapas chunniqpi atoq hinam, paykunaqa manam tullutapas paqarinnintinkamaqa puchunkuchu.

Romanos 1:29

Chaymi paykunaqa kay mana allin ruwaypa huntasqan kachkanku: Waqllikuqkuna, millakuypaq kaqta ruwaqkuna, qollqella kuyaqkuna chaynataq hukpa kaqninta munapayaqkuna, runa wañuchiqkuna, kikillanpaq munaqkuna, engañakuqkuna peleolla kuyaqkuna, cuento qepikuna,

1~Corintios 6:10

nitaq suwakunaqa, qollqella kuyaqkunaqa, sinkakuypi kaqkunaqa, cuento qepikunaqa nitaq engañakuqkunapas.

Colosenses 3:5

Chaynaqa, aychapa mana allin ruway munayninkunatayá wañuchiychik: Amayá huchapakuychikchu, amayá millakuypaq kaqkunataqa ruwaychikchu, amayá mana allin munaywanqa aysachikuychikchu nitaq intuchikuychikchu, amataqyá qollqella kuyaqqa kaychikchu, (qollqe kuyayqa idolokuna yupaychay hinam).

Josué 7:21

Jericó llaqtamanta apamusqanchik kaqkunamantam, Babiloniamanta kaq kuyayllapaq capata, iskay chunka kimsayuq kilo qollqeta hinaspa medio kilo pesaq qorita rikururqani. Chaykunatam kuyaruspay hapikurqani, hinaspaymi carpaypa chawpinpi allpa ukupi pamparurqani, qollqepas chaykunapa ukunpim pakasqa kachkan, nispa.

2~Pedro 2:14

Warmitapas waqllikuy ñawinkuwan-mi qawanku, huchallikuytaqa manam aminkuchu, pisi iñiyniyuqkunatam enga-ñanku, sonqonpim runapa kaqninta muna-payanku, kaykunaqa ñakay runakunam.

2~Pedro 2:3

Qollqe ganakuyta munas-pankum, allin yachachikuq tukuspanku qamkunamanta negociota ruwakunqaku, paykunaqa ñawpaqmantaraqmi senten-ciasqaña kachkanku, chaylla chinka-runankupaq.

1~Samuel 8:3

Ichaqa manam taytanku Samuel hinachu allinta ruwarqaku, aswanqa apuyayta kuyaruspankum sobornota chaskikuqku, ima sasachakuytapas mana kaqninpim allichaqku.