Jeremías 22:16 - CHUYA QELLQA La Biblia en Quechua de Ayacucho 2012

¹⁶ Payqa wakchakunatawan ñakarichisqakunatam valechirqa, chayraykum ima ruwasqanpas allin lloqsirqa. Payqa sumaqtam reqsiwarqa, ñoqa Tayta Diosmi chaynata nini.

Quechua Ayacucho Bible 1987

¹⁶ Payqa wakchakunapa asuntontam defienderqa. Ñakariqkunapa asuntontam defienderqa. Chayraykum tukuy imapi allin karqa. ¿Manachum payqa sumaqta reqsiwarqa? Ñoqa Tayta Diosmi chaynata nini.

Chuya Qellqa 1992

¹⁶ Payqa wakchakunatawan ñakarichisqakunatam valechirqa, chayraykum ima ruwasqanpas allin lloqsirqa. Payqa sumaqtam reqsiwarqa, ñoqa Tayta Diosmi chaynata nini.

Jeremías 22:16 Iomraidhean Croise

1~Crónicas 28:9

Kuyasqay churiy Salomón, qamñataqyá kay taytaykipa Diosninta reqsikuspayki tukuy sonqoykiwan hinaspa tukuy kallpaykiwan serviy. Tayta Diosqa llapa runakunapa sonqontam qawachkan, reqsintaqmi runapa imam munasqanta hinaspa tanteasqantapas. Diosta maskaspaykiqa tarinkim, payta saqeruptikim ichaqa paypas wiñaypaqña saqerusunki.

Proverbios 31:9

kallpawan rimarispayá justiciata ruway, wakchakunatawan mana piniyuqkunatayá nanachikuy.

Isaías 1:17

Allinkuna ruwayta yachaychik, ñakarichisqakunapaq allin arreglota ruwaychik, mana tayta-mamayuqtawan viudakunata nanachikuychik, nispa.

Jeremías 5:28

Wirayaruspankum lluchkay-lluchkay uyayuqraq kachkanku, mana allinkuna ruwasqankupas manaña yupay atinam, mana tayta-mamayuqkunapaqpas manam allin arreglotaqa ruwankuchu, wakchakunatapas manam nanachikunkuchu.

Jeremías 9:16

Taytankupapas kikinkupapas mana reqsisqanku nacionkunamanmi cheqechisaq. Espa-dawan qatikachachispaymi manaña chullapas puchunankukama tukusaq, nispa.

Jeremías 9:24

Pipas alabakuyta munaspaqa alabakuchun ñoqa reqsiwasqanmanta, ñoqa Tayta Dios kasqayta yachasqanmanta, kuyapayakuywan allin arreglo ruwaq kasqaymanta, kay pachapi allinkuna ruwaq kasqaymanta; chayna ruwaytam ñoqaqa munani. Ñoqa Tayta Diosmi chaynata nini.

Jeremías 9:3

Tayta Diosmi kaynata nin: Flechachkaq hinaraqmi llullata rimanankupaq listoñalla kachkanku, kay llaqtapiqa llullakuyllañam munaychakuchkan cheqapqa manañam kanñachu; aswan-aswanmi mana allinkunaman qokurunku, Diospunim kaynata nin: Paykunaqa mana reqsisqapaqñam hapiwanku,

Miqueas 6:8

Yaw runa, Tayta Diosmi allin kaqkunata reqsichisurqanki, ¿imatataq qanmanta Pay mañasunki? Allin arreglo ruwaq kanaykita, llakipayakuq kuyanaykita, Diosnikipa qayllanpi uchuychakunaykitam.

Juan 16:3

Kaykunataqa ruwanqaku Taytatawan ñoqata mana reqsiwasqankuraykum.

Juan 17:3

Wiñay kawsayqa kaymi: Sapallan cheqap Dios kasqaykita hinaspa kachamusqayki Jesucristota reqsiymi.

Juan 17:6

Kay pachamanta qowasqayki runakunamanqa ñam willaniña pim kasqaykita. Paykunaqa qampam karqa chaymi qowarqanki, paykunaqa palabraykitam kasukunku.

Juan 8:19

Hinaptinmi fariseokuna nirqaku: ¿Maypitaq kachkan taytaykiqa? nispanku. Chaymi Jesusñataq nirqa: Qamkunaqa manam reqsiwankichikchu, nitaqmi Taytaytapas reqsinkichikchu; ñoqata reqsiwaspaykichikqa Taytaytapas reqsiwaqchikmi, nispa.

Tito 1:16

Paykunam ninku: “Diostam reqsiniku” nispanku, ruwasqankuwanmi ichaqa Diosta neganku. Paykunaqa chiqnikuqmi, mana kasukuqmi hinaspa allin kaqkuna mana ruway munaqmi kachkanku.

1~Samuel 2:2

Dios Taytalláy, ¡Qam hina chuyaqa manam pipas kanchu! ¡Qanmanta hukqa manam pipas kanchu! ¡Qam hina harkaykuwaqniyqa manam pipas kanchu.