Jeremías 22:15 - CHUYA QELLQA La Biblia en Quechua de Ayacucho 2012

¹⁵ ¿Cedro tablamanta ruwasqa wasipi yachaytachu rey kaypaq hapinki? Taytaykiqa tomaspapas mikuspapas allin arreglotawan cheqap kaqtam ruwarqa, chayraykum ima ruwasqanpas allin lloqsirqa.

Quechua Ayacucho Bible 1987

¹⁵ Cheqap reyqa kawaq ¿cedrosapallaña wasipi *f**yachaspaykichu? ¿Taytaykipa mikunanqa pisirqachu? ¿Taytaykipa tomananqa pisirqachu? Payqa allin arreglotam rurarqa. Payqa allinkunatam rurarqa. Chaymi tukuy imapi allin karqa.

Chuya Qellqa 1992

¹⁵ ¿Cedro tablamanta ruwasqa wasipi yachaytachu rey kaypaq hapinki? Taytaykiqa tomaspapas mikuspapas allin arreglotawan cheqap kaqtam ruwarqa, chayraykum ima ruwasqanpas allin lloqsirqa.

Jeremías 22:15 Iomraidhean Croise

2~Samuel 8:15

Israel nacionta David kamachikuspanmi llapallan runankunapaq mana pimanpas sayapakuspa allin arreglota ruwarqa.

1~Reyes 10:9

¡Señorniki Tayta Diosyá bendecisqa kachun! ¡Paymi kuyasuspayki Israel nacionpi munaychakunaykipaq churasurqanki! ¡Tayta Diosqa Israel nacionta kuyasqanraykum rey kanaykipaq churaykusurqanki, derechonpi allinta kamachikunaykipaq! nispa.

2~Reyes 22:2

Josiasqa Tayta Diospa qayllanpim allinkunata ruwaspan mana ichoqmanpas nitaq alleqmanpas muyuspa ñawpaq taytan David hina kawsarqa.

2~Reyes 23:25

Manam mayqan reypas karqachu rey Josías hina Tayta Diosman kutirikuqqa; payqa tukuy sonqonwan, vidanwan hinaspa tukuy kallpanwanmi Moisespa qellqasqan yachachikuykunata ruwayman churarqa. Pay hinaqa manam huk reyqa karqachu ñawpaqtapas nitaq qepatapas.

1~Crónicas 3:15

Josiaspa piwi churinmi karqa Johanán, qatiqninkunañataqmi karqa Joacim, Sedequías hinaspa Salum.

2~Crónicas 34:2

Rey Josiasqa Tayta Diospa qayllanpim allinkunata ruwarqa, ñawpaq taytan David hinam kawsarqa, chaymantaqa manam alleqmanpas nitaq ichoqmanpas rakikurqachu.

2~Crónicas 35:22

Rey Josiasmi ichaqa Necaonintakama Tayta Diospa nisqanta mana kasukuspan pantachikunanpaq huk pachawan churakururqa, hinaspanmi rey Necaowan peleananpaq Meguido qechwaman pasarqa.

2~Crónicas 35:26

Rey Josiaspa imaynam kawsasqanwan Tayta Diospa kamachikuyninman hina imakunam ruwasqanpas,

Proverbios 20:28

Reytaqa waqaychan cheqap kaywan kuyapayakuymi, llakipayakuyñataqmi trononta takyachin.

Proverbios 21:3

Sacrificiokuna qonamantapas aswanqa, allin arreglotawan allin kawsakuytam. Tayta Diosqa munan.

Proverbios 25:5

Reypa qayllanmanta mana allin runata qarqoruptikiqa trononpas allin arreglo ruwaypim sapinchakunqa.

Proverbios 29:4

Allinta munaychakuq reyqa llaqtatam takyachin, impuestollata mañakuqmi ichaqa llaqtata chinkachin.

Proverbios 31:9

kallpawan rimarispayá justiciata ruway, wakchakunatawan mana piniyuqkunatayá nanachikuy.

Eclesiastés 10:17

¡Mayna kusisqam kanqa, allin sonqoyuq reypa kamachisqan nacionqa! ¡Mayna kusisqam kanqa kamachiqninkuna horallanpi mikuspa mana machakuptinkuqa!

Eclesiastés 2:24

Runapaqqa allinqa kanman mikukuspa tomakuspa llamkayninpa rurun-wan kusikuymi. Tukuy kaykunaqa Diosmantam hamun.

Isaías 3:10

Allin ruwaqkunatayá niychik: Allinmi kasunki, allinkuna ruwasqaykimantam mikunki, nispa.

Isaías 33:16

allin waqaychasqa kawsakunqa, yachananpas qaqay-qaqay sunim kanqa; mikunanpas manam tukunqachu, yaku tomananpas manam pisinqachu, nispa.

Isaías 9:7

Rey Davidpa trononmantam kamachikunqa, munaychakuyninpa atiyninmi tukuy hinastinman chayanqa, munaychakuyninpiqa hawkayaypas manam tukunqachu, munaychakuyninqa wiña-wiñaypaqmi takyanqa. Mana pimanpas sayapakuspam kamachikunqa, allin arreglokunawanmi munaychakunqa, kunanmanta wiña-wiñaykama. Tukuy Atiyniyuq Tayta Diospa kuyakuyninmi chaytaqa ruwanqa.

Jeremías 21:12

Rey Davidpa mirayninkuna, ñoqa Tayta Diosmi kaynata nikichik: Sapa pacha achikyaytayá allin arreglota ruwaychik, ñakariqkunatayá ñakarichiqkunamanta qechuychik, yanqañataq mana allinkuna ruwasqaykichikmanta piñakuyniy nina hina ratarirunman manaña pipas amachay atinankama, nispayki.

Jeremías 22:18

Chayraykum Josiaspa churinmanta otaq Judá nacionpa reynin Joacimmanta Tayta Dios kaynata nin: Wañuptikiqa manam pipas waqanqachu, wañuruptikipas manam pipas waqaspaqa ninqachu: ¡Ay, wawqelláy! ¡Ay, panilláy! ¡Ay, señorlláy! ¡Ay reynilláy! nispaqa.

Jeremías 22:3

Tayta Diosmi kaynata nin: Runakunapaq allin arreglota ruwaychik, ñakariqkunata ñakarichiqninmanta libraychik; huklaw llaqtayuqkunatapas, mana tayta-mamayuqkunatapas, viudatapas ama ñakarichiychikchu nitaq uchuy-chaychikchu. Inocente runatapas aman wañuchiychikchu.

Jeremías 23:5

Tayta Diosmi kaynata nin: Chayamunqam punchaw rey Davidpa mirayninmanta huk reyta hatarichinaypaq, payqa allin ruwaqmi kanqa, yachaywanmi nacionpipas munaychakunqa, allin arregloman hinam munaychakunqa, allin ruwaykunawanmi munaychakunqa.

Jeremías 42:6

Allinniykupaq otaq mana allinniykupaq kaptinpas qamnintakama yupaychasqanchik Tayta Diospa niwasqankutam kasukusaqku, chaynapi allin kanaykupaq, nispanku.

Jeremías 7:5

Sichum kawsaynikichiktawan ruwaynikichikta allichaspa runakunapa quejanakuyninta allinta arreglaptikichikqa,

Lucas 11:41

Kapusuqnikichikmantayá limosnatapas qoychik, chaynapi tukuy imapas limpio kapusunaykichikpaq.

Hechos 2:46

Sapa punchawmi templopi huk sonqolla huñunakuqku, wasin-wasin huñunakuspam hatun kusikuywan mikuyta mikuqku, tantatapas partinakuspankum mikuqku.

1~Corintios 10:31

Mikuspapas tomaspapas otaq imataña ruwaspapas llapantayá Dios hatunchasqa kananpaq ruwaychik.

Deuteronomio 4:40

Kunan punchawpi kamachisqay yachachikuykunatawan kamachikuykunatayá kasukuychik, hinaspaqa qamkunapas chaynataq miraynikichikpas allintam kawsakunkichik, Señornikichik Tayta Diospa wiñaypaq qosunaykichik allpapim unay watakuna yachankichik, nispa.