Jeremías 22:10 - CHUYA QELLQA La Biblia en Quechua de Ayacucho 2012

¹⁰ Rey Josiaspa wañusqanmantaqa amaña waqaychikchu, waqaychikqa rey Salum preso apasqa kasqanmantayá, payqa manañam haykapipas kutimunqañachu, nacesqan allpatapas manañam rikunqañachu.

Quechua Ayacucho Bible 1987

¹⁰ Wañukuq Rey Josiasmantaqa amañayá waqaychikchu. Amañayá paymanta llakikuspaqa waqaychikchu. Presochasqa riqmantayá aminaykichikkama waqaspaqa-waqaychik. Manaña haykapipas kutimuqmantayá waqaspaqa-waqaychik. Nacesqan allpaman manaña kutimuqmantayá waqaspaqa-waqaychik.

Chuya Qellqa 1992

¹⁰ Rey Josiaspa wañusqanmantaqa amaña waqaychikchu, waqaychikqa rey Salum preso apasqa kasqanmantayá, payqa manañam haykapipas kutimunqañachu, nacesqan allpatapas manañam rikunqañachu.

Jeremías 22:10 Iomraidhean Croise

2~Reyes 22:20

Chayraykum ñawpaq taytaykikuna hina wañukuspaqa hawkayaypim pampasqa kanki. Kay llaqtapa contranpi castigo apachimusqaytaqa manam rikunkichu, nispa. Chaymi kutirispanku chaynata reyman willamurqaku.

2~Reyes 23:29

Chay tiempopim Egiptopa reynin Faraón Necao Eufrates mayukama rirqa, chaynapi Asiria nacionpa reyninta yanapananpaq. Rey Josiasñataqmi rey Necaopa contranpi rirqa, ichaqa rey Necaomi rikuruspan rey Josiasta Meguido llaqtapi wañurachirqa.

2~Crónicas 36:4

Chaywanpas Egipto nacionpa reyninqa Judá nacionpa chaynataq Jerusalenpa reynin kananpaqmi Joacazpa wawqen Eliaquimta churarqa. Rey Eliaquimpa sutintam Joacinman tikrarurqa. Rey Necaoqa Joacimpa wawqen Joacaztapas Egipto nacionmanmi aparqa.

Eclesiastés 4:2

Chayraykum nirqani: Mayna kusisqam wañukuqkunaqa, mayna llakikuypaqmi kawsaqkunaqa;

Isaías 57:1

Allin kawsakuq runakunam wañunku, manam pitapas imapas qokunchu. Kuyapayakuq runakunam chinkanku, ichaqa manam pipas musyanchu sasachakuymanta librasqaña kasqankuta.

Jeremías 16:7

Wañukuqpa ayllunkunata consuelanankupaqpas manam convidotaqa ruwanqakuchu. Tayta-mamanña wañuptinpas manam consuelanqakuchu.

Jeremías 22:11

Taytan Josiaspa rantinpi Judá nacionpi munaychakuq rey Salummantam Tayta Dios kaynata nin: Salummi kaymanta preso apasqa kanqa, manañam haykapipas kutimunqañachu.

Jeremías 22:18

Chayraykum Josiaspa churinmanta otaq Judá nacionpa reynin Joacimmanta Tayta Dios kaynata nin: Wañuptikiqa manam pipas waqanqachu, wañuruptikipas manam pipas waqaspaqa ninqachu: ¡Ay, wawqelláy! ¡Ay, panilláy! ¡Ay, señorlláy! ¡Ay reynilláy! nispaqa.

Jeremías 22:27

Israelman kutimuyta munaspapas manañam atinkichikñachu, nispa.

Jeremías 25:27

Israelpa yupaychasqan Tukuy Atiyniyuq Tayta Diosmi paykunaman kaynata ninaypaq niwarqa: Upyaychik macharuspa kutichinaykichikkama, pampaman wichiykuspa manaña hatariy atinaykichikkama, contraykichikpi guerrata kacharimusqayrayku.

Jeremías 28:4

kutichimusaqtaqmi Joacimpa churin Judá nacionpa reynin Jeconiastawan Judá nacionmanta Babilonia nacionman preso apasqa runakunatapas. Babilonia nacionpi reypa yugontam pakisaq. Ñoqa tayta Diosmi chaynata nini, nispa.

Jeremías 42:18

Israelpa yupaychasqan Tukuy Atiyniyuq Tayta Diosmi kaynata nin: Imaynam Jerusalenpi yachaqkunata piñakuyniypi ruwasqayta hinam, qam-kunatapas Egiptoman yaykuptikichikqa piñakuyniywan ruwasqaykichik. Hinaptinmi ñakasqa, kamisqa, insultasqa hinaspa penqayman churasqa kankichik, manañam allpaykichikmanpas kutimunkichikñachu, nispa.

Jeremías 44:14

Judá nacionpi puchuspa Egiptoman yacha-nankupaq ayqemuqkunamantaqa ma-nam hukllapas lluptinkichikchu nitaqmi kawsankichikchu. Judá nacionman maynataña kutiyta munaspapas manam atinkichikchu, kutispaqa-kutinqa kaymanta lluptiqkunallañam, nispa.

Lamentaciones 4:9

Yarqaymanta wañuqkunamantaqa guerrapi wañuqkunaraqmi aswan allinqa, kaykunaqa mikunankupaq kawsay manaña kaptinmi allimanta wañurqaku.

Ezequiel 24:16

Runapa churin, ancha kuyasqayki warmikitam qonqayllamanta qechurusqayki, paymantaqa amam llakikunkichu nitaq waqankichu, amataqmi weqekipas sutunqachu.

Lucas 23:28

Paykunata qawarispanmi Jesús nirqa: Jerusalén llaqtayuq warmikuna, ama-yá ñoqamantaqa waqaychikchu, waqas-paqa-waqaychik kikikichikmantawan wawaykichikkunamantayá.