Jeremías 21:9 - CHUYA QELLQA La Biblia en Quechua de Ayacucho 2012

⁹ Pipas kay llaqtapi puchuqkunaqa guerrawan, yarqaywan, peste onqoywanmi wañunkichik. Ataca-musuqnikichik Caldea runakunapa makinman churakuspam ichaqa kawsankichik, vidaykichiktapas salvankichikmi.

Quechua Ayacucho Bible 1987

⁹ Kay llaqtapi puchuqkunaqa guerrapim otaq yarqaymantam otaq peste onqoywanmi wañunkichik. Aswanqa Caldea runakunapa otaq kay llaqtapa muyuriqninmanta atacamuqkunapa makinman churakuspaqa kawsankichikmi. Vidallaykichiktapas salvankichikmi.

Chuya Qellqa 1992

⁹ Pipas kay llaqtapi puchuqkunaqa guerrawan, yarqaywan, peste onqoywanmi wañunkichik. Atacamusuqnikichik Caldea runakunapa makinman churakuspam ichaqa kawsankichik, vidaykichiktapas salvankichikmi.

Jeremías 21:9 Iomraidhean Croise

Jeremías 14:12

Ayunaspa mañakuwaptinkupas manam uyarisaqchu. Lliw kañana sacrificionkunatawan kawsaykunamanta ofrendakuna apamuwasqankutapas manam chaskisaqchu. Aswanqa guerrawan, yarqaywan hinaspa peste onqoywanmi paykunataqa tukusaq, nispa.

Jeremías 21:7

Chaymantam Judá nacionpa reynin Sedequiastapas, serviqninkunatapas, llaqta runakunatapas chaynataq peste onqoywan, guerrawan, yarqaywan wañunankumanta puchuqkunatapas, Babilonia nacionpa reynin Nabucodonosorman hinaspa wakin enemigonkunaman qoykusaq, hinaptinmi mana llakipayarispa wañuchinqaku. Ñoqa Tayta Diosmi chaynata nini.

Jeremías 24:10

Paykunamanmi guerrata, yarqayta hinaspa peste onqoyta kacharisaq, taytankuman qosqay allpamanta chinkanankukama.

Jeremías 27:11

Babilonia nacionpi reypa llasaq yugonman kunkanta sujetaqkunatam ichaqa hina allpanpi saqeykusaq, hinaptinmi chakrankuta llamkaspa hinapi yachanqaku. Ñoqa Tayta Diosmi chaynata nini.

Jeremías 27:12

Ñoqa Jeremiasmi Judá nacionpa reynin Sedequiasman tukuy chaykunata kaynata willarqani: Babilonia nacionpi reypa yugoman kunkaykichikta sujetaychik hinaspa paytawan llaqtanta serviychik. Chay-nata ruwaspaqa kawsankichikmi.

Jeremías 27:13

¿Imanasqataq qampas chaynataq runaykikunapas guerrawan, yarqaywan chaynataq peste onqoywan wañuyta munankichik? Tayta Diospa nisqanpi hinapas, tukuy kaykunaqa Babilonia nacionpa reyninta mana serviy munaq nacionkunatam pasanqa.

Jeremías 38:2

Tayta Diosmi kaynata nin: Kay llaqtapi qepaqkunam guerrawan, yarqaywan hinaspa peste onqoywan wañunqaku. Caldea runakunaman hukllawakuqmi ichaqa wañuymanta librakuspan vidanta salvanqa.

Jeremías 38:3

Tayta Diosmi kaynata nin: Cheqaptapunipas kay llaqtataqa Babilonia nacionpi reypa tropankunamanmi qoykusaq, manam pipas harkakuyta atinqachu, nispa.

Jeremías 39:18

Paykuna wañuchisunaykimantam librasqayki. Ñoqapi hapipakusqaykiraykum vidaykita salvasaq. Ñoqa Tayta Diosmi chaynata nini.

Jeremías 45:5

¿Chaychu qamñataq admirakuypaq kaqkunataraq maskachkanki? Ama maskayñachu. Llapallan runakunamanmi sasachakuykunata kacharimusaq. Qanmi ichaqa maymanña rispaykipas kawsankiraq. Ñoqa tayta Diosmi chaynata nini.

Ezequiel 5:12

Qamkuna-manta kimsaman rakisqapa hukninmi peste onqoywan hinaspa yarqaywan llaqta ukupi wañunqaku. Huknin rakiñataqmi espadawan llaqtapa muyuriqninpi wañuchisqa kanqaku. Chaymanta puchuqkunatañataqmi tukuy hinastinman cheqerachisaq. Ñoqaqa espada makintinmi paykunata qatikachasaq.