Jeremías 21:7 - CHUYA QELLQA La Biblia en Quechua de Ayacucho 2012

⁷ Chaymantam Judá nacionpa reynin Sedequiastapas, serviqninkunatapas, llaqta runakunatapas chaynataq peste onqoywan, guerrawan, yarqaywan wañunankumanta puchuqkunatapas, Babilonia nacionpa reynin Nabucodonosorman hinaspa wakin enemigonkunaman qoykusaq, hinaptinmi mana llakipayarispa wañuchinqaku. Ñoqa Tayta Diosmi chaynata nini.

Quechua Ayacucho Bible 1987

⁷ Ñoqa Tayta Diosqa ninitaqmi: Babilonia nacionpa reynin Nabucodonosormanmi chaynataq wakin enemigonkunamanmi qoykusaq Juda nacionpa reynin Sedequiastawan serviqninkunata. Qoykusaqtaqmi peste onqoymanta puchuqkunatapas, guerrapi wañuqkunamanta puchuqkunatapas, yarqaywan wañuqkunamanta puchuqkunatapas chaynataq wañuymanta llaqtapi llapallan puchuqkunatapas. Paykunatamá Nabucodonosor mana kuyapayaspan, mana favorecespan hinaspa mana llakipayaspan guerrapi wañuchinqa.

Chuya Qellqa 1992

⁷ Chaymantam Judá nacionpa reynin Sedequiastapas, serviqninkunatapas, llaqta runakunatapas chaynataq peste onqoywan, guerrawan, yarqaywan wañunankumanta puchuqkunatapas, Babilonia nacionpa reynin Nabucodonosorman hinaspa wakin enemigonkunaman qoykusaq, hinaptinmi mana llakipayarispa wañuchinqaku. Ñoqa Tayta Diosmi chaynata nini.

Jeremías 21:7 Iomraidhean Croise

Isaías 27:11

Sachapa kallmanpas chakiruspaqa pakirunmi, warmikunam chaykunata huñuruspa ninata ratachinku. Mana yachayniyuqmi kay llaqtaqa, chayraykum unanchaqninpas mana llakipayanqachu, nitaqmi paykunataqa kuyapayanqachu.

Isaías 47:6

Runaykunawan piñasqa kaspaymi, penqaypi kanankupaq makikiman hapiykachirqayki. Ichaqa paykunatam mana llakipayarqankichu, yuyaqkunatapas llasaq qepita apachispam ñakarichirqanki.

Jeremías 13:14

Hinaspaymi urpukunata takanachispa pakichkaq hina taytantawan churinta takanachisaq. Manam pampachasaqchu, nitaqmi llakipayasaqchu, paykunata wañuchispayqa manam kuyapayasaqchu, nispa. Ñoqa Tayta Diosmi chaynata nini.

Jeremías 14:12

Ayunaspa mañakuwaptinkupas manam uyarisaqchu. Lliw kañana sacrificionkunatawan kawsaykunamanta ofrendakuna apamuwasqankutapas manam chaskisaqchu. Aswanqa guerrawan, yarqaywan hinaspa peste onqoywanmi paykunataqa tukusaq, nispa.

Jeremías 15:5

Jerusalén llaqta, ¿pitaq qanmanta llakipayarikunqa? ¿Pitaq qanmanta waqanqa? ¿Pitaq qanmanta “hawkallachu kachkan” nispa tapurikunqa?

Jeremías 15:9

Qanchis wawayuq warmikunam wañunayanqaku, almankumanmi nanay huntaykunqa, punchawpas paykunapaqqa tutayaymi kanqa, penqaypi kaspankum muspaypi hina rikurinqaku. Paykunamanta puchuqkunatam enemigonkuman guerrapi wañuchinanpaq qoykusaq. Ñoqa Tayta Diosmi chaynata nini.

Jeremías 19:7

Kay qechwapim Judá nacionpi runakunapa chaynataq Jerusalén llaqtayuq runakunapa rimanakusqankuta yanqachasaq. Enemigonkuman qoykuptiymi guerrapi wañunqaku, hinaptinmi ayankutapas alton pawaq animalkunawan purun animalkunaña mikunqaku.

Jeremías 20:4

Tayta Diosmi kaynata nin: Qamtaqa kikikipapas chaynataq llapallanamistadnikikunapapas mancharikunantañam ruwasqayki. Qawachkaptikim amistadnikikunatapas enemigoykikuna guerrapi wañuchinqa. Judá nacionpi runakunatapas Babilonia nacionpa reyninmanmi qoykusaq, paymi wakiqta wañuchinqa, wakiqtañataqmi presota Babiloniaman apanqa.

Jeremías 22:25

wañuchiy munasuqnikiman qoykunaypaq. Manchakusqayki Babiloniapa reynin Nabucodonosorman hinaspa Caldea runakunamanmi qamtaqa qoykusqayki.

Jeremías 27:6

Kunanmi llapallan nacionkunata Babilonia nacionpa reynin serviqniy Nabucodonosorman qoni, purun animalkunatapas paymanmi munaychakunanpaq qoni.

Jeremías 32:4

Judá nacionpa reynin Sedequiaspas Caldea runakunamantaqa manam lluptinqachu, aswanqa Babilonia nacionpa reyninpa makinmanmi wichinqa, hinaspanmi qayllanman apasqa kanqa.

Jeremías 34:3

Makinmantaqa qampas manam lluptinkichu, aswanqa hapirachikuspam payman qosqa kanki. Qayllanman pusasqa kaspam Babiloniaman preso apasqa kanki.

Jeremías 36:29

Ñoqa Tayta Diospa nisqaytam rey Joacinman kaynata ninki: Qanmi chay rollota kañaspayki, Jeremiasta qaqcharqanki, “cheqaptapunim Babilonia nacionpa reynin hamuspan kay nacionta tukunqa manaña runayuq nitaq animalniyuq kanankama”, nisqanmanta.

Jeremías 37:17

Hinachkaptinmi rey Sedequías palacionman pusarichimuspa pakasqallapi tapuspan nirqa: ¿Yaqachu Tayta Diosqa imallatapas ñoqapaq nisurqanki? nispa. Chaymi Jeremías nirqa: Arí, kachkanmi, Babilonia nacionpa reyninmanmi entregasqa kanki, nispa.

Jeremías 50:17

Israelqa leonkunapa cheqerachisqan chinkasqa oveja hinam. Puntatam Asiria nación mikururqa, paypa qepantañataqmi Babilonia nacionpa reynin Nabucodonosor tullunkunatawanpas katkarqa.

Lamentaciones 2:20

Dios Taytalláy qawarispa yuyaymanariy, ¡manam pitapas kaynaniraqtaqa ruwarqankichu! ¿Yaqachu warmikuna wachakusqan wawata mikurunmanku? ¿Hinachu sacerdotekunawan profetakunapas temploykipi wañuchisqa kanqaku?

Lamentaciones 2:22

Fiestaman hinam mancharichiqniykuta tukuy hinastinmanta huñuramunki. Dios Taytalláy, piñakusqayki punchawpiqa manam pipas kawsachkaqqa ayqerqachu, Allinta uywaspa qespichisqaytapas enemigoymi hamuruspan wañurachin.

Ezequiel 23:28

Ñoqa Tayta Diosmi kaynata nini: Ñoqam cheqnisqayki hinaspa millakusqayki runakunapa makinman kachaykusqayki.

Ezequiel 7:9

Manam llakipayasqaykiñachu, aswanqa castigasqaykipunim. Mana allin kawsasqaykimanta hinaspa millakuypaq kaqkuna ruwasqaykimantam pagapusqayki. Chaynapim Tayta Dios kasqayta yachanki.

Ezequiel 8:18

Chayraykum ñoqapas paykunaman piñakuyniyta kachaykamusaq, manam paykunataqa llakipayasaqchu; qaparkachaspa qayakamuwaptinkupas manam uyarisaqchu, nispa.

Ezequiel 9:10

Paykunataqa manaña llakipayaspam castigasaq, paykunamanqa imaynam kawsasqankuman hinam pagapusaq, nispa.

Deuteronomio 28:50

Paykunaqa manchakuypaq rikchayniyuq runakunam. Yuyaqkunatapas chaynataq wawakunatapas mana llakipayaq runa-kunam.