Jeremías 21:4 - CHUYA QELLQA La Biblia en Quechua de Ayacucho 2012

⁴ Israelpa yupaychasqan Tayta Diosmi kaynata nin: Ñoqam Babilonia reypa contranpi peleasqaykichik armakunata kikikichikpa contraykichikpi kutiriykachisaq. Murallaykichikpa hawa lawninmanta atacamuq Caldea runakunatañataqmi kay llaqtapa chawpinman huñurusaq.

Chuya Qellqa 1992

⁴ Israelpa yupaychasqan Tayta Diosmi kaynata nin: Ñoqam Babilonia reypa contranpi peleasqaykichik armakunata kikikichikpa contraykichikpi kutiriykachisaq. Murallaykichikpa hawa lawninmanta atacamuq Caldea runakunatañataqmi kay llaqtapa chawpinman huñurusaq.

Jeremías 21:4 Iomraidhean Croise

Isaías 10:4

Preso pusasqakunawan kuska mana humillakuspaqa wañuymanñam wichinkichik. Chaywanpas Tayta Diosqa hinallam piñasqa kachkan atiyninwan castigananpaq.

Isaías 13:4

Orqokunapa hawanpim achkallaña runakunapa chaqwakuynin uyarikuchkan, huñunasqa nacionkunapa, llaqtakunapa qapariyninmi uyarikuchkan, Tukuy Atiyniyuq Tayta Diosmi tropankunata guerrapaq yupachkan.

Isaías 5:5

Chaynaqa, kunanmi qamkunaman, imatam kay huertaywan ruwanayta nisqaykichik: Llapa rumi perqanta paskaruptiymi purmarachinqaku, perqankunata lliw tuñirachiptiymi saruparunqaku.

Jeremías 20:4

Tayta Diosmi kaynata nin: Qamtaqa kikikipapas chaynataq llapallanamistadnikikunapapas mancharikunantañam ruwasqayki. Qawachkaptikim amistadnikikunatapas enemigoykikuna guerrapi wañuchinqa. Judá nacionpi runakunatapas Babilonia nacionpa reyninmanmi qoykusaq, paymi wakiqta wañuchinqa, wakiqtañataqmi presota Babiloniaman apanqa.

Jeremías 21:3

Jeremiasñataqmi paykunata nirqa: Rey Sedequiasman kaynata willamuychik:

Jeremías 32:24

Caldea runakunam kay llaqtaman yaykumunankupaq perqapa qepanman allpata montoramunku; chaymi guerrawan, yarqaywan hinaspa peste onqoywan, kay llaqtata enemigonkunapa makinman qosqa kanqa. Dios Taytalláy, qawasqaykipi hinapas, nisqaykiman hinam cumplikuchkan.

Jeremías 32:3

Judá nacionpa reynin Sedequiasmi Jeremiasta presocharachirqa, kaynata nispa profetizasqanmanta: Tayta Diosmi kaynata nin: Kay llaqtatam Babilonia nacionpa reyninman qoykusaq.

Jeremías 32:5

Paymi rey Sedequiasta Babilonia nacionman apanqa, chaypim kamunqa paymanta yuyarinaykama. Caldea runakunawan peleaspapas manapunim vencenkichikchu. Ñoqa Tayta Diosmi chaynata nini.

Jeremías 33:5

Caldea runakunam kay llaqtata atacamunankupaq murallapa qepanpi allpata montonqaku, chaymi paykunawan peleanankupaq lloqsispanku lliw wañuchisqa kanqaku. Ñoqam hatun piñakuyniypi paykunata wañuchisaq, mana allinkuna ruwasqankumantam kay llaqtata manaña yanapasaqchu.

Jeremías 35:17

Chayraykum Israelpa yupaychasqan Tukuy Atiyniyuq Tayta Dios kaynata nin: Judá nacionpa chaynataq Jerusalén llaqtapi yachaqkunapa contranpi sasachakuykuna rimasqaytam paykunaman kacharimusaq. Qamkunaqa rimapayaptiypas manam kasuwarqankichikchu, qayaptiypas manataqmi contestawarqankichikchu, nispa.

Jeremías 39:3

Babilonia nacionpi reypa capitanninkuna yaykururqaku, hinaspam chawpi kaq punkupi churakururqaku, paykunam karqa: Nergal-sarezer, Samgar-nebo, eunucokunapa kamachiqnin Sarsequim, reypa palacionpi kamachikuq Nergal-sarezer hinaspa wakin kamachikuqkunapas.

Jeremías 52:18

Aparqakutaqmi mankakunatapas, palakunatapas, mechero limpianakunatapas, tazonkunatapas, wisllakunatapas, broncemanta llapa serviciokunatapas,

Lamentaciones 2:3

Sinchita piñakuspanmi Israelpa tukuy atiyninta chinkarachin, enemigopa qayllanpim yanapakuyninta karuncharachin, Jacob castakunapa llaqtankunapim lenwachkaq ninata ratarachin, muyuriqninpi tukuy tarisqanta ruparunanpaqmi ratarachin.

Lamentaciones 2:5

Señorqa enemigo hinam ruwarun: Israeltam palacionkunatawan lliwta tuñirachirqa, muyuriqninpi murallankunatam purmarachirqa. Kuyayllapaq Judá naciontam ñakarichispan waqachirqa.

Lamentaciones 2:7

Señorqa altarnintapas qepanchakururqam, santuariontapas wischupakururqam, llaqtapa perqantapas enemigonkunamanmi qoykurqa, enemigonkunam fiesta punchawpi hinaraq Tayta Diospa templonpi chaqwakunku.

Ezequiel 39:3

Ichoq makikipi apasqayki arcotam pakirusaq, alleq makikipi apasqayki flechakunatam wikaparusaq.

Oseas 9:12

Wachakuruspanku uywachkaptinkupas qechuruspaymi wañurachisaq. ¡Ay, imaynaraq kanqaku saqeruptiyqa!

Zacarías 14:2

Tayta Diosmi kaynata nin: Chay punchawpim llapa nacionkunata hatarirachisaq Jerusalenpa contranpi peleanankupaq. Hinaspam llaqtata venceruspanku wasikunata salteaspa warmikunatapas abusanqaku. Llapa runatam partenta presota apanqaku, puchuqkunañataqmi hinapi qepanqaku, nispa.

Mateo 22:7

Chayta uyariruspanmi reyqa llum-payta piñakururqa, hinaspam solda-donkunata kamachirqa chay wañu-chiqkunata wañuchimunankupaq chay-nataq llaqtankutapas kañamunanku-paq.