Jeremías 21:13 - CHUYA QELLQA La Biblia en Quechua de Ayacucho 2012

¹³ Ñoqa Tayta Diosmi kaynata nini: Qechwapi munaychakuq llaqta pampapi qaqa hina llaqta, ñoqam contraykipi kachkani. Qamkunam ninkichik: ¿Pitaqsi ñoqanchikta atacawachwan? ¿Pitaqsi amparakunanchikman chayamunman? nisparaq.

Quechua Ayacucho Bible 1987

¹³ Ñoqa Tayta Diosmi nini: Qechwapa altonpi tiyaq llaqta, ñoqaqa contraykipim kachkani. Pampapa chawpinpi hatun rumi hina llaqta, ñoqaqa contraykipim kachkani. “¿Pitaqsi ñoqanchiktaqa atacawasun?” nisparaqmi ninkichik. “¿Pitaqsi amparakunanchikmanqa chayamunqa?” nisparaqmi ninkichik.

Chuya Qellqa 1992

¹³ Ñoqa Tayta Diosmi kaynata nini: Qechwapi munaychakuq llaqta pampapi qaqa hina llaqta, ñoqam contraykipi kachkani. Qamkunam ninkichik: ¿Pitaqsi ñoqanchikta atacawachwan? ¿Pitaqsi amparakunanchikman chayamunman? nisparaq.

Jeremías 21:13 Iomraidhean Croise

Éxodo 13:20

Israelpa mirayninkunam Sucotmanta lloqsispanku Etam lawpi carpankuta sayachispa chunniqpa qallariyninpi samarurqaku.

Éxodo 13:8

Chay punchawpim churikichikkunaman willankichik: “Kaytaqa ruwachkanchik Egipto nacionmanta Tayta Diospa hurqomuwasqanchikmantam”, nispaykichik.

Isaías 22:1

Revelación chaskina qechwapa contranpim Isaías kaynata nirqa: ¿Imanarusunkichiktaq, imaynanpitaq wasi hawanman lliw qespirunkichik?

Jeremías 17:3

chakrakunapi hinaspa orqokunapi. Huchallikusqaykichikmantam lliw nacionpi kaq capillaykichiktapas, chaynataq qori-qollqekichiktawan tukuy ima kapuqnikichiktapas saqueachisaq.

Jeremías 21:5

Kikiypunim qamkunapa contraykichikpi, hatun atiyniywan hinaspa nina hina manchakuypaq piñakuyniywan peleasaq.

Jeremías 49:16

Hatun tukuynikim pantarachisunki, sonqoykipa hatun tukuyninmi pantayman aparusunki. Qaqapa uchkunkunapiña yachaptikipas, alto raqchikunapiña wasichakuruptikipas, anka hinaña alto qaqakunapi qesachakuptikipas, chaymantam wikapamusqayki. Ñoqa Tayta Diosmi chaynata nini.

Jeremías 50:31

Ñoqa Tukuy Atiyniyuq Tayta Diosmi kaynata nini: Hatunchakuq nación, contraykipim kachkani, punchawnikim chayaramun, castiganay punchawmi chayaramun.

Jeremías 51:25

Ñoqa Tayta Diosmi nini: Nacionkunata tuñichiq orqo, qampa contraykipim kachkani. Makiytam castiganaypaq hoqarisaq, qaqapa hawanmantam kumpaykusqayki, hinaspaymi kañasqa orqoman tikrasqayki.

Jeremías 7:4

Kaqmanta-kaqmanta “kaymi Tayta Diospa templonqa” nispa nisuqnikichikkunamanqa amayá hapipakuychikchu.

Lamentaciones 4:12

Nacionkunapi reykunapas manam creerqakuchu kay pachapi yachaqkunapas manam piensarqakuchu, Jerusalenpa punkunta enemigonkuna yaykunantaqa.

Ezequiel 13:8

Chayraykum ñoqa Tayta Dios kaynata nikichik: Qamkunaqa visionpipas pantaytam qawankichik, profetizaspapas llullallatam willakunkichik, chayraykum contraykichikpi kachkani. Ñoqa Tayta Diosmi chaynata nini.

Ezequiel 21:3

Ñoqa Tayta Diospa nisqayta paykunaman kaynata niy: Ñoqaqa qampa contraykipim kachkani, chayraykum vainanmanta espadayta hurqoykuspay, allin ruwaq runakunata chaynataq mana allin ruwaq runakunatapas wañurachisaq.

Ezequiel 34:10

Ñoqa Tayta Diosmi kaynata nikichik: Michiqkuna, contraykichikpim kachkani, qamkunamantam ovejaykunata mañasqaykichik; manaña michiqnin kanaykichikpaqmi qarqorusqaykichik, chaynapim manaña kikillaykichiktaqa michikunkichikñachu. Ovejaykunatam simikichikmanta qechurusqaykichik, chaynapi manaña mikunaykichikpaq.

Ezequiel 5:8

Chayraykum ñoqa Tayta Dios kaynata nini: Ñoqapas qampa contraykipi sayarispaymi wakin nacionkuna qawachkaptin sentenciaspay castigasqayki.

Miqueas 3:11

Kamachiqninkunapas pagollapaqmi kamachikunku, sacerdotenkunapas qollqellapaqmi yachachikunku, profetakunapas qollqellapaqmi profetizanku, Tayta Diosman hapipakuq tukuspankum kaynata ninku: Diosmi ñoqanchikwan kachkan, manam ima sasachakuypas chayamuwasunchu, nispanku.

Nahúm 2:13

Tukuy Atiyniyuq Tayta Diosmi kaynata nin: Nínive llaqta, contraykipim kachkani, guerrapaq carretaykikunatam kañaykuspa qosnita hina chinkarachisaq; uña leonnikikunatam espadawan wañuchisaq, suwakuytapas chawpikimantam chinkachisaq, willasuqnikikunapa rimasqanpas manañam uyarikunqañachu.