Jeremías 21:10 - CHUYA QELLQA La Biblia en Quechua de Ayacucho 2012

¹⁰ Ñoqa Tayta Diosmi nini: Ñam tantea-runiña, kay llaqtataqa manañam kuya-payasaqñachu aswanqa castigasaqpunim. Babilonia nacionpa reyninmanmi qoykusaq, hinaptinmi kañaykunqa.

Quechua Ayacucho Bible 1987

¹⁰ Ñoqa Tayta Diosmi nini: Ñam tantearuniña kay llaqtata manaña favorecespay castiganaypaq. Babilonia nacionpa reyninmanña qoykuptiymi kañaykunqa.”

Chuya Qellqa 1992

¹⁰ Ñoqa Tayta Diosmi nini: Ñam tantearuniña, kay llaqtataqa manañam kuyapayasaqñachu aswanqa castigasaqpunim. Babilonia nacionpa reyninmanmi qoykusaq, hinaptinmi kañaykunqa.

Jeremías 21:10 Iomraidhean Croise

2~Crónicas 36:19

Tayta Diospa templontapas kañaykuspankum Jerusalén llaqtapa murallantapas taqmarurqaku. Llaqtapa palacionkunatapas kañaykuspankum llapa valorniyuq kaqkunatapas ñutuparurqaku.

Jeremías 17:27

Sichum mana kasuwaspa, kamachisqayman hina samana punchawta ñoqapaq mana sapaqchaspa, Jerusalén llaqtapa punkunta cargakunata apaykuptikichikqa, kay llaqtapa punkunkunatam kañaykusaq, hinaptinmi Jerusalén llaqtapa palacionkunatapas ruparunqa. Chay ninataqa manam pipas amachayta atinqachu, nispa.

Jeremías 26:6

Silo llaqtapi ruwasqayta hinam kay templotapas purmarachisaq. Kay Jerusalén llaqtatapas llapallan nacionkuna qawananpaqmi ñakasaq, nispa.

Jeremías 33:5

Caldea runakunam kay llaqtata atacamunankupaq murallapa qepanpi allpata montonqaku, chaymi paykunawan peleanankupaq lloqsispanku lliw wañuchisqa kanqaku. Ñoqam hatun piñakuyniypi paykunata wañuchisaq, mana allinkuna ruwasqankumantam kay llaqtata manaña yanapasaqchu.

Jeremías 34:2

Ñoqa Israelpa yupaychasqan Tayta Diospa nisqayta Judá nacionpa reynin Sedequiasman kaynata nimuy: Kay llaqtatam Babilonia nacionpa reyninman qoykusaq, paymi kañaykunqa.

Jeremías 34:22

Ichaqa paykunata kamachiptiymi kaqmanta kutimuspa kay llaqtata atacanqaku, hinaspam munaychakuruspanku kañaykunqaku. Judá nacionpi llaqtakunatapas manaña runayuq kanankamam purmachisaq. Ñoqa Tayta Diosmi chaynata nini.

Jeremías 38:17

Hinaptinmi Jeremías nirqa: Israelpa yupaychasqan Tukuy Atiyniyuq Tayta Diosmi kaynata nin: Sichum Babilonia nacionpi reypa capitanninkunaman entregakuspaykiqa kawsankim, kawsanqataqmi miraynikikunapas. Kay llaqtatapas manam kañanqakuchu.

Jeremías 38:18

Sichum paykunaman mana entregakuptikim ichaqa, Caldea runakuna kay llaqtata venceruspa kañaykunqaku, qampas manam paykunamantaqa lluptinkichu, nispa.

Jeremías 38:23

Llapallan warmikikunatawan churi-kikunatam Caldea runakunaman qoykunqaku. Qampas manam lluptinkichu paykunamantaqa. Babilonia nacionpa reyninmi presocharususpayki kay llaqtatapas kañaykunqa, nispa.

Jeremías 38:3

Tayta Diosmi kaynata nin: Cheqaptapunipas kay llaqtataqa Babilonia nacionpi reypa tropankunamanmi qoykusaq, manam pipas harkakuyta atinqachu, nispa.

Jeremías 39:16

Israelpa yupaychasqan Tukuy Atiyniyuq Tayta Diospa nisqayta, Cus nacionniyuq Ebed-melecman kaynata nimuy: Kay llaqtamanmi rimarisqaykunata chayachimusaq, ichaqa manam allinninkupaqchu aswanqa mana allinninkupaqmi. Chaykuna pasakuptinqa qampas chaypim kanki.

Jeremías 39:8

Caldea tropakunaqa reypa palaciontapas hinaspa llapa runakunapa wasinkunatapas kañaykurqakum, Jerusalén llaqtapa muyuriqninpi perqakunatapas taqmarurqakum.

Jeremías 44:11

Chayraykum Israelpa yupaychasqan Tukuy Atiyniyuq Tayta Dios kaynata nin: Qamkunapa contraykichikpi castigokunata kachaykamuspaymi Judá runakunata tukurusaq.

Jeremías 44:27

Ichaqa chayllam kachkani sasa-chakuyta qamkunaman kacharimunay-paq, manañam yanapasqaykichikchu. Judamanta hamuspa Egiptopi yachaq-kunam pasaypaq tukunaykichikkama guerrawan hinaspa yarqaywan wañunkichik.

Jeremías 52:13

Paymi kañaykurqa Tayta Diospa templonta, reypa palacionta, Jerusalén llaqtapi llapa wasikunata hinaspa kamachikuqkunapa llapallan wasinkunatapas.

Ezequiel 15:7

Paykunapa contranpim ñoqaqa sayarisaq, ninapa rupayninmantaña ayqeruptinkupas hina ninam paykunataqa kañanqa. Paykunapa contranpi hatariptiymi Tayta Dios kasqayta yachankichik.

Ezequiel 24:11

Chay mana imayuq cobre mankata huktawan sansaman tiyachiy, chay manka pukay-pukay kanankama, ukunpi qachankunapas chinkanankama, akarusqanpas chinkanankama.

Levítico 17:10

Israelpa mirayninkunamanta otaq qamkunawan yachaq huklaw llaqtayuqkunapas yawarta mikuruptinqa paypa contranpim kasaq, hinaspam llaqtamanta chinkarachisaq.

Levítico 26:17

Ñoqam contraykichikpi kasaq, hinaptinmi enemigoykichikpas vencesunkichik. Cheqnisuqnikichik runakunam munaychakusunkichik, mana pipa qatikachasqanmi ayqenkichikpas.

Amós 2:5

Chayraykum Judá nacionta kañaykuptiy Jerusalenpa palaciokunatapas rupanqa, nispa.

Amós 9:4

Enemigonkupa preso apasqanña rispankupas chaypim espadawan wañuchisqa kanqaku; paykunataqa ñakarinankupaqmi qawarisaqpas, manam yanapanaypaqñachu.

Zacarías 1:6

Profetaykunawan willa-chisqay simiykunawan kamachikuyniykunam ichaqa ñawpaq taytaykichikkunata hayparurqa. Hinaptinmi paykuna ñoqaman kutirikamuspa nirqaku: “Tukuy Atiyniyuq Tayta Diosmi tanteasqanman hina ñoqanchikwan ruwarun, payqa imaynam kawsasqanchikman chaynataq ruwasqanchikman hinam ñoqanchikwan ruwarun”, nispanku.