Jeremías 21:1 - CHUYA QELLQA La Biblia en Quechua de Ayacucho 2012

¹ Rey Sedequiasmi Malquiaspa churin Pasurtawan Maasiaspa churin sacerdote Sofoniasta kacharqa, Jeremiasta kaynata nimunankupaq:

Quechua Ayacucho Bible 1987

¹ Rey Sedequiasmi kacharqa Malquiaspa churin Pasurtawan Maasiaspa churin sacerdote Sofoniasta chaynapi Jeremiasta kaynata nimunankupaq:

Chuya Qellqa 1992

¹ Rey Sedequiasmi Malquiaspa churin Pasurtawan Maasiaspa churin sacerdote Sofoniasta kacharqa, Jeremiasta kaynata nimunankupaq:

Jeremías 21:1 Iomraidhean Croise

2~Reyes 22:13

Rispaykichik Tayta Diosta tapumuychik kay tarisqaykichik libropi imam willakusqanmanta. Tapumuychiktaqyá ñoqapaqpas chaynataq Judá nacionpi yachaq runakunapaqpas Tayta Diospa imam nisqanta. Ñawpaq taytanchikkuna kay libropa nisqanta mana kasukusqankuraykum chaynataq mana ruwayman churasqankuraykum Tayta Diospa piñakuynin contranchikpi kachkan, nispa.

1~Crónicas 3:15

Josiaspa piwi churinmi karqa Johanán, qatiqninkunañataqmi karqa Joacim, Sedequías hinaspa Salum.

1~Crónicas 9:12

Jerohampa churin Adaía, Jerohamqa karqa Pasurpa churinmi, Pasurñataqmi Malquiaspa; Adielpa churin Masai, Adielqa karqa Jazerapa churinmi, Jazerañataqmi Mesulampa, Mesulamñataqmi Mesile-mitpa, Mesilemitñataqmi Imerpa.

2~Crónicas 36:17

Paykunapa contranpim Caldea nacionpa reyninta Tayta Dios kachamurqa, hinaptinmi jovenkunata espadawan templo ukupi wañurachirqa, sipaskunatawan yuyaqkunata hinaspa eqoyasqakunatapas manam llakipayarqachu. Llapallankutam paypa makinman Tayta Dios churaykurqa.

Nehemías 11:12

Paykunam templopi llamkaq masinkunawan kuska karqaku pusaq pachak iskay chunka iskayniyuq runakuna. Chaynallataq Jerohampa churin Adaiaspas, Jerohampa taytanmi karqa Pelalías, Pelaliaspañataqmi Amsi, Amsipañataqmi Zacarías, Zaca-riaspañataqmi Pasur, Pasurpañataqmi Malquías.

Jeremías 29:25

Israelpa yupaychasqan Tukuy Atiy-niyuq Tayta Diosmi kaynata nin: Qanmi sutikipi cartakunata apachirqanki Jerusalén llaqtapi llapallan runakunaman, Maasiaspa churin sacerdote Sofoniasman hinaspa llapallan sacerdotekunamanpas. Chay cartapim Sofoniasta kaynata nirqanki:

Jeremías 29:29

Chay cartatam profeta Jeremiaspaq sacerdote Sofonías leepurqa.

Jeremías 35:4

Paykunatam temploman pusaruspay, Hananpa churin Igdaliaspa cuartonman pusaykurqani. Igdaliasqa karqa Tayta Diospa runanmi. Chay cuartom tarikurqa templopi kamachikuqkunapa cuartonpa waqtanpi hinaspa Salumpa churin Maasiaspa cuartonpa altonpi. Maasiasqa karqa templopa punkunwan cuentallikuqmi.

Jeremías 37:1

Babilonia nacionpa reynin Nabu-codonosormi, Judá nacionpa reynin kananpaq Joacimpa churin rey Jeconiaspa rantinpi Josiaspa churin Sedequiastaña munaychakunanpaq churarqa.

Jeremías 37:17

Hinachkaptinmi rey Sedequías palacionman pusarichimuspa pakasqallapi tapuspan nirqa: ¿Yaqachu Tayta Diosqa imallatapas ñoqapaq nisurqanki? nispa. Chaymi Jeremías nirqa: Arí, kachkanmi, Babilonia nacionpa reyninmanmi entregasqa kanki, nispa.

Jeremías 37:3

Rey Sedequiasmi kacharqa Selemiaspa churin Jucaltawan Maasiaspa churin sacerdote Sofoniasta, chaynapi profeta Jeremiasta kaynata nimunankupaq: Yupaychasqanchik Tayta Diostayá mañapuwayku, nispa.

Jeremías 37:7

Israelpa yupaychasqan Tayta Dios-mi kaynata nin: Ñoqata tapuwanayki-chikpaq kachamusuqnikichik Judá nacionpa reynin Sedequiastam nimunkichik: Yanapasunaykichikpaq Egipto nacionmanta lloqsimuq rey Faraonpa tropankunaqa nacionninkumanmi kutikunku.

Jeremías 38:1

Matanpa churin Sefatiaswan, Pasurpa churin Gedalias, Selemiaspa churin Jucal hinaspa Malquiaspa churin Pasurmi uyarirurqaku, llapa runakunaman Jeremiaspa kayna nisqanta:

Jeremías 38:14

Chaymantam Jeremiasta rey Sedequías pusarachimurqa templopa kimsa kaq pationman, hinaspanmi nirqa: Kunanmi tapuptiy imam kaqta niwanki, nispa.

Jeremías 52:24

Reyta waqaychaq soldadokunapa capitanninqa aparqataqmi sumo sacerdote Seraiastawan sacerdote Sofoniastapas chaynataq punkukunawan cuentallikuq kimsa runakunatapas.