Jeremías 20:9 - CHUYA QELLQA La Biblia en Quechua de Ayacucho 2012

⁹ Chayraykum nirqani: Tayta Diostaqa qonqarusaqña, sutintapas amaña rimasaqñachu, nispay. Ichaqa palabraykim nina hinaraq sonqoypi ruparirqa, nina hinaraqmi tulluykunatapas ruparirqa. Amaña rimasaqñachu nispam nirqani, ichaqa manam upallayta atinichu.

Quechua Ayacucho Bible 1987

⁹ Ñoqam piensani qanmantaqa manaña yuyarinaypaq. Ñoqam piensani sutikipiqa manaña rimanaypaq. Chaywanpas palabraykiqa nina hinaraqmi sonqoypi ruparichkan. Chaywanpas palabraykiqa nina hinaraqmi tulluykunapi pakarayachkan. Chay nina hina rupariytaqa munarqanim harkayta. Ichaqa manamá atirqanichu harkayta.

Chuya Qellqa 1992

⁹ Chayraykum nirqani: Tayta Diostaqa qonqarusaqña, sutintapas amaña rimasaqñachu, nispay. Ichaqa palabraykim nina hinaraq sonqoypi ruparirqa, nina hinaraqmi tulluykunatapas ruparirqa. Amaña rimasaqñachu nispam nirqani, ichaqa manam upallayta atinichu.

Jeremías 20:9 Iomraidhean Croise

Jeremías 23:29

Palabrayqa nina hinam, rimasqayqa qaqa rumipas ñutuq martillo hinam. Ñoqa Tayta Diosmi chaynata nini.

Jeremías 23:9

Llapa profetakunatam ñoqa Jeremías kaynata nini: Sonqoymi pasaypaq hukmanyasqa kachkan, tulluykunam katkatatachkan, sinka runamanraqmi rikchakuchkani, vinowan macharuqmanmi rikchakuchkani. Tayta Diosraykum chayna kachkani, chuya palabrankunaraykum chayna kachkani.

Jeremías 4:19

¡Ay, sonqollaymi nanawachkan! ¡Sonqollaymi nisyuta tukukuchkan! Manañam hawkayayta tarinichu, manam upallaymanchu. Trompetapa waqasqantam uyarichkani, guerrapaq qapariytam uyarichkani.

Jeremías 6:11

Dios Taytalláy, qampa piñakuynikiwanmi huntasqa kachkani, manañam aguantayta atiniñachu, nispay. Hinaptinmi Tayta Dios niwarqa: Callepi warmakunaman, tropanpi jovenkunaman, piñakuynikita chaqchumuy. Warmikunam qosankuwan kuska presochasqa kanqaku, yuyaqkunawan ancha yuyaqkunam preso apasqa kanqaku.

Ezequiel 3:14

Ñoqatañataqmi Diospa Espiritun hoqariruwaspan huklawman aparuwarqa. Chaymi ñoqaqa llakisqallaña hinaspa piñasqallaña rirqani, Tayta Diospa makinñataqmi allinniqta hapiwarqa.

Ezequiel 3:3

hinaspam kaynata niwarqa: Runapa churin, saksanaykikama kay qosqay rollota mikuy, nispa. Mikuruptiymi abejapa miskin hinaraq simiypi karqa.

Amós 3:8

León qaparimuptin, ¿Pitaq mana mancharikunmanchu? Tayta Dios rimariptin, ¿pitaq mana profetizanmanchu?

Jonás 1:2

Nínive hatun llaqtaman rispa contranpi willakamuy, mana allin ruwayninkum qayllayman chayaramun, nispa.

Jonás 1:3

Jonasñataqmi mana kasukuspan Tayta Diosmanta lluptispan Tarsis lawman ayqekurqa, hinaspanmi Jope llaqtaman chayaruspan, Tarsis lawman lloqsiq barcota tariykuspan, pasajentapas pagaykuspa Tayta Diosmanta ayqekurqa.

Lucas 9:62

Hinaptinmi Jesusñataq nirqa: Takllawan yapuchkaspa qepata qawariq runaqa manam Diospa munaychakuyninpaq hinachu, nispan.

Hechos 17:16

Pablom Silastawan Timoteota Atenas llaqtapi suyaspan, llumpay llakisqallaña karqa chay llaqtapi runakuna idolokunaman qokurusqankuta qawaspan.

Hechos 18:5

Silaswan Timoteo Macedoniamanta chayaramuptinkum, Pabloqa mana samaykuspa Diospa palabranta willakurqa, hinaspam judiokunaman yachachirqa Jesusqa suyasqanku Cristopuni kasqanta.

Hechos 4:20

Ñoqaykuqa manam upallaymankuchu rikusqaykumantawan uyarisqaykumanta willakuytaqa, nispanku.