Jeremías 20:16 - CHUYA QELLQA La Biblia en Quechua de Ayacucho 2012

¹⁶ Chayna runaqa, Tayta Diospa chunnichisqan llaqtakuna hinayá kachun, mana llakipayaspa tuñichisqa llaqta hinayá kachun, achikyamuqtayá nanaymanta qapariyta uyarichun, chawpi punchawpiyá guerrapi qapariyta uyarichun.

Quechua Ayacucho Bible 1987

¹⁶ Chayna runaqa kachun Tayta Diospa chunnichisqan llaqta hinayá. Payqa kachun mana llakipayaspa tuñichisqa llaqta hinayá. Achikyamuqtayá qapariyta uyarichun. Chawpi punchawpiyá guerrapi qapariyta uyarichun.

Chuya Qellqa 1992

¹⁶ Chayna runaqa, Tayta Diospa chunnichisqan llaqtakuna hinayá kachun, mana llakipayaspa tuñichisqa llaqta hinayá kachun, achikyamuqtayá nanaymanta qapariyta uyarichun, chawpi punchawpiyá guerrapi qapariyta uyarichun.

Jeremías 20:16 Iomraidhean Croise

Jeremías 18:22

Suwakunata qonqaymanta paykunaman kachaykuy, wasinkupipas manchakuymanta qaparichunku. Paykunaqa wichichiwanankupaqmi uchkuta toqorurqaku, purinaymanmi trampata churarurqaku.

Jeremías 18:8

Chaywanpas sichum chay nacionkuna mana allinkuna ruwasqankumanta wanakuptinkuqa, chay tanteasqay castigotaqa manañam chayachisaqñachu.

Jeremías 23:14

Jerusalenpi profetakunatam millakuypaq kaqkuna ruwachkaqta rikurqani: Hukwan-hukwanmi waqllikunku, llullakuyllapim kallpakachanku, mana allin runakunatam kallpanchanku, huchankumanta mana wanakunankupaq. Sodoma Gomorra llaqtapi runakunamanraqmi rikchakunkupas.

Jeremías 26:13

Mana allin kawsaynikichiktawan mana allinkuna ruwasqaykichikta saqespa yupaychasqaykichik Tayta Diospa nisqanta kasukuptikichikqa, paypas manañam contraykichikpi rimasqankunata kacharimunqañachu.

Jeremías 4:19

¡Ay, sonqollaymi nanawachkan! ¡Sonqollaymi nisyuta tukukuchkan! Manañam hawkayayta tarinichu, manam upallaymanchu. Trompetapa waqasqantam uyarichkani, guerrapaq qapariytam uyarichkani.

Lamentaciones 4:6

Llaqtamasiykunapa huchanqa Sodomapa huchanmantapas aswan llumpaymi; Sodomaqa mana pipa imanasqallanmi, qonqaymanta puchukachisqa karqa.

Ezequiel 21:22

Alleq makinpi flecham Jerusalén llaqtaman toqpiykun, chaypa ninanqa kaykunam: Guerrapaq tukuy rikchaq armakunawan atacamuy, llaqtapi runakunata wañuchimuy, guerrapaq qapariy, punkunkunata tuñichiy, rampakunata ruwachiy, atacanaykipaq torrekunata hatarichiy ninanmi.

Oseas 10:14

Chayraykum llaqtaykikunapi guerra hatarinqa, murallasqa llaqtaykikunapas tuñichisqam kanqa, wawakunapas mamankuwan kuskam wañunqaku, imaynam Bet-arbel llaqtata rey Salmán chinkachisqanta hina.

Oseas 11:8

¿Efraín llaqtalláy, imaynataq saqeruykiman? ¿Israel llaqtalláy, imaynataq qoykuykiman? ¿Imaynataq Adma llaqtata hinaqa qoykuykiman? ¿Imaynataq Zeboim llaqtata hinaqa saqeruykiman? sonqoymi qamkunamanta llumpayta llakikun, chayraykum munaspaypas mana atinichu.

Oseas 13:14

¿Sepulturapa atiyninmantachu librasqaykichik? ¿Wañuypa makinmantachu qechusqaykichik? Yaw wañuy, ¿maytaq wañuchiq peste onqoynikikuna? Yaw sepultura, ¿maytaq chinkachinaykipaq atiyniki? Kay llaqtata chinkachiy, manam llakipayaymanñachu.

Amós 1:14

Rabá llaqtapa perqankunata kañaykuptiymi palacionkunatapas rupanqa; chaytaqa ruwasaq sasachakuy punchawpi, guerrapi hatun qaparkachay kachkaptinmi.

Amós 2:2

Moab nacionta kañaykuptiymi Queriot llaqtapa palacionkunatapas rupanqa; chaynapim Moabqa hatun qapariyllawanña guerrapa chawpinpi chaynataq cornetapa qapariyninpa chawpinpi wañunqa.

Amós 4:11

Sodoma Gomorra llaqtakunata hinam chinkarachirqaykichik, ninamanta hurqosqa sansa hinam karqankichik, ichaqa manam ñoqaman kutirikamurqankichikchu. Tayta Diosmi chaynata nin.

Jonás 3:4

Chayarus-panmi Jonasqa tukuylla punchaw puriyta qallaykurqa kaynata willakustin: ¡Tawa chunka punchawmantam Nínive llaqta chinkachisqa kanqa! nispa.

Jonás 4:2

Chayraykum Tayta Diosta mañakuspan nirqa: Dios Taytalláy, kayna kanantaqa llaqtaypi kachkaspallayraqmi nirqaniña. Chayraykum manaraq kaykuna pasakuchkaptin Tarsis lawman ayqekuchkarqani. Ñoqaqa yachanim llakipayakuq hinaspa kuyapayakuq Dios kasqaykita. Qamqa mana chaylla piñakuruq kaspaykim hatun kuyapayakuynikipi ima castigo ruwanaykitapas manaña ruwankichu.

Sofonías 1:16

Chay punchawpiqa trompetam uyarikunqa, murallasqa hatun torreyuq llaqtakunapa contranpim guerrapaq qaparinqaku.

Sofonías 2:9

Chayraykum Tukuy Atiyniyuq Tayta Dios kaynata nin: Moab nacionmi Sodoma hina kanqa, Amón castakunapas Gomorra hinam kanqa, itanakunapa wiñananmanñam tikrakunqa, kachi orqomanñam tikrakunqa, mana imapa kanan chunniqñam wiñaypaq kanqa. Llaqtaymanta puchuqkunam tukuy imankupipas munaychakunqaku.

Lucas 17:29

Ichaqa Sodoma llaqtamanta Lot lloqsiruptinmi, azufreyuq nina para chayaramuspan llapa runata chinkarachirqa.

Deuteronomio 29:22

Qamkunamanta hamuq qepa miraykunam chaynataq karu nacionkunamanta hamuqkunam chay castigokunata hinaspa nacionnikichikman Tayta Diospa kachamusqan onqoykunata qawanqaku.

Deuteronomio 29:23

Chay allpaqa azufreyuq, kachiyuq hinaspa kañasqa, mana tarpuna, mana imapapas ikllinan nitaq qorapapas wiñanan allpam kanqa. Sodomapa, Gomorrapa, Admapa chaynataq Zeboimpa allpankunamanmi rikchakunqa. Chaykunatam Tayta Dios anchata piñakuspan chinkarachirqa.

2~Pedro 2:6

Chaynataqmi Sodoma Gomorra llaqtakunatapas uchpayanankama kañaspa chinkarachirqa, chaynapi qepa punchawkunapi Diosta mana kasukuq runakuna manchakuy yachanankupaq.

Judas 1:7

Chay angelkuna hinam Sodoma Gomorra llaqtapi hinaspa vecinon llaqtakunapi kaqkunapas huchapakuypi purirqaku, paykunaqa qaripurañam uywanakurqaku. Paykunaqa wiñaypaq rawraq ninapi castigasqa kanankupaqmi churasqa kachkanku, chaykunawan ñoqanchikpas yuyayta hapinanchikpaq.