Jeremías 20:11 - CHUYA QELLQA La Biblia en Quechua de Ayacucho 2012

¹¹ Dios Taytalláy, chaywanpas qamqa ñoqawanmi kachkanki, qari-qari soldado hinaraqmi ñoqawan kachkanki, chayraykum qatikachawaqniykunaqa urmarunqaku, manam venceyta atiwanqakuchu, imapas ruwasqanku mana allin lloqsiptinmi hatun penqaypi tarikunqaku, mana haykapipas qonqay atinankukamam penqaypi kanqaku.

Quechua Ayacucho Bible 1987

¹¹ Dios Taytalláy, chaywanpas qamqa ñoqawanmi kachkanki. Manchakuypaq soldado hinam ñoqawan kachkanki. Chayraykum qatikachawaqniykunaqa urmarunqaku. Paykunaqa manañam venceytaqa atiwanqakuchu. Paykunaqa hatun penqaypim rikurirunqaku. Manam imapas lloqsinqa allinninkupaqchu. Haykapipas manaña qonqay atina penqaypim kanqaku.

Chuya Qellqa 1992

¹¹ Dios Taytalláy, chaywanpas qamqa ñoqawanmi kachkanki, qari-qari soldado hinaraqmi ñoqawan kachkanki, chayraykum qatikachawaqniykunaqa urmarunqaku, manam venceyta atiwanqakuchu, imapas ruwasqanku mana allin lloqsiptinmi hatun penqaypi tarikunqaku, mana haykapipas qonqay atinankukamam penqaypi kanqaku.

Jeremías 20:11 Iomraidhean Croise

Isaías 41:10

Amayá manchakuychikchu, qamkunawanmi kachkani, amayá hukmanyaychikchu, ñoqam Diosnikichik kani, kallpanchaspaymi yanapasqaykichik, atiyniyuq makiywanmi pusasqaykichik.

Isaías 41:14

Ñoqa Tayta Diosmi nini: Jacobpa mirayninmanta kaq Israel llaqta, mana kallpayuq taksalla kaspapas ama manchakuychu, ñoqam yanapasqayki, Israelpa ñoqa Chuya Diosninmi reclamaqniki kani.

Isaías 45:16

Idolokuna ruwaqkunaqa llapallankum hatun penqaypi tarikunqaku, uchuychaspa penqayman churasqam kanqaku.

Jeremías 1:18

Murallasqa llaqtata hinam churayki, fierromanta pilarta hinam churayki, broncemanta murallata hinam churayki, Judá nacionpi reykunapa contranpi, kamachiqninkunapa contranpi, sacerdotenkunapa contranpi, llapa runakunapa contranpi.

Jeremías 1:19

Contraykipi peleaspankupas manam vencesunkichu, ñoqam qanwan kachkani libranaypaq, ñoqa Tayta Diosmi chaynata niki, nispa.

Jeremías 1:8

Amam pitapas manchakunkichu, qanwanmi kachkani libranaypaq, ñoqa Tayta Diosmi chaynata niki, nispa.

Jeremías 15:15

Dios Taytalláy, qamqa lliwtam yachanki, yuyariwaspaykiyá qawariway, cheqniwaqniykunata vengakuruy. Amayá paykunataqa llakipayaychu, amayá cheqniwaqniykuna wañuchiwanantaqa munaychu, yachankim qamrayku insultasqa kasqaytaqa.

Jeremías 15:20

Kay runakunapaqmi qamta churayki broncemanta perqata hina, contraykipim peleanqaku, ichaqa manam vencesunkichu, ñoqam qanwan kachkani salvanaypaq hinaspa libranaypaq. Ñoqa Tayta Diosmi chaynata nini.

Jeremías 17:18

Qatikachawaqniykuna penqaypi tarikuchunku, amayá ñoqachu; paykunayá manchakuypiqa kachunku, amayá ñoqachu; sasachakuy punchaw paykunaman chayachun paykunatayá pasaypaqta chinkarachiy.

Jeremías 22:22

Kamachiqnikikunam wayrapa apasqan kanqaku, waynaykikunam preso apasqa kanqaku; tukuy mana allinkuna ruwasqaykimantam penqaypi tarikuspa uchuychasqa kanki.

Jeremías 23:40

Hinaspaymi wiñaypaq penqayman churasqaykichik, mana qonqaypas atinaykichikkamam uchuychasqaykichik”, nispa.

Jeremías 32:18

Waranqantin runakunatam llakipayanki, tayta-mamanpa huchanmantam qepa wiñaykunata castiganki, hatun munaychakuq Diosnilláy. Sutikiqa Tukuy Atiyniyuq Tayta Diosmi.

Daniel 12:2

Wañuqkunamantapas achkallañam kawsarimunqaku: Wakinmi wiñay kawsaypaq wakinñataqmi wiña-wiñay ñakariypaq.

Romanos 8:31

Chaynaqa, ¿imatawanraqtaq nichwanchik? Sichum Dios ñoqanchikwan kaptinqa, ¿pitaq ñoqanchikpa contranchikpi kanman?

2~Timoteo 4:17

Señorninchikmi ichaqa ñoqawan kaspa kallpanchawarqa, chaynapi ñoqantakama mana judío kaqkunamanpas salvacionmanta willakuy tukusqa kananpaq. Chaynatam Señorninchikqa leonkunapa siminmanta libraykuwarqa.