Jeremías 20:10 - CHUYA QELLQA La Biblia en Quechua de Ayacucho 2012

¹⁰ Llapa runakunapa rimakachasqankutam uyarichkani, paykunam nichkanku: Tukuy hinastinpim manchakuyllaña kachkan, hakuchik denunciamusunchik, nispam rimanakuchkanku. Llapa amistadniykunam imamanpas wichiykunayta suyachkanku, ichapas engañarachikunman venceruspa paymanta vengakurunanchikpaq, nispam nichkanku.

Quechua Ayacucho Bible 1987

¹⁰ Uyarichkanim achkallaña runakunapa rimasqanta: Tukuy hinastinpim mancharikuy kachkan, nispa rimasqankuta. Denunciaychik, nispam rimanakuchkanku. Denunciasunchik, nispam rimanakuchkanku. Llapan amistadniymi urmarunayta suyachkanku. Ichapas engañarachikunman, nispam nichkanku. Paytaqa vencesunchikmi, nispam nichkanku.

Chuya Qellqa 1992

¹⁰ Llapa runakunapa rimakachasqankutam uyarichkani, paykunam nichkanku: Tukuy hinastinpim manchakuyllaña kachkan, hakuchik denunciamusunchik, nispam rimanakuchkanku. Llapa amistadniykunam imamanpas wichiykunayta suyachkanku, ichapas engañarachikunman venceruspa paymanta vengakurunanchikpaq, nispam nichkanku.

Jeremías 20:10 Iomraidhean Croise

1~Reyes 19:2

Chaymi Eliasman Jezabel kaynata nichimurqa: Dioskunayá sinchita castigawachun Baalpa profetankunawan imaynallam ruwasqaykita hina qamtapas paqarin kay horata mana ruwaruptiyqa, nispa.

1~Reyes 21:20

Chaymi Eliasta rey Acab nirqa: Yaw enemigoy, ¿tariramuwankichu? nispa. Eliasñataqmi nirqa: Arí, tariramuykim, Tayta Diospa qay-llanpim qamqa mana allin ruwayman qokurunki.

1~Reyes 22:27

Ñoqa reypa kayna nisqaytam nimunkichik: Kay runata carcelpi wichqamuychik hinaspa mikunanpaqpas tantatawan yakullata qoychik, chaynam kanqa guerrapi vencespay kutimunaykama, nispa.

1~Reyes 22:8

Chaymi Josafatta Israelpa reynin nirqa: Arí, tapunanchikpaqqa kachkanraqmi Tayta Diospa huk profetan, payqa Imlapa churin Micaiasmi, paytaqa cheqninim, manam haykapipas allintaqa willawanchu aswanqa mana allinllatam, nispa. Josafatñataqmi nirqa: Ama chaynataqa niychu, nispa.

Jobwan Sutichasqa Libro 19:19

Kuyasqay amigoykunapas cheqniruwankuñam, sinchi kuyasqaykunapas contraypim rikurirunku.

Proverbios 10:18

Llulla runaqa cheqnikuynintapas pakanmi, mana yachayniyuq runaqa cuento qepim.

Isaías 29:21

Runamasinta yanqamanta cargochaqkunaqa tukurunqam, cortepi nanachikuqman trampa churaqkunaqa chinkarunqam, mana huchayuq runata allin arreglota mana ruwaspa engañaqkunaqa puchukarunqam.

Jeremías 1:19

Contraykipi peleaspankupas manam vencesunkichu, ñoqam qanwan kachkani libranaypaq, ñoqa Tayta Diosmi chaynata niki, nispa.

Jeremías 11:19

Nakanankupaq pusasqanku manso carnero hinam ñoqaqa karqani. Manam yachakurqanichu contraypi kayna rimanakusqankutaqa: Ruruchkaq sachata hinayá kuchurusunchik, kay pachapi kaqkunamantayá chinkarachisunchik, paymanta manaña pipas yuyarinankupaq, nispa.

Jeremías 11:21

Anatot runakunam wañuchiwayta munaspa niwarqaku: Amañam Tayta Diospa sutinpiqa profetizankichu, mana chayqa wañurachisqaykikum, nispanku.

Jeremías 18:18

Chay runakunam ninakurqaku: Hamuychik, Jeremiaspa contranpi tanteanakusun. Yachachiqninchik sacer-dotekunapas, yachayniyuq consejaqninchikkunapas, Tayta Diospa nisqanta willawaqninchik profetakunapas, manam faltanqachu. Tumpaykusunchik wañurachinankupaq, ima rimasqantapas ama kasusunchikchu, nispanku.

Jeremías 20:3

Paqarinnintin punchawmi, Jeremiasta cepomanta Pasur hurqorachimurqa, hinaptinmi Pasurta Jeremías nirqa: Tayta Diosqa manañam Pasurwanñachu sutichasunki, aswanqa Magor-misabibwanñam.

Jeremías 37:13

Ichaqa Benjamín sutiyuq punkuman Jeremías chayaruptinmi, Hananiaspa willkan otaq Selemiaspa churin Irías presocharuspan nirqa: Qamqa Caldea runakunaman hukllawakuqmi richkanki, nispa.

Jeremías 6:25

¡Chakramanpas amaña lloqsiychikchu, ñannintapas amaña puriychikchu! Enemigoqa ancha armasqam kachkan, manchakuymi tukuy hinastinpi kakuchkan.

Ezequiel 22:9

Runaykikunaqa yanqakunamanta tumpaspam runata wañuchinku; paykunaqa idolokunata yupaychanankupaq orqokunapi convido ruwasqankuman rispam, pasaypaq millakuypaq kaqkunata ruwamunku.

Daniel 6:4

Chayraykum kamachikuqmasinkunapas hinaspa lliw gobernadorkunapas Danielpa pantasqanta maskarqaku chayman hina acusanankupaq, ichaqa manam ima pantaytapas tarirqakuchu; Danielqa imatapas yachaywanmi ruwarqa.

Lucas 20:20

Chaymi wateqaqkunata kacharqaku, allin runapaq tukuspanku imaynata ruwas-papas pantarachimunankupaq, chay-napi chayman sumlla acusaspa gober-nadorman entregaykunankupaq.

Hechos 24:13

Acusawasqankumantaqa manam paykunaqa pruebasunkimanchu.

Hechos 5:33

Chaymi kamachikuqkuna kaykunata uyariruspanku llumpayta piñakururqaku, hinaspam wañurachinankupaq rimanakurqaku.

Hechos 7:54

Chayta uyariykuspankum llumpayta piñakuspanku Estebanpa contranpi kirunkutapas kirichichirqakuraq.