Jeremías 2:8 - CHUYA QELLQA La Biblia en Quechua de Ayacucho 2012

⁸ Sacerdotekunapas manam tapukurqakuchu: ¿Maytaq Tayta Diosqa? nispallapas. Kamachikuyniykunata yachachiqkunapas, manam reqsiwarqakuchu; kamachiqninkunapas contraypim hatarirqaku, profetakunapas Baal idolopa sutinpim profetizarqaku, hinaspam millakuypaq idolokunaman qokururqaku.

Quechua Ayacucho Bible 1987

⁸ Sacerdotekunaqa manam tapukurqakuchu: “¿Maytaq Tayta Diosqa?” nispallapas. Manam reqsiwarqakuchu yachachikuyniykunata yachachiqkunapas. Mana kasuwarqakuchu kamachikuqkunapas. Ñoqamanta willakuqkunapas Baal sutiyoq taytachamantañam willakurqaku. Mana valeq taytachakunatañam qatikurqaku.

Chuya Qellqa 1992

⁸ Sacerdotekunapas manam tapukurqakuchu: ¿Maytaq Tayta Diosqa? nispallapas. Kamachikuyniykunata yachachiqkunapas, manam reqsiwarqakuchu; kamachiqninkunapas contraypim hatarirqaku, profetakunapas Baal idolopa sutinpim profetizarqaku, hinaspam millakuypaq idolokunaman qokururqaku.

Jeremías 2:8 Iomraidhean Croise

1~Reyes 18:22

Chaymi runakunata Elías nirqa: Sapallayñam Tayta Diospa profetan puchuruni, Baalmanta profetakunam ichaqa tawa pachak pichqa chunkanraq kachkanku.

1~Reyes 18:29

Chawpi punchaw pasaruptinmi tardeykuqta ofrenda kañana horakama muspaypi hinaña qaparkacharqaku, ichaqa manam imallatapas uyarirqakuchu, manataqmi pipas contestamurqachu.

1~Reyes 18:40

Chaymi Elías nirqa: Baalpa profetankunata hapiychik, ama hukllapas lluptichunchu, nispa. Hapiruptinkum Cisón wayqoman Elías pusaspan llapallanta chaypi wañurachirqa.

Jobwan Sutichasqa Libro 35:10

Ichaqa manam unanchaqninku Diosta maskankuchu, tutayaypi kallpa qokuq Diostaqa manam maskankuchu.

Isaías 28:7

Ichaqa paykunam vinota upyasqankurayku pantarunku, poqosqa aqata upyaspam tamsakachanku. Sacerdotewan profetapas poqosqa aqawan machaspam tampikachanku, paykunaqa visión rikusqankutam qewirunku, quejapi sentenciaspam pantarunku.

Isaías 29:10

Tayta Diosmi qamkunaman sinchi puñunayayta kachaykamusunkichik. Profetakunapa ñawintapas wichqarunmi, visión rikuqkunapa umantapas velowanmi wankurun.

Isaías 30:5

mana imapaq valeq llaqta kasqanraykum llapallanku penqaypi rikurinqaku, mana imapipas yanapaspa penqayman churaqnin llaqta kasqanrayku, nispa.

Jeremías 10:21

Kamachikuqkunapas mana yachayniyuqñam rikurirunku, Tayta Diostapas manañam maskankuchu; chayraykum wichirunku, ovejankunapas lliwñam cheqerun.

Jeremías 12:10

Achka michiqkunam uvas huertayta purmarachinku, chakraytam saruparunku. Ancha kuyasqay allpaytam manaña imayuq kanankama chunnirachinku.

Jeremías 16:19

Dios taytalláy, kallpanchaqniymi qamqa kanki, sasachakuypi harkaykuqniymi qamqa kanki. Kay pachapa patankunamantam nacionkuna hamuspanku nisunki: Cheqaptapunipas ñawpaq taytaykuqa, mana valeq idolokunatam herenciata hina chaskirqaku.

Jeremías 18:18

Chay runakunam ninakurqaku: Hamuychik, Jeremiaspa contranpi tanteanakusun. Yachachiqninchik sacer-dotekunapas, yachayniyuq consejaqninchikkunapas, Tayta Diospa nisqanta willawaqninchik profetakunapas, manam faltanqachu. Tumpaykusunchik wañurachinankupaq, ima rimasqantapas ama kasusunchikchu, nispanku.

Jeremías 2:11

¿Yaqachu mayqan nacionpas diosninkunata saqerurqaku chaykuna mana cheqap dios kachkaptinpas? manam. Runaykunam ichaqa ñoqata saqeruwanku, yupaychasqanku Diosninkuta saqeruwaspankum millay idolokunamanña qokururqaku.

Jeremías 2:6

Paykunaqa manam tapukurqakuchu: ¿Maytaq Egiptomanta hurqomuwaqninchik Tayta Diosqa? nispallapas. ¿Maytaq mana imapa kanan chunniqninta pusamuwaqninchikqa? nispallapas ¿Maytaq wañuypa kanan sinchi tutayay chaki allpanta pusamuwaqninchikqa? nispallapas. ¿Maytaq runapa mana yachanan allpankunata pusamuwaqninchikqa? nispallapas.

Jeremías 4:22

Tayta Diosmi kaynata nin: Llaqtayqa mana yachayniyuqmi, manam reqsiwankuchu; paykunaqa mana yachayniyuq churikunam, paykunaqa mana yuyaymanayniyuq runakunam; mana allin ruwaypaqmi ichaqa yachaysapallaña, allin ruwaytam ichaqa mana yachankuchu.

Jeremías 5:31

Profetakunam llullata profetizanku, sacerdotekunam munayninkuman hina kamachikunku, runaykunañataqmi paykunaman hapipakunku. Ichaqa, ¿imatataq tukupay punchaw chayamuptin ruwankichik?

Jeremías 7:8

Qamkunam ichaqa llulla rimaykunapi, mana valeq rimaykunapi hapipakunkichik.

Jeremías 9:14

Aswanraqmi sonqonkuta rumiyarachispanku, ñawpaq taytankuta qatipakuspanku Baal idolokunataña yupaycharqaku.

Ezequiel 22:26

Sacerdotekunapas kamachikuyniykunatam qewirunku, ñoqapaq sapaqchasqa kaqkunatapas millakuypaqtañam ruwarunku, manam yachankuñachu mayqanmi ñoqapaq sapaqchasqa kasqanta otaq millakuypaq kasqantapas; manataqmi yachachinkuchu mayqanmi allin otaq mana allin kasqantapas. Samana punchawniykunatapas qepancharunkum, manañam ñoqataqa hatunchawankuñachu.

Ezequiel 34:2

Runapa churin, Israelpa michiqninkunapa contranpi ñoqa Tayta Diospa nisqayta kaynata niy: ¡Israelpa michiqninkuna, kikillaykichikta michikuqkuna, imallapiraq rikukunkichik! Michiqkunaqa ovejakunatam michinanku.

Oseas 4:6

Mana yachayniyuq kasqanraykum llaqtayqa chinkachisqa karqa. Yachachikuyniyta wischupakusqaykiraykum sacerdote kaynikimantapas qarqorusqayki; Diosnikipa kamachikuyninkunata qonqarusqaykiraykum ñoqapas miraynikikunata qonqarusaq.

Habacuc 2:18

¿Imapaqtaq valenman runapa ruwasqan idoloqa? ¿Imapaqtaq valenman pantayman pusakuq idoloqa? Idolokunaqa manam rimanchu, ¿ruwaqnin runapas imaynataq chaykunapi hapipakunman?

Mateo 16:26

¿Imatataq runa hurqokunman kay pachapi kaqkunata ganaruspan vidantañataq pierderuspan? ¿Haykatataq runa paganman vidanta salvananpaq?

Lucas 11:52

¡Ay, imaynaraq kankichik! Diospa leynin yachachiqkuna, qamkunaqa yachaypa llaventam hapikurunkichik, manam yaykuyta munankichikchu, nitaqmi hukkuna yaykukunantapas munankichikchu, nispa.

Juan 16:3

Kaykunataqa ruwanqaku Taytatawan ñoqata mana reqsiwasqankuraykum.

Juan 8:55

Paytaqa manam reqsinkichikchu. Ñoqam ichaqa reqsini. “Manam reqsinichu” nispayqa qamkuna hina llullakuqchá kayman. Ñoqaqa reqsinim, chayraykum paypa palabrankunata kasukuni.

2~Corintios 4:2

Saqerunikuñam pakasqallapi penqaypaq ruwaykunataqa, manataqmi pitapas engañastinchu nitaqmi Diospa palabrantapas qewi-qewirispachu purichkaniku, aswanqa cheqapllatam willakuniku, Diospa qayllanpim recomendakuniku llapa runakunapa concienciaman.

Deuteronomio 33:10

Jacobpa mirayninkunamanmi kamachikuynikikunata yachachinqaku, Israel miraykunamanmi yachachikuynikikunata yachachinqaku. Ñawpaqnikipim inciensota qontichinqaku, altarnikipim lliw kañana animalkunata kañanqaku.

1~Samuel 12:21

Mana valeq idolokunataqa ama serviychikchu, chaykunaqa yanqam, manam yanapasunkichikmanchu nitaqmi librasunkichikmanchu.

1~Samuel 2:12

Eliypa churinkunam karqaku mana allin ruwaqkuna. Paykunaqa manam Diosta manchakurqakuchu,