Jeremías 2:7 - CHUYA QELLQA La Biblia en Quechua de Ayacucho 2012

⁷ Tukuy imakunapa wiñanan allpamanmi pusamurqaykichik, chay allpapa allinnin rurunta mikukunaykichikpaqmi pusamurqaykichik; qamkunam ichaqa yaykuruspa qachacharunkichik, allpaytam millakuypaqta ruwarunkichik.

Quechua Ayacucho Bible 1987

⁷ Tukuy imakunapa wiñanan allpamanmi pusamurqaykichik. Rurunkunata mikunaykichikpaqmi pusamurqaykichik. Allinnin kaqkunata mikunaykichikpaqmi pusamurqaykichik. Ichaqa qamkunam kay allpayman yaykuramuspaykichik mana qawanaypaq hinataña rurarunkichik. Akllasqay allpatam millakuypaqtaña rurarunkichik.

Chuya Qellqa 1992

⁷ Tukuy imakunapa wiñanan allpamanmi pusamurqaykichik, chay allpapa allinnin rurunta mikukunaykichikpaqmi pusamurqaykichik; qamkunam ichaqa yaykuruspa qachacharunkichik, allpaytam millakuypaqta ruwarunkichik.

Jeremías 2:7 Iomraidhean Croise

Nehemías 9:25

Hapikuykurqakutaqmi murallasqa llaqtakunatapas, tukuy imapa qespinan allpakunatapas, tukuy imayuq wasikunatapas, toqosqa pozokunatapas, uvas chakrakunatapas, olivos sachakunatapas, tukuy rikchaq fruta sachakunatapas. Saksanankukama mikuspankum wirayarqaku, tukuy ima qosqaykitam mikuspa kusikurqaku.

Nehemías 9:26

Paykunam ichaqa mana kasukurqakuchu, contraykipi hatarispankum kamachikuynikita qepancharqaku, qanman kutirikamunankupaq rimapayaqninku profetaykikunatapas wañurachispankum llumpayta piñachisurqanki.

Isaías 19:25

Tukuy Atiyniyuq Tayta Diosmi paykunata kaynata nispan bendecinqa: “Ñoqam bendecini Egipto runaykunata, bendecinitaqmi unanchasqay Asiria naciontapas chaynataq akllakusqay Israel naciontapas”, nispa.

Jeremías 16:18

Puntataqa mana allinkunata ruwaspa huchallikusqankumantam mirayniyuqta pagapusaq. Paykunaqa wañusqa idolokunawanmi allpayta millakuypaqta ruwarunku, millakuypaqta huchallikusqankuwanmi herenciankupaq qosqay allpata qanracharunku, nispay.

Jeremías 3:1

Ñoqa Tayta Diosmi kaynata nini: Sichum pipas warminmanta rakikuruptin warmiñataq hukwanña casarakurunman, hinaptinqa manañam punta qosanqa payman hukllawakunmanchu, sichum chayta ruwaptinqa llaqtam hatun penqaypi kanman. Israel runakuna, qamkunam ichaqa achkallaña waynaykichikkunawan qanrakuruchkaspapas ñoqamanraq kutirimuyta munachkankichik. Ñoqa Tayta Diosmi chaynata nini.

Jeremías 3:2

Moqokunatayá qawariy, hinaspayá sumaqta yuyaymanariy: ¿Maypitaq mana qanrakurqankichu? Chunniqpi tiyaq árabe runa hinam, ñan patankunapi tiyaspayki waynaykikunata suyarqanki. Chuchumika kaynikiwanmi, mana allin ruwasqaykikunawanmi, kay pachata millakuypaqta ruwarunki.

Jeremías 3:9

Israelqa chay huchallikusqanta mana kaqpaqpas hapispanmi llaqtata qachacharurqa. Hukwan pierdekuq warmi hinam rumikunatawan sachakunata adorarqa.

Jeremías 32:23

Kay allpaman yaykumuspankum munaychakurqaku, ichaqa kamachikuynikitawan yachachikuynikitam mana kasukurqakuchu, kawsarqakupas manam kamachisqaykiman hinachu, chayraykum tukuy kay sasachakuykunata kachaykamurqanki.

Jeremías 32:30

Israelpa mirayninkunawan Judapa mirayninkunaqa warma kasqankumantapunim mana allinkunata qayllaypi ruwarqaku. Israelpa mirayninkunaqa, idolokunata ruwakuspankum piñachiwarqaku. Ñoqa Tayta Diosmi chaynata nini.

Ezequiel 20:24

Chaynataqa nirqani, decretoy-kunata mana kasukuspanku kamachikuyniykunatapas mana ruwayman churasqankuraykum chaynataq samana punchawniykunatapas pasaypaqta sarutyaruspanku taytankupa idolonkunapi sonqoyuq kasqankuraykum.

Ezequiel 20:28

Paykunaqa juramentowan prometesqay allpaman yaykuruspankupas, alto moqokunata hinaspa rapisapa sachakunata qawaykuspankum animalkunata kañaspa piñachiwarqaku, chaykunapim inciensota kañaspanku vinotapas tallirqaku.

Ezequiel 20:6

Chay jurasqay punchawmi prome-tekurqani paykunata Egipto nacionmanta hurqospay tukuy imapa kanan chaynataq tukuy imapa qespinan allpaman pusanaypaq. Chay allpaqa wakin allpakunamantapas aswan allin allpam.

Ezequiel 23:35

Chaynaqa, ñoqa Tayta Diosmi kaynata nini: Qonqaruwaspa, qepanchakuruwaspayki, munasqaykipi purispa hukwan-hukwan qanrakusqaykimantam castigota ñakarinki, nispa.

Ezequiel 36:17

Runapa churin, Israelpa mirayninkuna allpankupi yachaspaqa mana allin kawsayninkuwan chaynataq mana allin ruwayninkuwanmi millakuypaqtaña ruwarurqaku; paykunapa kawsasqankuqa qayllaypim karqa, imaynam killanwan onqoq warmipa qachan hina.

Oseas 9:3

Tayta Diospa qosusqaykichik allpamantapas wischusqam kankichik. Efrainmi Egiptoman kutinqa, Asiriapipas mana mikunaykichiktam mikunkichik.

Miqueas 2:10

Hatarispa kaymanta pasaychik, kayqa manam samana lugarñachu; anchata qanrachakurusqanraykum pasaypaq chinkachisqa kanqa.

Números 13:27

Willakuspankum nirqaku: Kachawasqaykiku allpamanmi chayarurqaniku, cheqaptapunipas chay allpaqa, tukuy imapa kanan allpam kasqa. ¡Kayqaya chay allpapa rurunkuna!

Deuteronomio 21:23

amam chaypiqa tukuy tutaqa cuerponta saqerunkichikchu, aswanqa chay punchawllam pamparunkichik. Sachapi warkusqa wañuq runaqa Diospa ñakasqanmi. Señornikichik Tayta Diospa qosusqaykichik allpataqa amam millakuypaqtaqa ruwankichikchu.

Deuteronomio 32:9

Tayta Diospa herencianqa runankunallam, paypa herencianqa Jacobpa mirayninkunallam.

Deuteronomio 6:18

Tayta Diospa qayllanpiyá allin kaqkunatawan agradonpaq kaqkunata ruwaychik, chaynapi allin kanaykichikpaq hinaspa ñawpaq taytaykichikkunaman Tayta Diospa juraspa qosqan sumaq allpapi yachanaykichikpaq,