Jeremías 2:5 - CHUYA QELLQA La Biblia en Quechua de Ayacucho 2012

⁵ Paymi qamkunata kaynata nisunkichik: ¿Taytaykichikkunaqa ima mana allintataq ñoqapi tarirurqaku, chaynapi ñoqamanta karunchakunankupaq? Paykunaqa millakuypaq dioskunamanña qokuruspankum chayna millakuypaqña rikurirurqaku.

Quechua Ayacucho Bible 1987

⁵ Paymi qamkunaman kaynata nisunkichik: ¿Ima faltaytataq abueloykichikkuna tarirqa ñoqamanta karunchakunankupaqqa? ¿Ima faltaytataq abueloykichikkuna tarirqa mana imapaq valeq taytachakunata adoranankupaqqa, chaynapi mana imapaq valeq taytachakuna hina kanankupaqqa?

Chuya Qellqa 1992

⁵ Paymi qamkunata kaynata nisunkichik: ¿Taytaykichikkunaqa ima mana allintataq ñoqapi tarirurqaku, chaynapi ñoqamanta karunchakunankupaq? Paykunaqa millakuypaq dioskunamanña qokuruspankum chayna millakuypaqña rikurirurqaku.

Jeremías 2:5 Iomraidhean Croise

2~Reyes 17:15

Paykunaqa Tayta Diospa yachachikuyninkunatapas, ñawpaq taytankuwan pacto ruwas-qantapas chaynataq kamachikuynintapas qepancharurqakum. Idolokunataña yupaychaspankum muyuriqninkupi nacionkuna hina mana imapaqpas valeqña rikurirurqaku. “Amam ruwankichikchu chay nacionkunapa ruwasqantaqa”, nispa Tayta Dios nichkaptinpas chaynataraqmi ruwarqaku.

Isaías 29:13

Señormi nin: Kay runakunaqa hawa sonqollam asuykamuwanku, simillankumantam yupaychamuwanku, sonqonkum ichaqa ñoqamanta karupi kachkan. Paykunaqa runapa yachachisqanman hinallam yupaychawanku.

Isaías 44:9

Idolokunata ruwaqkunaqa mana imapaq valeq runakunam, ancha kuyasqanku idolokunapas mana imapaq valeqmi. Chaykunaman hapipakuqkunaqa mana rikukuq hinaspa mana musyakuq roqrukunam, chayraykum penqaypi kanqaku.

Isaías 46:12

Rumi sonqo runakuna uyariychik, allin ruwaymanta karunchasqakuna uyariychik:

Jeremías 10:8

Paykunaqa mana yachayniyuq hinaspa mana yuyayniyuqkunam. Kullumanta idolokunaqa manam imatapas yachachinmanchu.

Jeremías 12:2

Paykunaqa plantaruptikim sapichakururqaku, wiñaruspam ruruyta qallaykurqaku. Paykunaqa simillamantam sutikitapas rimanku, sonqonkum ichaqa qanmanta karupi kachkan.

Jeremías 14:22

¿Yaqachu huklaw nacionkunapa idolonkuna parachimunman? ¿Yaqachu cielokunapas kikillanmanta paramunman? Dios Taytalláy, qamllam parachimuqqa kanki, ñoqaykuqa qamllapim hapipakuniku, qamllam tukuy chaykunataqa ruwanki, nispa.

Jeremías 2:31

¡Yaw, kunan miraykuna! Ñoqa Tayta Diospa nisqayta uyariychik: ¿Chunniq allpachu qamkunapaq karqani? ¿Mana imapa kanan tutayaq allpachu qamkunapaq karqani? ¿Imanasqataq niwankichik: Manam qanmanqa asuykamusaykikuñachu, munasqaykuman hinañam kawsakusaqku, nispaqa?

Jeremías 2:4

Jacobpa mirayninkuna, Israelpi llapallan ayllukuna, Tayta Diospa nisqanta uyariychik.

Jeremías 8:19

Llaqtaypa qaparisqanmi uyarikuchkan, tukuy hinastinmanta kaynata nispa waqasqankum uyarikuchkan: Tayta Diosmi Sión llaqtata saqerun, reyninpas manañam chaypiñachu, nispanku. Chaymi Tayta Diosñataq nin: ¿Imanasqataq yanqa mana valeq idolokunata yupaychaspaykichik piñachiwankichik? nispa.

Ezequiel 11:15

Runapa churin, Jerusalén llaqtapi yachaq-kunam Israelpa mirayninkunamanta kaynata rimachkanku: “Paykunaqa Tayta Diosmantam karunchakurunku, ñoqanchikmanmi ichaqa kay nacionta qoykuwanchik”, nispanku.

Ezequiel 14:5

Icharaqpas chaynata ruwaptiy tukuy rikchaq idolokunata qatispa qepanchawasqankumanta wanakunmanku.

Jonás 2:8

Idolokunata yupaychaqkunaqa kuyakuynikimantam karunchakurunku.

Mateo 15:8

“Kay runakunaqa simillamantam yupaychawanku, sonqonkum ichaqa ñoqamanta karupi kachkan.

Hechos 14:15

¡Runamasillaykuna! ¿Imanasqataq kayta ruwachkankichik? Ñoqaykuqa qamkuna hina runallam kaniku, hamurqanikuqa cheqap kawsaq Diosmanta willakuqmi, chaynapi tukuy mana allin ruwaynikichikta saqespa kawsaq Diosman kutirikunaykichikpaq. Paymi unancharqa kay pachata, hanaq pachata, lamar qochata, hinaspa chaykunapi tukuy ima kaqkunatapas.

Romanos 1:21

Paykunaqa Diosta reqsichkaspankupas manam Diosta hinachu hatuncharqaku, nitaqmi graciastapas qorqakuchu. Aswanraqmi yanqakunata yuyaymanaspanku mana allin sonqonkuta tutayarachinku.

Deuteronomio 32:21

Idolokunata yupaychaspankum llakichiwarqaku, millakuypaq idolokunata yupaychaspankum piñachiwarqaku. Chayraykum ñoqapas paykunata hukmanyarachisaq, mana yachayniyuq llaqtawanmi sientirachisaq, mana yuyayniyuq runakunawanmi piñarachisaq.

1~Samuel 12:21

Mana valeq idolokunataqa ama serviychikchu, chaykunaqa yanqam, manam yanapasunkichikmanchu nitaqmi librasunkichikmanchu.