Jeremías 2:37 - CHUYA QELLQA La Biblia en Quechua de Ayacucho 2012

³⁷ Egiptomantaqa penqakuymantam umaykita hapikuykuspa lloqsimunki, hapipakusqayki runakunataqa ñoqa Tayta Diosmi qepanchakuruni, paykunaqa manam yanapasunkimanchu.

Quechua Ayacucho Bible 1987

³⁷ Umaykita hapikuykuspaykim lloqsimunki. Penqakuywanmi Egipto nacionmanta lloqsimunki. Ñoqa Tayta Diosmi qepanchakuruni hapipakusqayki runakunataqa. Manam yanapasunkichikchu paykunaqa.

Chuya Qellqa 1992

³⁷ Egiptomantaqa penqakuymantam umaykita hapikuykuspa lloqsimunki, hapipakusqayki runakunataqa ñoqa Tayta Diosmi qepanchakuruni, paykunaqa manam yanapasunkimanchu.

Jeremías 2:37 Iomraidhean Croise

2~Samuel 11:12

Chaymi David nirqa: Kunanqa kaypiraqyá qepariy, paqarinñam aviasqayki, nispa. Hinaptinmi Uriasqa Jerusalenpi paqa-rinnintinkama qeparurqa.

2~Samuel 13:19

Chaymi Tamarqa uchpata umanman machqekuykuspan suma-sumaq pachantapas llikiparuspan, umanta makinwan hapikuykuspan qaparispa waqastin pasakurqa.

2~Crónicas 13:12

Chaynaqa, yachaychikyá, Diosniykuqa kamachiqniyku hinam ñoqaykuwan kachkan, trompeta tocaq sacerdotekunapas ñoqaykuwantaqmi kachkan qamkunapa contraykichikpi tocanankupaq. Chaynaqa, Israelpa mirayninkuna, ñawpaq taytaykichikpa Diosninpa contranpiqa amayá peleaychikchu, manam imaynata ruwaspapas venceyta atiwaqchikchu, nispa.

Isaías 10:4

Preso pusasqakunawan kuska mana humillakuspaqa wañuymanñam wichinkichik. Chaywanpas Tayta Diosqa hinallam piñasqa kachkan atiyninwan castigananpaq.

Isaías 28:18

Wañuywan contrato ruwasqaykichikpas yanqachasqam kanqa, wañusqakunapa kasqanwan contrato ruwasqaykichikpas manaña kaqmi kanqa; chay manchakuypaq sasachakuy hamuruspanmi sarupasunkichik.

Jeremías 14:3

Apukunam criadonkuta yakuman kachanku, qochakunamanmi kallpanku, ichaqa manam yakuta tarimunkuchu; vacío puyñu aysarisqam kutimunku. Mana tarimuspankum penqakuymanta uyankuta tapakunku.

Jeremías 14:4

Mana paramusqanraykum allpapas raqrarun, chakrapi llamkaqkunapas penqakuymantam umankuta tapakunku.

Jeremías 17:5

Tayta Diosmi kaynata nin: Pipas runamasinpi hapipakuq runaqa ñakasqayá kachun, ñoqa Tayta Diosmanta rakikuspa runapa kallpallanpi hapipakuq runaqa ñakasqayá kachun.

Jeremías 2:36

¿Imanasqataq kaypi chaypi yanapakuyta maskanki? Asiria nacionpa penqayman churasusqaykita hinam, Egipto nacionpas penqayman churasunki.

Jeremías 22:20

Jerusalén llaqta, Líbano orqoman qespispa qayakuy, Basán law orqokunapi qapariy, Abarim law orqokunaman quespispa qayaykachakuy, waynaykikunam lliw vencerachikun.

Jeremías 22:30

Tayta Diosmi kaynata nin: Kay runamanta libropi qellqaychik, qolluq runamanta hina qellqaychik, kawsayninpi mana imapas allin ruwaq kasqanmanta qellqaychik. Judá nacionpiqa, Jeconiaspa mirayninmantaqa manañam rey Davidpa trononpiqa munaychakuqqa kanqañachu, nispa.

Jeremías 32:5

Paymi rey Sedequiasta Babilonia nacionman apanqa, chaypim kamunqa paymanta yuyarinaykama. Caldea runakunawan peleaspapas manapunim vencenkichikchu. Ñoqa Tayta Diosmi chaynata nini.

Lamentaciones 4:17

Ñawiykupas utisqam yanapaqniykuta yanqa suyachkaniku, uyan-uyanllam kachkaniku, mana salvay atiq naciontam suyachkaniku.

Números 14:41

Hinaptinmi Moisés nirqa: ¿Imanasqataq Tayta Diospa nisqanta mana kasukurqankichikchu? Chaynaqa, kay ruwasqaykichikpas manam allinchu kanqa.