Jeremías 2:36 - CHUYA QELLQA La Biblia en Quechua de Ayacucho 2012

³⁶ ¿Imanasqataq kaypi chaypi yanapakuyta maskanki? Asiria nacionpa penqayman churasusqaykita hinam, Egipto nacionpas penqayman churasunki.

Quechua Ayacucho Bible 1987

³⁶ Mana valeqpaqmi churakurunki huklaw ñankunaman muyurispayki. Asiria nacionpi kaqkunam penqayman churasunki. Egipto nacionpi kaqkunapas penqaymanmi churasunki.

Chuya Qellqa 1992

³⁶ ¿Imanasqataq kaypi chaypi yanapakuyta maskanki? Asiria nacionpa penqayman churasusqaykita hinam, Egipto nacionpas penqayman churasunki.

Jeremías 2:36 Iomraidhean Croise

2~Crónicas 28:16

Chay tiempopim rey Acazqa yana-pachikunanpaq Asiria nacionpa rey-ninman runankunata kacharqa.

Isaías 20:5

Hinaptinmi Etiopía nacionpi hapipakuqkunawan Egipto nacionmanta alabakuqkunapas mancharikuspanku penqakuywan kanqaku.

Jeremías 2:18

Kunanqa, ¿imatataq hurqokunki, Egipto nacionman rispa Nilo mayupa yakunta tomaspaykiqa? ¿Imatataq hurqokunki, Asiria nacionman rispa Eufrates mayupa yakunta tomaspaykiqa?

Jeremías 2:23

¿Imaynataq niwaq manam qanrakurqanichu, nitaqmi Baal idolokunatapas qatirqanichu nispaykiqa? Qechwapi imakunam ruwasqaykita yuyarispa reqsikuy, qamqa mana qasillalla kaspa kayman chayman kallpakachaq china camello hinam kanki;

Jeremías 2:33

Waynaykikuna maskaytaqa sumaqtam yachanki, mana allin warmikunapas qampa mana allin ruwaynikikunatam qatipakunku.

Jeremías 22:20

Jerusalén llaqta, Líbano orqoman qespispa qayakuy, Basán law orqokunapi qapariy, Abarim law orqokunaman quespispa qayaykachakuy, waynaykikunam lliw vencerachikun.

Jeremías 22:22

Kamachiqnikikunam wayrapa apasqan kanqaku, waynaykikunam preso apasqa kanqaku; tukuy mana allinkuna ruwasqaykimantam penqaypi tarikuspa uchuychasqa kanki.

Jeremías 31:22

¿Haykapikamataq mana kasukuq sipas hina kayman chayman purikuqlla kanki? Ñoqa Tayta Diosmi kay pachapi mana haykapipas rikusqaykichikta ruwaruni: Warmim qarita muyupayanqa.

Jeremías 37:7

Israelpa yupaychasqan Tayta Dios-mi kaynata nin: Ñoqata tapuwanayki-chikpaq kachamusuqnikichik Judá nacionpa reynin Sedequiastam nimunkichik: Yanapasunaykichikpaq Egipto nacionmanta lloqsimuq rey Faraonpa tropankunaqa nacionninkumanmi kutikunku.

Jeremías 46:12

Lliw nacionkunam penqaypi kasqaykita yacharunku, qaparisqaykim lliw kay pachapi uyarikun; allinnin qari-qari runakunam chocanakunku, kuskankum pampanta kururakunku.

Lamentaciones 4:17

Ñawiykupas utisqam yanapaqniykuta yanqa suyachkaniku, uyan-uyanllam kachkaniku, mana salvay atiq naciontam suyachkaniku.

Lamentaciones 5:6

Saksanaykukama mikunaykupaqmi, Egipto nacionman Asiria nacionman makillaykuta haywariniku.

Ezequiel 16:28

Chaywanpas mana wanaspam Asiria runakunawanpas qanrakurqanki, ichaqa manam chaywanpas contentarqankichu.

Ezequiel 29:7

Qanman hapipakuykuptinkum pakikururqanki, pakikuruspaykim waqtankuta kuchururqanki; qanman tawnapakuykuptinkum pakipakuruspayki wichiykachirqanki.

Oseas 10:6

Asiriapa tropankunam hamuruspanku chay qori torillota apakunqaku reyninkuman regalota qonankupaq, chaymi Israelpa mirayninkuna chay idolota yupaychasqankumanta penqaypi kanqaku.

Oseas 12:1

Efrainmi wayrata mikun, tukuy punchawmi intipa qespimunan lawmanta hamuq wayrata qatichkanku; llullakuytawan wañuchinakuyllatam mirachinku. Paykunaqa Asiria nacionwanmi contratota ruwarunku, Egiptomanñataqmi aceiteta astanku.

Oseas 14:3

Asiriaqa manam salvawanmankuñachu, guerrapaq caballokunapipas manañam sillakusaqkuñachu; makiykuwan ruwasqayku idolokunatapas manañam: “Diosnillayku” nisaqkuñachu; aswanqa wakchakunapas qam Diosnillaykupin llakipayakuyta tarinku”, nispaykichik.

Oseas 5:13

Onqoyninta Efraín qawakuykuspanmi, heridanta Judá qawakuykuspanmi, Asiria nacionpa reyninman kallpaspanku yanapakuyninta maskanqaku. Ichaqa payqa manam onqoyninmantaqa nitaq nanayninmantapas hampiyta atinqachu.

Oseas 7:11

Efrainqa mana yuyayniyuq uma muyu paloma hinam rikurirun, paykunaqa Egiptopa yanapakuynintam maskanku, qaparkachaspam Asiriapa yanapakuyninta maskanku.