Jeremías 2:34 - CHUYA QELLQA La Biblia en Quechua de Ayacucho 2012

³⁴ Wakchakunapa, inocente runakunapa yawarninwanmi pachaykita qanracharunki, huchankuta mana tarichkaspam wañurachinki, chaywanpas ninkiraqmi:

Quechua Ayacucho Bible 1987

³⁴ Wakcha runakunapa yawarninwanmi pachaykita qanracharunki. Inocente runakunapa yawarninwanmi pachaykita yawarcharunki. Mana suwakuchkaq runa hapisqaykipa yawarninwanmi pachaykita qanracharunki.

Chuya Qellqa 1992

³⁴ Wakchakunapa, inocente runakunapa yawarninwanmi pachaykita qanracharunki, huchankuta mana tarichkaspam wañurachinki, chaywanpas ninkiraqmi:

Jeremías 2:34 Iomraidhean Croise

2~Reyes 21:16

Rey Manasesqa millakuypaq ruwasqankunawan Judá nacionta huchallichichkaspapas, mana huchayuq runa-kunata wañuchispanmi Jerusalén llaqtapi kuchun-kuchun yawarta chaqchurqa.

2~Reyes 24:4

chaynataq Jerusalén llaqtapipas mana huchayuq runakunapa yawarnin chaqchusqanmantam. Chayraykum Tayta Diosqa mana pampachayta munarqachu.

Éxodo 22:1

Pipas torota otaq ovejata suwakuruspa rantikurunanpaq nakarunqa hinaspaqa, huk toromantam pichqa torotaña sayachipunqa, huk ovejamantañataqmi tawa ovejataña.

Éxodo 22:2

Sichum huk suwata, suwakuchkaqta tariruspa pipas maqachkaspalla wañurachiptinqa, chay maqaqnin runaqa mana huchayuqmi kanqa.

Isaías 57:5

¿Manachum encina sachakunapa, llaqesapa sachakunapa ukunpi huchapakunkichik? Wawakunatam wayqokunapi, uchkukunapi idolokunapaq wañuchipunkichik.

Isaías 59:3

Qamkunaqa runa wañuchiqmi kankichik, millakuypaq mana allinkuna ruwaqmi kankichik, simikichikmantapas llullakuywan mana allinkunallam lloqsimun.

Isaías 59:7

Mana allin ruwaymanmi kallpankichik, mana huchayuqta wañuchiqmi kallpankichik; tukuy mana allin ruwaykunallapim yuyaymanankichik, maymanpas ñakarichiq hinaspa purmachiqllam rinkichik.

Jeremías 19:4

Qamkunaqa ñoqata saqeruwas-paykichikmi kay sitiotapas mana-ña asuykunaypaq hina ruwarunkichik, qamkunapapas, ñawpaq taytaykichik-kunapapas chaynataq Judá nacionpi reykunapapas mana reqsisqaykichik idolokunamanña inciensota kañaspaykichikmi, kay sitiopi inocente runakunata wañuchinkichik.

Jeremías 2:33

Waynaykikuna maskaytaqa sumaqtam yachanki, mana allin warmikunapas qampa mana allin ruwaynikikunatam qatipakunku.

Jeremías 6:15

Millakusqay kaqkunata ruwachkaspankupas manam paykunaqa penqakunkuchu, manañam penqakuyninkupas kanñachu. Chayraykum castigasqay punchawpi castigasqaykunawan kuska wichinqaku. Ñoqa Tayta Diosmi chaynata nini.

Jeremías 7:31

Ben-hinom qechwapim Tofet sutiyuq altarta hatarichinku wawa-churinkuta kañanankupaq. Chaykuna ruwanankupaqqa manam kamachirqanichu nitaqmi piensarqanipaschu.

Jeremías 7:6

huklaw llaqtayuqkunatapas, mana tayta-mamayuqkunatapas, viudakunatapas mana ñakarichiptikichikqa, inocente runakunata kay sitiopi mana wañuchiptikichikqa, idolokunata manaña yupaychaptikichikqa,

Jeremías 8:12

Millakuypaq ruwasqankumanta penqakunanku kachkaptinpas manam penqakurqakuchu. Paykunaqa manam penqakuytapas yachankuchu, chayraykum ñoqa Tayta Dios kaynata nini: Paykunaqa castigasqay tiempopim wichinqaku, wañuchisqakunawan kuskam wañuchisqa kanqaku.

Lamentaciones 1:9

Qachachakusqanpas sutillam pachanpi kachkan, manam musyakurqachu imaynam tukuruytapas, qonqaymantam wichiykun, manam pipas consuelaqnin kanchu. Dios Taytalláy, sasachakuypi kallasqayta qawariway, enemigoypa hatunchakusqanta qawariy.

Lamentaciones 4:14

Paykunaqa llaqtapa callenkunapim ñawsa hina tamsaykacharqaku; yawarkamallaña pachayuqmi purirqaku, manam pipas pachankutaqa llapchaykuyta munarqachu.

Ezequiel 20:31

Qamkunaqa ofrendata qonaykichikpaq piwi churikichikta ofrecespam chay idoloykichikkunawan hinalla qachachakuchkankichik. Israelpa mirayninkuna ¿chaykunata ruwachkaspachum tapuwaytaraq munachkankichik? Ñoqa Tayta Diosqa manam tapuwaptikichikpas contestasqaykichikchu.

Ezequiel 22:25

Profetaykikunapas yarqasqa leonkuna hinañam qaparillawanña runata hapiruspa wañurachinku. Llaqtankupim runa-kunata wañuchispa qori-qollqenkutawan tukuy imankuta suwaruspa viudakunallataña saqerunku.

Ezequiel 23:45

Ichaqa allin ruwaq runakunam, waqllikuqkunata hinaspa runa wañuchiqkunata juzganankupaq kamachikuyman hina juzganqaku. Chaynataqa juzganqaku waqllikuruq hinaspa runa wañuchiq kasqankumantam.

Ezequiel 24:7

Chay llaqtam yawarwan huntasqa kachkan, lluchka rumipa hawanpim yawarta chaqchurqa, manam allpapa hawanpichu chaynapi allpa tapaykunanpaq.

Ezequiel 9:9

Hinaptinmi Tayta Dios kaynata niwarqa: Israel runakunapa mana allin ruwasqankuqa hatu-hatunmi. Kay nacionmi yawarpa pampaykusqan rikurirun, kay llaqtapas llumpay mana allin ruwaykunapa huntasqanmi kachkan. Paykunam kaynata nirqaku: “Tayta Diosmi kay nacionmanta karunchakurun, imam ruwasqanchiktapas manam rikunchu”, nispanku.