Jeremías 2:31 - CHUYA QELLQA La Biblia en Quechua de Ayacucho 2012

³¹ ¡Yaw, kunan miraykuna! Ñoqa Tayta Diospa nisqayta uyariychik: ¿Chunniq allpachu qamkunapaq karqani? ¿Mana imapa kanan tutayaq allpachu qamkunapaq karqani? ¿Imanasqataq niwankichik: Manam qanmanqa asuykamusaykikuñachu, munasqaykuman hinañam kawsakusaqku, nispaqa?

Quechua Ayacucho Bible 1987

³¹ Yaw kunan miraykuna, atiendeychik, Ñoqa tayta Diospa palabraytayá atiendeychik: ¿Chunniq allpachum qamkunapaqqa karqani? ¿Tutayaypa kanan allpachum qamkunapaqqa karqani? Runaykuna ¿imanasqataq niwankichik: “Munasqaykupim purikuyta munaniku” nispaqa? ¿Imanasqataq niwankichik: “Manañam qanmanqa kutirimuymankuñachu” nispaqa?

Chuya Qellqa 1992

³¹ ¡Yaw, kunan miraykuna! Ñoqa Tayta Diospa nisqayta uyariychik: ¿Chunniq allpachu qamkunapaq karqani? ¿Mana imapa kanan tutayaq allpachu qamkunapaq karqani? ¿Imanasqataq niwankichik: Manam qanmanqa asuykamusaykikuñachu, munasqaykuman hinañam kawsakusaqku, nispaqa?

Jeremías 2:31 Iomraidhean Croise

1~Reyes 11:22

Hinaptinmi Faraón nirqa: ¿Imataq kaypi pisisunki llaqtaykiman kutiyta munanaykipaq? nispa. Chaymi Hadad nirqa: Manam imapas pisiwanchu, ichaqa kutinaypaq kachaykuway, nispa.

2~Crónicas 31:10

Hinaptinmi Sadocpa ayllunmanta kaq sumo sacerdote Azarías nirqa: Tayta Diospa templonman ofrendakuna apamusqanku punchawmantam achkanpi mikuniku, chaywanpas achkaraqmi puchurun. Llaqtanta Tayta Dios bendeciykuptinmi ofrenda apamusqankumanta achkallaña puchurun, nispa.

Jobwan Sutichasqa Libro 21:14

Paykunaqa Diostapas kaynataraqmi ninku: “Ñoqaykumantaqa anchuy, munasqaykiman hina kawsaytaqa manam munanikuchu.

Proverbios 30:9

Yanqañataq saksanaykama mikuruspa qamta qepanchaspay niyman: ¿Pitaq Tayta Diosqa? nispay; otaq wakchayaspay suwakuyman, hinaspay sutikita penqayman churayman.

Isaías 45:19

Ñoqaqa manam pakasqallapichu rimarqani, nitaqmi kay pachapa tutayay sitionkunapichu rimarqani; Israelpa mirayninkunataqa manam nirqanichu: “Yanqapaqñam maskawankichik”, nispaqa. Ñoqa Tayta Diosqa cheqap kaqtam rimani, ñoqaqa allin kawsakuyllamantam willakuni.

Jeremías 2:20

Unayñam contraypi hoqarikuruspa manaña kasuwankichu hinaspam niwankiraq: Manam servisqaykichu, nispa. Llapa alto moqokunapim, rapisapa sachakunapa sikinkunapim, chuchumika warmi hina qanrakurqanki.

Jeremías 2:25

Israelpa mirayninkuna, ama qala chakilla kallpakachaychikchu, kunkaykichiktapas ama yakumanta chakichiychikchu nichkaptiypas, qamkunam ichaqa nirqankichik: Manam atiymankuchu, mana reqsisqa dioskunatañam kuyaniku, paykunatañam qatikusaqku, nispa.

Jeremías 5:5

Chaynaqa, yachayniyuqkunawanyá rimamusaq. Paykunaqa yachankum Tayta Diospa munasqanman hina kawsayta. Ichaqa paykunapas Diospa contranpi hoqarikuruspankum mana kasukurqakuchu.

Jeremías 5:6

Chayraykum paykunataqa leonkuna montemanta lloqsiramuspa wañurachinqa, chunniq atoqkunam tukuparunqa, tigrillokunam llaqtankumanta lloqsimuptinku tisaparunqa. Chaynataqa ruwanqa Tayta Diosta qepanchaspa llumpayta huchallikusqankuraykum.

Ezequiel 14:5

Icharaqpas chaynata ruwaptiy tukuy rikchaq idolokunata qatispa qepanchawasqankumanta wanakunmanku.

Oseas 13:6

Mikuyta qoykuptiymi paykuna saksarurqaku, saksaykuspankuñataqmi hatunchakururqaku, hinaspam qonqaruwarqaku.

Amós 1:1

Amosmi karqa Tecoa lawpi michiqkunapa parten. Paymi Israelpi imam pasakunanmanta profetizarqa, Uzías Judá nacionpi rey kachkaptin, Joaspa churin Jeroboampas Israelpi rey kachkaptin, terremoto pasakunanpaq iskay wata ñawpaqninta. Amosmi nirqa:

Miqueas 6:9

Tayta Diosmi llaqtata qayachkan, payta uyariyqa allin yachayniyuq kaymi. Llapa runakuna uyariychik, kamachikuqkuna uyariychik:

1~Corintios 4:8

Qamkunaqa saksasqañam kachkankichik, apuyarunkichikñam kanpas, mana ñoqallaykuwanmi munaychakuchkankichikña. ¡Amalaya reyña kawaq-chik ñoqaykupas qamkunawan kuska reyña kanaykupaq!

Deuteronomio 31:20

Ñawpaq taytaykichikkunaman juraspa prometesqay tukuy imapa kanan chaynataq tukuy imapa qespinan allpaman paykunata pusaruptiymi saksanankukama mikuspa wirayanqaku, ichaqa karunchakuruspam idolokunataña yupaychanqaku. Qepancharuwaspankum pactoytapas mana kasukunqakuchu.

Deuteronomio 32:15

Ichaqa Jesurunmi wirayaruspan haytakuqllaña rikurirurqa, wiranpas wiswirinankamam anchallataña poqorurqa; hinaspam unanchaqnin Tayta Diosta saqerurqa, waqaychaqnin qaqatam wischupakururqa.

Deuteronomio 32:18

Israelpa mirayninkuna, amparaqnikichik taytaykichiktam qonqarunkichik, kawsay qosuqnikichik Tayta Diostam qonqarunkichik.