Jeremías 2:3 - CHUYA QELLQA La Biblia en Quechua de Ayacucho 2012

³ Israel runakunaqa sapaqchakusqaymi karqankichik, cosechaypa punta kaq rurunmi karqankichik. Pipas dañasuqnikikunataqa, hatun sasachakuykunawanmi ñakarichirqani, nispa. Ñoqa Tayta Diosmi chaynata nini.

Quechua Ayacucho Bible 1987

³ Israel runakunaqa sapaqchakusqaymi karqankichik. Cosechaypa punta rurunkuna hinam karqankichik. Pipas dañasuqnikikunatam cargocharqani. Desgraciakunawanmi paykunata castigarqani. Ñoqa Tayta Diosmi chaynata nini.

Chuya Qellqa 1992

³ Israel runakunaqa sapaqchakusqaymi karqankichik, cosechaypa punta kaq rurunmi karqankichik. Pipas dañasuqnikikunataqa, hatun sasachakuykunawanmi ñakarichirqani. Ñoqa Tayta Diosmi chaynata nini.

Jeremías 2:3 Iomraidhean Croise

Éxodo 22:29

Ama unaspam cosechaykikunapa chaynataq uvasnikikunapa punta kaq rurunta apamuwanki. Piwi churikitapas qowankipunim.

Éxodo 23:16

Cosecha qallariy fiestatapas chaynataq cosecha tukuy fiestatapas ruwankim, chaytaqa sapa watam cosecha tukuyta ruwanki.

Isaías 41:11

Qamkunapaq piñakuqkunaqa, lliwmi hukmanyaspa penqaypi tarikunqaku, qamkunawan atipanakuqkunaqa pasaypaq chinkachisqam kanqaku.

Isaías 47:6

Runaykunawan piñasqa kaspaymi, penqaypi kanankupaq makikiman hapiykachirqayki. Ichaqa paykunatam mana llakipayarqankichu, yuyaqkunatapas llasaq qepita apachispam ñakarichirqanki.

Jeremías 12:14

Israelpa mana allin vecinonku-namantam Tayta Dios kaynata nin: Israelman qosqay allpa qechuqkunatam maymi kasqankumanta hurqorusaq. Judá llaqtaytapas paykuna ukumantam hurqomusaq.

Jeremías 2:4

Jacobpa mirayninkuna, Israelpi llapallan ayllukuna, Tayta Diospa nisqanta uyariychik.

Jeremías 30:16

Mikuchkaq hina tukusuqnikikunapas tukusqam kanqaku, llapallan enemigoykikunapas preso apasqam kanqaku, sarutyasuqnikikunapas sarutyasqam kanqaku, llapa kapuqnikikuna suwasuqnikikunapas suwasqam kanqaku.

Jeremías 50:7

Enemigonkunam tariruspanku mikururqaku, hinaspam kaynataraq nirqaku: “Manam ñoqanchikpaqqa huchanchikchu, paykunaqa Tayta Diospa contranpim huchallikururqaku. Tayta Diosqa mikunanku pasto hinam karqa, ñawpa taytankupa hapipakunanmi payqa karqa”, nispanku.

Joel 1:3

Churikichikkunaman kayta willaychik, churikichikkunapas churinkunaman willachunku, paykunapas hamuq mirayninkunaman willachunku.

Amós 6:1

¡Ay, imaynaraq kankichik! Jerusalenpi hawkallaña yachaqkuna, chaynataq Samaria orqopi hapipakuqkuna. ¡Ay, imaynaraq kankichik! Israelpa hapipakunan ancha reqsisqa nacionkunapi kamachikuqkuna.

Habacuc 1:11

Kallpasapa wayra hinam pasarunku, paykunaqa kallpankuta diosninkupaq hapispam chaywan huchallikunku.

Zacarías 1:15

Ichaqa mana imapas qokuq nacionkunapaqmi llumpayta piñakuruni. Tumpallataraq piñakusqayraykum paykuna aswanraq mana allinta ruwarqaku.

Zacarías 2:8

Tukuy Atiyniyuq Tayta Diosmi, tukuy imaykichiktapas qechusuqnikichik nacionkunaman kayta willamunaypaq kachawarqa: Pipas qamkuna llapchaykuqqa, ñawi ruruytam llapchaykun.

Números 18:12

Qoykitaqmi ñoqa Tayta Diosman ofrecewanankupaq Israel miraykunapa puntallaraq hurqosqanku aceitetapas, vinotapas hinaspa trigomanta ofrendatapas.

Romanos 11:16

Pipas tantata ruwakuspan puntata Diospaq rakipuptinqa, llapallan tantam Diospaña sapaqchasqa rikurirun. Chaynataqmi sachapa sapinpas Diospaq sapaqchasqa kaptinqa kallmankunapas paypaña rikurirun.

Romanos 16:5

Paykunapa wasinpi huñunakuq iñiqmasinchikkunatapas rimaykapuwaychik. Chaynataq Asia lawpi puntallataraq Cristoman iñikuq kuyasqay Epenetotapas.

Efesios 1:4

Manaraqpas kay pacha unanchasqa kachkaptinmi Diosqa Cristorayku akllawarqanchikña, chaynapi paypa qayllanpi mana chikanpas huchayuq kaspa payllapaqña kawsananchikpaq.

Deuteronomio 14:2

Qamkunaqa Señornikichik Tayta Diospa chuya llaqtanmi kankichik. Kay pachapi llaqtakunamantam payllapaqña kanaykichikpaq akllasurqankichik.

Deuteronomio 26:19

Paymi wakin nacionkuna hatarichisqanmantapas ancha reqsisqata chaynataq allin qawasqata ruwasunkichik. Chaymi Señornikichik Tayta Diospa nisqanpi hina payllapaqña sapaqchasqa kankichik.

Deuteronomio 7:6

Qamkunaqa Señornikichik Tayta Diospa sapaqchakusqan llaqtanmi kankichik. Tayta Diosmi kay pachapi llaqtakunamanta akllasurqankichik paypa kuyasqan llaqta kanaykichikpaq.

Santiago 1:18

Paymi cheqap palabranta reqsiykachiwaspanchik musoqmanta nacechiwarqanchik, chaynapi lliw unanchasqankunamanta primicia hina kananchikpaq.

1~Pedro 2:9

Qamkunam ichaqa kankichik, Diospa akllasqan ayllukuna, Reyta serviq sacerdotekuna, Diospaq chuyanchasqan llaqta hinaspa Diospa rantisqan runankuna, chaynapi Diospa atiyninmanta willakunaykichikpaq, paymi tutayaymanta qayasurqankichik admirakuypaq achkiyninpi purinaykichikpaq.

Apocalipsis 14:4

Paykunaqa manam qacha warmikunawanpas qanrachakurqakuchu. Paykunaqa Corderotam qatikunku maymanña riptinpas. Paykunaqa kawsaykunapa punta rikurimuq rurun hinam, chaynataqmi Diospaqwan Corderopaq runakuna ukumanta rantisqa karqaku.