Jeremías 2:28 - CHUYA QELLQA La Biblia en Quechua de Ayacucho 2012

²⁸ Judá runakuna, ¿maytaq idolokuna ruwakusqaykichik? Llaqtakunata hinañam achkallataña ruwakurunkichik, chaynaqa paykunayá kallpamuchunku, yaqachus ñakariynikichik punchawpi salvarusunkichik.

Quechua Ayacucho Bible 1987

²⁸ Juda castakuna, taytachakuna rurasqaykichikqa ¿maypitaq kachkanku? Achkallaña llaqtaykikuna hinam taytachaykikunapas achkallaña kachkanku. Ñakarisqaykichik tiempopiyá hamusunkichik. Qamkunaman hamuspankuyá librasunkichik.

Chuya Qellqa 1992

²⁸ Judá runakuna, ¿Maytaq idolokuna ruwakusqaykichik? Llaqtakunata hinañam achkallataña ruwakurunkichik, chaynaqa paykunayá kallpamuchunku, yaqachus ñakariynikichik punchawpi salvarusunkichik.

Jeremías 2:28 Iomraidhean Croise

2~Reyes 3:13

Chaymi Israelpa reyninta Eliseo nirqa: ¿Imatataq ñoqawan munanki? Taytaykipa chaynataq mamaykipa profetankunata tapukamuy, nispa. Israelpa reyninñataqmi nirqa: Manam, Tayta Diosmi kay kimsa reykunata huñuramuwanku moabitakunaman qoykuwanankupaq, nispa.

Isaías 45:20

Nacionkunamanta lluptiqkuna huñunakuspa asuykamuwaychik. Kullumanta idolokunata llaqllaruspa apaykachaqkunaqa mana serniyuq runakunam, mana salvay atiq idolokunata mañakuqkunaqa mana yuyayniyuq runakunam.

Isaías 46:2

Chay idolokunam pampaman wichiykunku, huklaw nacionkunaman apasqam kachkanku, paykunaqa manam salvakuyta atinkuchu.

Isaías 46:7

Hombrokuspam apanku, maymi kananpim sayachinku, chay churasqankupim mana kuyurispa sayarayan. Qapariwan mañakuptinkupas manam rimarinchu, sasachakuyninkumantapas manam salvayta atinchu.

Isaías 57:13

Maynataña qayakuptikipas millakuypaq idoloykikunaqa manam librasunkichu, chaykunataqa sinchi wayram aparuspa chinkarachinqa. Ñoqapi hapipakuqkunam ichaqa herencianpaq allpata chaskinqaku, ñoqapaq sapaqchasqa orqopim yachanqaku.

Jeremías 1:16

Kay castigotam llaqtayman apamusaq mana allinkunata ruwaspa saqeruwasqankumanta, sapaq dioskunapaqña inciensota kañapusqankumanta, kikinkupa ruwasqankutaña hatunchasqankumanta.

Jeremías 11:12

Hinaptinmi Judá nacionpi runakunawan Jerusalén llaqtapi yachaqkuna, inciensota kañaspa yupaychasqanku idolokunataña yanapakuyta mañakunqaku, ichaqa manam chay sasachakuymanta salvayta atinqachu.

Jeremías 11:13

Judá nacionpi yachaqkuna, haykam llaqtaykichikkuna kasqanman hinam idoloykichikkunapas achkallaña; haykam callekichikkunapas kasqanman hinataqmi, Baalman incienso kañanaykichik altarkunatapas achkallataña ruwakurunkichik.

Jeremías 30:7

¡Mancharikuypaq punchawkunam hamuchkan! Manam chay punchaw hinaqa haykapas karqachu. Jacobpa mirayninkunapaqmi sasachakuy punchawkuna hamuchkan, chaywanpas paykunataqa ñoqam librasaq.

Jeremías 37:19

¿Maypitaq kachkan “Babilonia nacionpa reyninqa, manam atacamusunkichikchu qamkunatapas nitaq kay naciontapas”, nispa nisuqnikichik profetakunaqa?

Oseas 10:1

Israelqa sumaqllaña ruruq uvas hinam, ichaqa achkanpi rurusqanman hinam idolokunata aswanraq mirachispan sumaq altarkunata ruwakurqa.

Habacuc 2:18

¿Imapaqtaq valenman runapa ruwasqan idoloqa? ¿Imapaqtaq valenman pantayman pusakuq idoloqa? Idolokunaqa manam rimanchu, ¿ruwaqnin runapas imaynataq chaykunapi hapipakunman?

Habacuc 2:19

¡Imallapiraq rikukunqa! Kullumanta idolota “rikchariy” niq runa, rumimanta mana rimaq idolota “hatariy” niq runa. ¿Yaqachu chay idolokuna imallatapas willakunman? Manam; qori-qollqewan llusisqaña kaspapas paykunaqa manam kawsankuchu.

Deuteronomio 32:37

Tayta Diosmi enemigonchikkunata ninqa: “¿Maytaq chay qaqa hina hapipakunaykichik idoloykichikkunaqa?

Jueces 10:14

Chaynaqa, rispayá akllakusqaykichik dioskunata qayakamuychik, ñakarichisqa kasqaykichik tiempopi paykuna librasunaykichikpaq, nispa.