Jeremías 2:25 - CHUYA QELLQA La Biblia en Quechua de Ayacucho 2012

²⁵ Israelpa mirayninkuna, ama qala chakilla kallpakachaychikchu, kunkaykichiktapas ama yakumanta chakichiychikchu nichkaptiypas, qamkunam ichaqa nirqankichik: Manam atiymankuchu, mana reqsisqa dioskunatañam kuyaniku, paykunatañam qatikusaqku, nispa.

Quechua Ayacucho Bible 1987

²⁵ Israel castakuna, cuidakuychik, yanqataq qala chakillaña puriwaqchik taytachakunata qatispa. Israel castakuna, cuidakuychik, yanqataq yakunayachikuwaqchik taytachakunata qatispa. Chaynata nichkaptiypas niwarqankichikmi: “Yanqañam, manam atiymanñachu” nispa. “Sapaq dioskunatañam kuyaruni” nispa. “Chaykunatañam qatikusaq” nispa.

Chuya Qellqa 1992

²⁵ Israelpa mirayninkuna, ama qala chakilla kallpakachaychikchu, kunkaykichiktapas ama yakumanta chakichiychikchu nichkaptiypas. Qamkunam ichaqa nirqankichik: Manam atiymankuchu, mana reqsisqa dioskunatañam kuyaniku, paykunatañam qatikusaqku, nispa.

Jeremías 2:25 Iomraidhean Croise

2~Crónicas 28:22

Rey Acazqa chay ñakariypi kachkaspanpas aswanraqmi Tayta Diospa contranpi huchallikurqa.

2~Crónicas 28:23

Guerrapi venceqnin Damasco llaqtapa idolonkunaman sacrificiokunata ofrecespanmi kaynata nirqa: Siria nacionpa diosninkunaqa chay nacionpa reyninkunatam yanapan, chaynaqa ñoqapas sacrificiotayá ofrecesaq yanapawananpaq, nispa. Ichaqa chaykuna ruwasqanraykum wichirurqa, wichirqataqmi Israel runakunapas.

Isaías 2:6

Diosnilláy, runaykikunatam saqerunki, Jacobpa mirayninkunatam saqerunki. Intipa lloqsimunan lawpi layqakunapa huntasqan kasqanrayku, Filistea llaqta hina qatipaqkunapa huntasqan kasqanrayku, huklaw llaqtayuq runakunawan hukllawakurusqankurayku.

Isaías 57:10

Purikusqaykipi llumpayta pisiparuchkaspapas, manam “chaykamallaña kachun” nirqankichu; aswanraqmi kallpanchakuspa mana allin ruwaynikita mana saqenkichu.

Jeremías 13:21

Jerusalén llaqta, ¿imaninkitaq yachachisqayki runakuna kamachiqniki rikuriruptin? Wachakuq warmipa nanaynin hinaraqmi qanmanpas nanay hamusunki.

Jeremías 13:22

Sichum sonqoykipi ninki: ¿Imanasqataq kaykuna chayaramuwan? nispa. Tukuy chaykunaqa mana allinkuna ruwasqaykiraykum chayaramusunki; chayraykum walikita qempispa abusasurqanki.

Jeremías 14:10

Tayta Diosmi kay llaqtamanta kaynata nin: Paykunaqa kayman chayman kallpakachayllatam gustanku, chakinkutapas manam samaykachinkuchu. Chayraykum paykunataqa mana chaskisaqchu. Kunanmi mana allin ruwasqankuta yuyarispa huchankumanta cuentata mañasaq, nispa.

Jeremías 18:12

Chaywanpas paykunaqa kaynatam nisunki: Yanqañam chay niwasqaykikuqa, ñoqaykuqa munasqaykuman hinam kawsakusaqku, sonqoykupa munasqantam sapakama ruwakusaqku, nispanku.

Jeremías 2:31

¡Yaw, kunan miraykuna! Ñoqa Tayta Diospa nisqayta uyariychik: ¿Chunniq allpachu qamkunapaq karqani? ¿Mana imapa kanan tutayaq allpachu qamkunapaq karqani? ¿Imanasqataq niwankichik: Manam qanmanqa asuykamusaykikuñachu, munasqaykuman hinañam kawsakusaqku, nispaqa?

Jeremías 22:20

Jerusalén llaqta, Líbano orqoman qespispa qayakuy, Basán law orqokunapi qapariy, Abarim law orqokunaman quespispa qayaykachakuy, waynaykikunam lliw vencerachikun.

Jeremías 22:21

Tukuy imayuq kaspa hawka kachkaptikim rimapayarqayki, ichaqa manam uyariwarqankichu. Qamqa warma kasqaykimantapunim ima nisqaytapas mana kasuwarqankichu.

Jeremías 3:13

Mana allin ruwasqaykitayá reqsikuy, Tayta Diospa contranpim hoqarikurqanki; llaqesapa sachakunapa sikinpim mana reqsisqa runakunawan qanrakurqanki, kamachikuyniykunatapas manam kasukurqankichu. Ñoqa Tayta Diosmi chaynata nini.

Jeremías 44:17

Aswanqa munasqaykuman hinam ruwasaqku. Ñoqaykuqa hinallam cielopi reinaman inciensota kañaspa vinota tallipusaqku. Kunankama ruwasqaykuta hinallam ruwasaqku. Ñoqaykuqa ñawpaq taytaykupa, reyniykupa chaynataq kamachiqniykupa, Judá nacionpi kaq llaqtankunapi chaynataq Jerusalén llaqtapa plazankunapi ruwasqaykuta hinam ruwasaqku. Chaynata ruwaptiykuqa mikunaykupas achkallañam karqa, hawkam kawsakurqanikupas, manataqmi ima sasachakuypas hamuwarqakuchu.

Lamentaciones 1:2

Tutan tutanmi paray mayuta waqallachkan, weqenkunapas yaku hinam uyanta paqchaykuchkan. Kuyaqninkunamantapas manam hukllapas consuelaqnin kanchu, amistadninkunapas qepancharuspam enemigonña rikurirun.

Lamentaciones 4:4

Ñuñuq wawakunapa qallunmi siminkuman yakumanta laqakurun; warmakuna tantata mañakuptinpas manam pipas qoykuqnin kanchu.

Ezequiel 20:32

Qamkunam nichkankichik: “Ñoqan-chikpas kaspimanta rumimanta idolokunata serviq nacionkuna hina kasunchik”, nispaykichik. Ichaqa manam qamkunapa munasqaykichikman hinachu kanqa.

Oseas 2:3

Yanqañataq tukuy imanta qechuruspay nacesqan punchawpi hina qalallata saqeruyman, mana imayuq chunniqta ruwaruyman, chaki allpaman tikraruyman, yakumanta wañurachiyman.

Oseas 2:5

Mamankum chuchumikayarun, wachakuqninkum penqaypi rikurirun, paymi nirqa: “Kuyaqniykunawan pasakusaq, paykunaqa mikunaytawan yakuytam qowanku, millwaytawan pachaytam qowanku, aceiteytawan tomanaytam qowanku”, nispa.

Malaquías 3:14

Qam-kunaqa kaynatam ninkichik: “Diostaqa yanqapaqmi servinchik. ¿Imatataq hurqokunchik paypa kamachikuyninkunata ruwaspa? ¿Imatataq hurqokunchik Tukuy Atiyniyuq Tayta Diospa ñawpaqninpi llaki uyantin purispa?

Lucas 15:22

Taytanñataqmi serviqninkunata kamachirqa: “Allinnin pachawan chaylla pachachiychik, dedonmanpas anillota churaspa usutaykachiychik.

Lucas 16:24

Chaymi qapa-rispan nirqa: “¡Taytáy Abraham, llakipayariykullaway! Ama hina kaspaykiyá Lazarota kachamuway dedollanpipas yakuta apamuspan qallullaytapas chiriykachinanpaq, ñoqaqa kay ninapim llumpa-llumpayta ñakarichkani”, nispa.

Romanos 8:24

Chay suyasqanchikwanmi salvasqa kanchik. Confiakuspaqa suyachkanchik mana rikusqanchik kaqta chaskinanchikpaqmi. Chaynaqa, ¿imapaqmá suyachwan makinchikpiña suyasqanchik kachkaptinqa?

Deuteronomio 28:48

Tayta Diospa kachamusqan enemigoykichikkunatam yarqasqa, yakunayasqa, mana pachayuq hinaspa tukuy imamantapas wakchayasqa servinkichik. Wañunaykichikkamam fierro yugota apachichkaq hina paykunata Tayta Dios servichisunkichik.

Deuteronomio 32:16

Mana reqsisqanku dioskunata yupaychaspankum Tayta Diosta llakichispa piñachirqaku.