Jeremías 2:23 - CHUYA QELLQA La Biblia en Quechua de Ayacucho 2012

²³ ¿Imaynataq niwaq manam qanrakurqanichu, nitaqmi Baal idolokunatapas qatirqanichu nispaykiqa? Qechwapi imakunam ruwasqaykita yuyarispa reqsikuy, qamqa mana qasillalla kaspa kayman chayman kallpakachaq china camello hinam kanki;

Quechua Ayacucho Bible 1987

²³ Qamqa manapunim niwaqchu: “Manam qanrachakurqanichu” nispaqa. Qamqa manapunim niwaqchu: “Baal sutiyoq taytachataqa manam qatirqanichu” nispaqa. Yuyariy qechwapi purisqaykikunata. Reqsikuy tukuy rurasqaykikunata. Qamqa kanki kallpachkaq china camello hinam, chichukunanpaq kallpakachaq china camello hinam.

Chuya Qellqa 1992

²³ ¿Imaynataq niwaq manam qanrakurqanichu, nitaqmi Baal idolokunatapas qatirqanichu nispaykiqa? Qechwapi imakunam ruwasqaykita yuyarispa reqsikuy, qamqa mana qasillalla kaspam kayman chayman kallpakachaq china camello hinam kanki;

Jeremías 2:23 Iomraidhean Croise

Ester 8:16

Chay punchawmi llapa judiokunapaq karqa ancha kusikuy chaynataq hatunchasqa kananku punchaw.

Proverbios 28:13

Huchanta pakaq runaqa manam allinqa kanqachu, huchanta willakuspa wanakuqmi ichaqa pampachasqa kanqa.

Proverbios 30:12

Kanmi mana huchayuqpaq hapikuruq runakuna, huchankumantaqa manam chuyanchakunkuchu.

Proverbios 30:20

Qosanta engañaq warmiqa kaynatam ruwan: Mikuruchkaspapas siminta pichakuruspam “manam ima mana allintapas ruwanichu”, nisparaq.

Jeremías 14:10

Tayta Diosmi kay llaqtamanta kaynata nin: Paykunaqa kayman chayman kallpakachayllatam gustanku, chakinkutapas manam samaykachinkuchu. Chayraykum paykunataqa mana chaskisaqchu. Kunanmi mana allin ruwasqankuta yuyarispa huchankumanta cuentata mañasaq, nispa.

Jeremías 16:10

Llapa runakunaman kayta willaptikim paykuna kaynata tapusunki: ¿Imanasqataq Tayta Diosqa kay hatun castigokunata rimachisuchkanki? ¿Ima mana allintataq ruwaruniku? ¿Imapitaq Tayta Diospa contranpi huchallikuruniku? nispanku.

Jeremías 2:36

¿Imanasqataq kaypi chaypi yanapakuyta maskanki? Asiria nacionpa penqayman churasusqaykita hinam, Egipto nacionpas penqayman churasunki.

Jeremías 3:2

Moqokunatayá qawariy, hinaspayá sumaqta yuyaymanariy: ¿Maypitaq mana qanrakurqankichu? Chunniqpi tiyaq árabe runa hinam, ñan patankunapi tiyaspayki waynaykikunata suyarqanki. Chuchumika kaynikiwanmi, mana allin ruwasqaykikunawanmi, kay pachata millakuypaqta ruwarunki.

Jeremías 31:22

¿Haykapikamataq mana kasukuq sipas hina kayman chayman purikuqlla kanki? Ñoqa Tayta Diosmi kay pachapi mana haykapipas rikusqaykichikta ruwaruni: Warmim qarita muyupayanqa.

Jeremías 7:31

Ben-hinom qechwapim Tofet sutiyuq altarta hatarichinku wawa-churinkuta kañanankupaq. Chaykuna ruwanankupaqqa manam kamachirqanichu nitaqmi piensarqanipaschu.

Jeremías 9:14

Aswanraqmi sonqonkuta rumiyarachispanku, ñawpaq taytankuta qatipakuspanku Baal idolokunataña yupaycharqaku.

Oseas 1:2

Kaymi Oseasman Tayta Diospa rimarisqan simikuna. Tayta Diosmi Oseasta nirqa: Rispayki chuchumika warmiwan casarakamuy hinaspa chay warmipi churyamuy, “huchapakuy wawakuna”, nisqa kanankupaq. Israelmi Tayta Diosmanta sapaqchakuruspan chuchumika warmi hinaña rikurirun, nispa.

Lucas 10:29

Paymi ichaqa allinpi lloqsiyta munaspan Jesusta huktawan tapurqa: ¿Pitaq runamasiyqa? nispan.

Romanos 3:19

Yachanchikmi leypa nisqanqa leyman hina kawsaqkunapaqmi qosqa karqa, chaynapi siminku wichqasqa kananpaq hinaspa llapallan runakuna Diospa juzgasqan kanankupaq.