Jeremías 2:21 - CHUYA QELLQA La Biblia en Quechua de Ayacucho 2012

²¹ Allinnin akllasqa uvasta hinam plantarqayki, miski uvaspa kallmanta hinam tarpurqayki, ¿imanasqataq purun uvasmanqa tikrakurunki? ¿Imanasqataq manaña reqsipay uvas plantaqa rikurirunki?

Quechua Ayacucho Bible 1987

²¹ Akllasqa uvas plantata hinam plantarqayki. Ancha allin uvaspa murunta hinam tarpurqayki. ¿Imaynanpimá purun uvas plantamanqa tikrakurunki? ¿Imaynanpimá manaña reqsipay uvas plantaqa rikurirunki?

Chuya Qellqa 1992

²¹ Allinnin akllasqa uvasta hinam plantarqayki, miski uvaspa kallmanta hinam tarpurqayki, ¿imanasqataq purun uvasmanqa tikrakurunki? ¿Imanasqataq manaña reqsipay uvas plantaqa rikurirunki?

Jeremías 2:21 Iomraidhean Croise

Génesis 18:19

Abrahamtaqa akllarqani churinkunata hinaspa wakiqnin mirayninkunatapas kamachinanpaqmi, chaynapi munasqayman hina allin kaqkunata ruwaptinku prometesqaykuna cumplinaypaq, nispa.

Génesis 32:28

Hinaptinmi chay runa nirqa: Manañam Jacobñachu sutikiqa kanqa, aswanqa Israelñam, Dioswanpas chaynataq runakunawanpas peleaspa vencerusqaykirayku, nispa.

Éxodo 15:17

Dios Taytallayku, qanmi yaykuchiwankiku akllakusqayki orqoman, yachanayki orqoman, santuarioyki kananpaq makikiwan allichasqayki orqoman hinaspam chaypi kawsachiwankiku.

Isaías 1:21

¿Imanasqataq chuchumikayarunki ñoqapi hapipakuq llaqta kachkaspaqa? Ñawpaqtaqa runaykikunapas allin kawsakuqmi karqaku, allin kaqkunallata ruwaspankum paykunaqa sumaqta kawsarqaku, kunanqa runamasinku wañuchiqllañam rikurirunku.

Isaías 27:2

Chay punchawpiyá, miskillaña vino qokuq uvas chakramanta takiychik.

Isaías 41:8

Serviqniy Israelpa mirayninkuna, akllakusqay Jacobpa mirayninkuna, amistadniy Abrahampa mirayninkuna uyariychik,

Isaías 5:4

¿Imakunataraqtaq ruwayman karqa uvas huertaypaq? ¿Icha imaraqmi faltawan ruwanaypaq? Miskita rurunantam ñoqaqa suyarqani, ¿imaynanpimá puchqollatañaqa rururun?

Isaías 60:21

Runaykikunapas llaqtantinmi allin ruwaqkunaña kanqaku, wiñaypaqmi allpankupi yachanqaku. Paykunam plantakusqaypa ikllipankuna kanqaku, atiyniyta qawachikunaypaq makiywan ruwakusqaykunam kanqaku.

Isaías 61:3

Sión llaqtapi llakisqakunaman uchpapa rantinpi coronataña qomunaypaq, waqaypa rantinpi kusikuytaña qomunaypaq, llakipi kaqkunatapas fiesta pachawan pachachimunaypaq. Paykunatam sutichanqaku: “Allinkuna ruruq Sachakuna, Tayta Diospa Atiyniyuq kayninta qawachiq Plantakuna” nispanku.

Jeremías 11:16

Ñoqam sumaq ruruyuq rapisapa aceitunas sachawan suticharqayki. Kunanmi rayowan hina ninata ratarirachispay kañarusqayki, hinaptinmi kallmaykikunapas toqyasparaq rupanqa.

Jeremías 11:17

Ñoqa Tukuy Atiyniyuq Tayta Diosmi sacha plantachkaq hina qamkunata plantarqaykichik. Israel nacionpi chay-nataq Judá nacionpi yachaqkuna, contraykichikpim castigokunata kachamusaq mana allinkunata ruwasqaykichikrayku. Qamkunam piñachiwarqankichik Baal idoloman inciensota kañapuspaykichik.

Jeremías 5:10

Enemigonkuna yaykuspa uvas chakrakunata purmachichunku, ichaqa amayá pasaypaqtachu; llullu kallmankunata perqankunamanta rachupachunku, paykunaqa manañam uvas chakrayñachu.

Lamentaciones 4:1

¡Imaynamá qoriqa yanayarunqa! ¡Akllasqa qoripa kanchariyninpas imaynamá chinkarunqa! ¡Templopa suma-sumaq ruminkunapas callekunapa esquinankunapim wischusqa kachkan!

Ezequiel 15:2

Runapa churin, ¿imapitaq uvaspa kaspin wakin sachakunapa kullunmanta aswan allin?

Mateo 21:33

Kay rikchanachiytawanyá uyariychik: Huk runam chakranpi uvasta plantaruspan muyuriqninta perqarachirqa, vinota ruwananpaqpas huk pozotam ruwachirqa, hinaspam cuidananpaq huk torreta ruwarurqa. Chaymantam chakra llamkaqkunaman arriendakuruspan illarurqa.

Marcos 12:1

Rikchanachiykunawan yacha-chispanmi Jesús nirqa: Huk runam chakranpi uvasta plantaruspan muyuriqninta perqarachirqa, vino ruwananpaqpas huk pozotam ruwachirqa, hinaspam cuidanankupaq huk torretapas ruwachirqa. Chaymantam llamkaqkunaman chakranta arriendakuruspan karuta illarurqa.

Lucas 20:9

Chaymantam Jesusqa rikchanachiywan runakunata yachachispan nirqa: Huk runam chakranpi uvasta plantarurqa, hinaspam llamkaqkunaman arriendakuruspan unaypaq illarurqa.

Juan 15:1

Ñoqam kani cheqap uvas planta, Taytayñataqmi chakrapi llamkaq.

Deuteronomio 32:32

Paykunapaqqa uvas plantankupas Sodoma Gomorra lawpi uvas hinam, paykunapa uvasninkuqa venenoyuq qatqe uvaskunam.

Deuteronomio 4:37

Tayta Diosqa ñawpaq taytaykichikkunata kuyasqanraykum mirayninkunata akllarqa, hinaspam Egipto nacionmanta ancha hatun atiyninwan hurqomurqa.

Josué 24:31

Josueypa kawsanankamaqa chaynataq wiñaymasin ancianonkunapas kawsanankamaqa, Israelpa mirayninkunam Tayta Diosta servirqaku; chay ancianokunaqa rikurqakum Israelpa mirayninkunapaq Tayta Diospa tukuy ima ruwasqanta.