Jeremías 2:20 - CHUYA QELLQA La Biblia en Quechua de Ayacucho 2012

²⁰ Unayñam contraypi hoqarikuruspa manaña kasuwankichu hinaspam niwankiraq: Manam servisqaykichu, nispa. Llapa alto moqokunapim, rapisapa sachakunapa sikinkunapim, chuchumika warmi hina qanrakurqanki.

Quechua Ayacucho Bible 1987

²⁰ Yugonta pakipachkaq toro hinam unayña hoqarikurqanki. Coyundanta tipipachkaq toro hinam unayña hoqarikurqanki. “Manam servisqaykiñachu” nispam niwarqanki. Llapa alto moqokunapim chuchumika warmi hina ankallarqanki. Llapa rapisapa sachakunapa sikinpim chuchumika warmi hina ankallarqanki.

Chuya Qellqa 1992

²⁰ Unayñam contraypi hoqarikuruspa manaña kasuwankichu hinaspam niwankiraq: Manam servisqaykichu, nispa. Llapa alto moqokunapim, rapisapa sachakunapa sikinkunapim, chuchumika warmi hina qanrakurqanki.

Jeremías 2:20 Iomraidhean Croise

1~Reyes 12:32

Chaymantam qallarichirqa pusaq kaq killapa chunka pichqayuq punchawninpi huk hatun fiestata, chay fiestataqa ruwachirqa Judá nacionpi fiestata hinam, hinaspam kikinpuni sacrificiokunata altarpi ofrecerqa, chaynatam Bet-el llaqtapi ruwarqa. Qorimanta ruwasqan torillokunapaqmi animalta wañuchispa lliwta kañarqa, hinaspam Bet-el llaqtapa moqonkunapi capillakuna ruwachisqanpi sacerdotekunata churarqa.

1~Reyes 14:23

Paykunapas alto moqokunapim capillakunata ruwarqaku, hinaspam Asera idolotawan rumimanta kullumanta ruwasqa idolokunata sayachirqaku, sayachirqakutaqmi rapisapa hatun sachakunapa sikinpipas.

Éxodo 19:8

Hinaptinmi runakuna chulla runa hinalla nirqaku: Tayta Diospa tukuy kamachiwasqankutam ruwasaqku, nispanku. Moisesñataqmi kutispan runakunapa nisqanta Tayta Diosman willamurqa.

Éxodo 24:3

Tayta Diospa tukuy nisqankunatam runakunaman Moisés willarqa, willar-qataqmi Tayta Diospa qosqan lliw kamachikuykunatapas, hinaptinmi chulla runa hinalla llapallanku nirqaku: ¡Tayta Diospa tukuy nisqankunatam ruwasaqku! nispanku.

Éxodo 3:8

Chaymi uraykamuni Egipto runakunamanta libranaypaq. Egipto nacionmanta hurqospam lliw kawsaykunapa qespinan hinaspa tukuy imapa kanan hatun sumaq allpaman paykunata pusasaq. Chay allpapim cananeokuna, heteokuna, amorreokuna, ferezeokuna, heveokuna hinaspa jebuseokuna yachachkanku.

Isaías 1:21

¿Imanasqataq chuchumikayarunki ñoqapi hapipakuq llaqta kachkaspaqa? Ñawpaqtaqa runaykikunapas allin kawsakuqmi karqaku, allin kaqkunallata ruwaspankum paykunaqa sumaqta kawsarqaku, kunanqa runamasinku wañuchiqllañam rikurirunku.

Isaías 10:27

Chay punchawpim wasaykiman llasaq qepi churkususqayki qechusqa kanqa, servichikusunaykipaq matankaykiman yugo churasusqaykipas pakisqam kanqa, qamqa akllakusqay llaqtay kasqaykirayku.

Isaías 14:25

Hina allpaypim Asiria runakunata puchukarachisaq, orqoykunapim paykunata saruparusaq. Yugonkupas manañam llaqtayta ñakarichinqañachu, llasaq qepi churasqankupas manañam llaqtayta ñakarichinqañachu.

Isaías 9:4

Qanmi llasaq yugota pakipachkaq hina ñakarichiqninkumanta libraykurqanki, hombronkupi kaspita pakipachkaq hinam ñakarichiqninkuta vencerurqanki. Chaynataqa ruwarqanki Madián llaqtata ruwasqaykita hinam.

Jeremías 13:27

Rikurqanim waqllikusqaykitapas, yegua hina weqeqeqespa hukwan-hukwan qanrakusqaykitapas, rikurqanitaqmi chuchumika warmi hina, moqokunapipas pampakunapipas millakuypaq kaqkuna ruwasqaykitapas. ¡Ay, Jerusalén llaqta! ¿Haykapikamataq mana chuyanchakunkichu? nispa.

Jeremías 17:2

Wawa churikichikkunapas altarkunatawan Asera idolokunatam yuyarinku, chaykunam tarikurqa rapisapa sachakunapa sikinpi, alto moqokunapa puntanpi,

Jeremías 2:31

¡Yaw, kunan miraykuna! Ñoqa Tayta Diospa nisqayta uyariychik: ¿Chunniq allpachu qamkunapaq karqani? ¿Mana imapa kanan tutayaq allpachu qamkunapaq karqani? ¿Imanasqataq niwankichik: Manam qanmanqa asuykamusaykikuñachu, munasqaykuman hinañam kawsakusaqku, nispaqa?

Jeremías 3:13

Mana allin ruwasqaykitayá reqsikuy, Tayta Diospa contranpim hoqarikurqanki; llaqesapa sachakunapa sikinpim mana reqsisqa runakunawan qanrakurqanki, kamachikuyniykunatapas manam kasukurqankichu. Ñoqa Tayta Diosmi chaynata nini.

Jeremías 30:8

Ñoqa Tukuy Atiyniyuq Tayta Diosmi nini: Chay punchawpim matankankupi yugota pakirusaq, coyundatapas tipirusaqmi, chaynapim huklaw nacionniyuq runakunaqa manaña servichikunqakuñachu.

Jeremías 5:5

Chaynaqa, yachayniyuqkunawanyá rimamusaq. Paykunaqa yachankum Tayta Diospa munasqanman hina kawsayta. Ichaqa paykunapas Diospa contranpi hoqarikuruspankum mana kasukurqakuchu.

Ezequiel 16:28

Chaywanpas mana wanaspam Asiria runakunawanpas qanrakurqanki, ichaqa manam chaywanpas contentarqankichu.

Ezequiel 16:31

Ñanpa hawankunapim, lliw plazakunapim idoloykikunata yupaychanaykipaq altarkunata hatarichirqanki; chaykunapim tukuy rikchaq qarikunawan qanrakurqanki. Ichaqa manam chuchumika hinachu ruwarqanki, qamqa manam pimantapas cobrarqankichu.

Ezequiel 16:41

Wasikitapas kañaspankum llapa warmikunapa qayllanpi juzgasunki. Chaynapim hukwan-hukwan qanrakuynikita puchukarachisaq, hinaptinmi waynaykikunamanpas manaña pagankiñachu.

Ezequiel 20:28

Paykunaqa juramentowan prometesqay allpaman yaykuruspankupas, alto moqokunata hinaspa rapisapa sachakunata qawaykuspankum animalkunata kañaspa piñachiwarqaku, chaykunapim inciensota kañaspanku vinotapas tallirqaku.

Ezequiel 23:5

Aholam ñoqawan kachkaspan hukwan-hukwan kakuyta qallaykurqa, Asiria nacionniyuq tropakunata kuyaruspanmi paykunawan pierdekururqa.

Oseas 1:2

Kaymi Oseasman Tayta Diospa rimarisqan simikuna. Tayta Diosmi Oseasta nirqa: Rispayki chuchumika warmiwan casarakamuy hinaspa chay warmipi churyamuy, “huchapakuy wawakuna”, nisqa kanankupaq. Israelmi Tayta Diosmanta sapaqchakuruspan chuchumika warmi hinaña rikurirun, nispa.

Oseas 2:5

Mamankum chuchumikayarun, wachakuqninkum penqaypi rikurirun, paymi nirqa: “Kuyaqniykunawan pasakusaq, paykunaqa mikunaytawan yakuytam qowanku, millwaytawan pachaytam qowanku, aceiteytawan tomanaytam qowanku”, nispa.

Oseas 3:3

Hinaspaymi nirqani: Qamqa unaypaqmi warmiy kanki; chaynaqa amam huchapakunkiñachu nitaqmi qarikunawanpas kakunkiñachu, ñoqapas manam qanwanqa puñusaqchu, nispay.

Oseas 4:13

Orqokunapa puntanman qespispankum hatun sachakunapa ukunpi idolonkupaq animalkunata wañuchispa ofrecenku. Warmi churinkunawan llumchuyninkunañataqmi waqllikuypi purichkanku.

Oseas 9:1

Israelpa mirayninkuna, ama kusikuymanta pawaykachaychikchu, Diosta mana reqsiq llaqtakuna hinaqa. Diosnikichikmanta karunchakuruspam chuchumika warmi hinaña kachkankichik, trigo erakunapim pagota chaskikunkichik.

Levítico 26:13

Ñoqa Tayta Diosmi Egipto nacionmanta hurqomurqaykichik manaña paykunapa criadon kanaykichikpaq. Yugota pakipachkaq hinam criado kasqaykichikmanta libramurqaykichik, hinaspam qari-qarillataña purichirqaykichik.

Nahúm 1:13

Kunanmi hawaykipi llasasuqniki yugota pakirusaq, chaqnasuqniki cadenatapas tipirusaqmi, nispa.

Deuteronomio 12:2

Yaykunaykichik llaqtakunapa idolonkuna yupaycha-nanku sitiokunataqa tuñichinkichik-mi, tuñichinkichiktaqmi orqokunapa puntankunapi, moqokunapi chaynataq llaqesapa sachakunapa sikinpi kaqkunatapas.

Deuteronomio 15:15

Egipto nacionpi esclavo kasqaykichik-manta Señornikichik Tayta Dios hurqomususqaykichiktam yuyarinkichik. Chayraykum chaynata kunan kamachikichik.

Deuteronomio 26:17

Kunanmi Tayta Diosqa Diosniki kasqanta nirunki. Prometekurunkitaqmi paypa munasqanman hina kawsaspa yachachikuyninkunata, kamachikuyninkunata hinaspa decretonkunata wiñaypaq kasukuspa ruwanaykipaqpas.

Deuteronomio 4:20

Qamkunatam ichaqa metal chulluchina hornomanta hurqomuchkaq hina Egipto nacionmanta Tayta Dios hurqomusurqankichik, chaynapim kunanqa paypa runankunaña kankichik.

Deuteronomio 4:34

¿Ima diostaq pruebakunata, señalkunata, milagrokunata hinaspa guerrakunata ruwaspan, paypa runankunaña kananchikpaq wakin nacionkunamanta akllawarqanchik? Señornikichik Tayta Diosllam Egipto nacionpi ñoqanchikpa qayllanchikpi chaynataq ñoqanchikrayku hatun atiyninwan hinaspa hatun castigowan mancharikuypaq kaqkunata ruwarqa.

Deuteronomio 5:27

Chaynaqa, qamllayá Señorninchik Tayta Diosman asuykuspa tukuy nimususqaykita uyarimuy hinaspa willawanaykikupaq, chaynapi kamachimususqaykita kasukunaykupaq”, nispa.

Josué 1:16

Hinaptinmi Josueyta paykuna nirqaku: Ñoqaykuqa niwasqaykikuman hina ruwaspam maymanpas kamachiwasqaykikuman risaqku.

Josué 24:24

Chaymi runakunañataq nirqaku: Ñoqaykuqa Señorninchik Tayta Diostam servisaqku hinaspam niwasqaykikuta kasukusaqku, nispanku.

Josué 24:26

Kaykunatam Diospa yacha-chikuyninkunamanta willakuq libropi Josué qellqarqa. Chaymantam hatun rumita hapispan Tayta Diospa santuarionpa hichpan encina sachapa sikinpi sayachirqa,

Apocalipsis 17:1

Qanchis angelkunamanta kaq, qanchis copayuq huknin angelmi asuykamuwaspan kaynata niwarqa: Kayman hamuy, hinaptinmi achka yakukunapa hawanpi tiyaq chuchumika warmipa imaynam castigasqa kananta qawachisqayki.

Jueces 10:6

Israelpa mirayninkunam kaqllamanta Tayta Diospa qayllanpi huchallikuyta qallaykurqaku. Baal idolokunata, Astarot idolokunata, arameokunapa, sidoniokunapa, moabitakunapa, amonitakunapa hinaspa filisteokunapa diosninkunataña yupaychaspankum Tayta Diostaqa manaña servirqakuñachu.

Jueces 2:11

Israelpa mirayninkunam Tayta Diospa qayllanpi mana allinta ruwarqaku, paykunaqa Baal sutiyuq idolokunatañam yupaycharqaku.

Jueces 2:13

Tayta Diosta qepanchakuruspankum Baal chaynataq Astarot idolokunataña yupaycharqaku.

1~Samuel 12:10

Chaymi paykuna qaparispa Tayta Diosta nirqaku: Diosnillayku, qamta qepanchaspam huchallikuruniku; Baal idolokunatawan Astarot idolokunatañam yupaycharqaniku. Kunanqa qamyá enemigoykumanta libraykullawayku, qamllataña servillanaykupaq, nispa.