Jeremías 2:2 - CHUYA QELLQA La Biblia en Quechua de Ayacucho 2012

² Jerusalenpi runakunaman rispayki, allinta uyarinankupaq qaparispa kaynata nimuy, Tayta Diosmi kaynata nin: Sipas kaspa kuyawasqaykitam yuyarini, casararuptiy kuyawasqaykitam yuyarini, mana imapa kanan chunniqninta qatiwasqaykitam yuyarini.

Quechua Ayacucho Bible 1987

² Jerusalen llaqtapi runakunaman nimuy. Allinta uyarinankupaq qaparispa nimuy: “Kaynatam Tayta Dios nin” nispayá nimuy. Sipas kaspa kuyawasqaykitam yuyarini. Casararuptiy kuyawasqaykitam yuyarini. Chunniqninta qatimuwasqaykitam yuyarini. Mana tarpusqa chunniqnin qatiwasqaykitam yuyarini.

Chuya Qellqa 1992

² Jerusalenpi runakunaman rispayki, allinta uyarinankupaq qaparispa kaynata nimuy, Tayta Diosmi kaynata nin: Sipas kaspa kuyawasqaykitam yuyarini, casararuptiy kuyawasqaykitam yuyarini, mana imapa kanan chunniqninta qatiwasqaykitam yuyarini.

Jeremías 2:2 Iomraidhean Croise

Éxodo 14:31

Israel runakunaqa Tayta Diospa hatun atiyninwan Egipto runakunapa contranpi ruwasqanta qawaykuspankum Tayta Diosta manchakurqaku, hinaspam Tayta Diosman chaynataq serviqnin Moisespipas hapipakurqaku.

Éxodo 16:8

Moisesqa nirqataqmi: Tardemanmi Tayta Dios aychata qosunkichik mikunaykichikpaq, paqarin tutapaytañataqmi saksanaykichikkama tantata qosunkichik. Tayta Diosmi uyarirun paypa contranpi rimasqaykichikta. Ñoqaykuqa, ¿pitaq kaniku? Rimasqaykichikqa manam ñoqaykupa contraykupichu, aswanqa Tayta Diospa contranpim, nispa.

Proverbios 1:20

Yachaymi callekunapi qayakun, plazakunapim hatunmanta qaparin.

Cantares 3:11

Sión llaqtapi sipaskuna, lloqsimuychik, rey Salomontayá qawariychik casarakunan punchawpaq, sinchi kusikunan punchawpaq mamanpa ruwapusqan coronawan churasqata.

Cantares 3:6

¿Pitaq wak, chunniqmanta qespimuchkan? Qosni hinaraq, mirrapa inciensopa asnayninwan, tukuy rikchaq olorkunawan perfumasqallaña.

Isaías 58:1

Tayta Diosmi niwarqa: Ama manchakuspa qayaykachakuy, trompeta hina qapariy, mana kasukusqanmanta llaqtanman willay, huchallikusqankumanta Jacobpa mirayninkunaman willay.

Jeremías 11:6

Tayta Diosñataqmi niwarqa: Judá nacionpa llaqtankunapiwan Jerusalén llaqtapa callenkunapi kaynata nimuy: Kay pactopa nisqankunata uyarispa ruwayman churaychik.

Jeremías 19:2

Ben-hinom wayqoman lloqsinki. Chay wayqoqa kachkan intipa qespimunan lawpi punkupa chimpanpim. Chaypim ñoqapa nisqayta kallpawan

Jeremías 2:1

Tayta Diosmi kaynata niwarqa:

Jeremías 2:6

Paykunaqa manam tapukurqakuchu: ¿Maytaq Egiptomanta hurqomuwaqninchik Tayta Diosqa? nispallapas. ¿Maytaq mana imapa kanan chunniqninta pusamuwaqninchikqa? nispallapas ¿Maytaq wañuypa kanan sinchi tutayay chaki allpanta pusamuwaqninchikqa? nispallapas. ¿Maytaq runapa mana yachanan allpankunata pusamuwaqninchikqa? nispallapas.

Jeremías 3:4

Qaynakunallam niwarqanki: Kuyasqay Taytalláy, warma kayniymanta reqsiwaqniy.

Jeremías 7:2

Temploypa punkunpi sayaykuspa kaynata willakamuy: Judá nacionpi runakuna, Tayta Diosta yupaychanaykichikpaq kay punkunta yaykuqkuna, kay willakuyta uyariychik.

Ezequiel 16:22

Qamqa millakuypaq kaqkunata ruwaspam chaynataq hukwan-hukwan qanrakuspam imaynam wawa kaspayki qalalla kasqaykitawan yawarnikipi qochpasqaykitapas manaña yuyankiñachu.

Ezequiel 16:60

Ñoqam ichaqa warma kaptikiraq pacto ruwasqayta yuyarisaq, hinaspaymi wiñaypaq pactota qanwan ruwasaq.

Ezequiel 16:8

Huktawan chayninta pasachkaspaymi, casarakunaykipaq hina tiempoykipiña kasqaykita qawaykurqani. Chaymi capayta mastarispay qalalla cuerpoykita tapaykurqani; hinaspam ñoqapaña kanaykipaq qanwan pactota ruwarqani; chaymantam ñoqapaña karqanki. Ñoqa Tayta Diosmi chaynata nini.

Ezequiel 23:19

Payqa aswanraqmi hukninwan-hukninwan qanrakurqa, Egipto nacionpi sipas kayninpi chuchumika kayninta yuyarispanmi

Ezequiel 23:3

Paykunam Egipto nacionpi sipasllaraq kachkaspanku chuchumika kayman qokururqaku, chaypim ñuñunkuta mullkachikuyta qallaykurqaku, chaypitaqmi manaraq qari reqsiq kayninkutapas pierderurqaku.

Ezequiel 23:8

Payqa Egipto nacionpi kasqanmantaraqmi chuchumika kayninta mana saqerqachu, achkaqmi paywanqa sipas kayllanpiraq puñukurqaku. Paykunam warma ñuñunkutapas mullkapayaspanku chuchumikayarachirqaku.

Oseas 11:1

Tayta Diosmi kaynata nin: Warma kasqanmantam Israelta kuyarqani, churiytam Egipto nacionmanta qayamurqani.

Oseas 2:15

Chaypim uvas chakrankunatapas kutichipusaq, hinaspaymi Acor qechwatapas kusikuy punkumanña tikrarusaq. Chaypim sipas kayninpi hinaraq kuyaykuwanqa, Egiptomanta lloqsimusqan punchawpi hinaraqmi kuyaykuwanqa.

Oseas 2:17

Baal idolokunapa sutinta siminmanta qechuruptiymi manaña rimayllapas rimanqakuñachu.

Oseas 2:7

Kuyaqninkunata qatispanpas manam haypanqachu, maskaspanpas manam tarinqachu. Hinaspam ninqa: “Kayna kanaytaqa punta qosayman kutikusaq, paywanqa allinmi karqani”, nispan.

Oseas 8:1

Trompetata tocay, enemigom Tayta Diospa wasimpa contranpi anka hinaraq hamuchkan; yachachikuyniykunata mana kasukuspanmi pacto ruwasqayta llaqtay pakirun.

Oseas 9:10

Tayta Diosmi kaynata nin: Israel miraykunataqa chunniqpi uvasta hinam tarirqani; ñawpaq taytankutapas, higospa punta kaq rurunta hinam tarirqani. Paykunam ichaqa Baal-peorman chayaruspanku idolokunaman wischukuykuspa millakuypaq rikurirurqaku, yupaychasqanku idolokuna hina millakuypaqmi rikurirurqaku.

Jonás 1:2

Nínive hatun llaqtaman rispa contranpi willakamuy, mana allin ruwayninkum qayllayman chayaramun, nispa.

Mateo 11:15

Haykan rinriyuqkunaqa uyariychikyá.

Lucas 12:13

Jesustam runakunapa chawpinmanta hukkaqnin nimurqa: Yachachikuq, wawqeytayá niykapuway herenciata rakiwananpaq, nispa.

Deuteronomio 2:7

Señornikichik Tayta Diosmi tukuy ima ruwasqanchikpi bendeciwarqanchik, tawa chunka watañam ñoqanchikwan kasqanqa, chaymi kay manchakuypaq chunniqpi puriptinchikpas mana imapas pisiwarqanchikchu.

Deuteronomio 33:3

Dios Taytalláy, llaqtaykitam kuyanki, llapallan sapaqchasqaykikunatam waqaychanki, paykunaqa ñawpaqnikipim qonqorakunku, kamachisqaykikunatam chaskikunku.

Deuteronomio 8:2

Tukuy chunniq ñankunapi tawa chunka wata purisqaykichiktam yuyarinkichik. Señornikichik Tayta Diosmi uchuychasunaykichikpaq chaynata pusamusurqankichik, chaynapi pruebasuspaykichik imam sonqoykichikpi kasqanta yachananpaq chaynataq kamachikuyninkunatapas kasukusqaykichikta otaq mana kasukunaykichiktapas yachananpaq.

Santiago 4:4

¡Diosta qepanchakuq runakuna! ¿Manachu yachankichik kay pachapi kaqkunallata kuyaruspaqqa Diospa enemigonña kasqaykichikta? Pipas kay pachapi kaqkunallata kuyaruqqa Diospa enemigonmi rikurirun.

Apocalipsis 2:4

Ichaqa kaymi contraykipi kachkan: Manañam puntata hinañachu kuyawanki.