Jeremías 2:19 - CHUYA QELLQA La Biblia en Quechua de Ayacucho 2012

¹⁹ Millakuypaq kaqkuna ruwasqaykikunam castigasunki, mana kasukuynikikunam condenasunki; tantearispayá sumaqta yuyaymanariy, mayna sasam hinaspa mayna manchakuypaqmi yupaychasqayki Tayta Diosta saqeruwaspa mana kasukuyqa. Ñoqa Tayta Diosmi chaynata nini.

Quechua Ayacucho Bible 1987

¹⁹ Mana allinlla rurasqaykichikmi corregisunkichik. Ñoqata saqeruwasqaykichikmi sentenciasunkichik. Tanteaspaykichikyá cuentata qokuychik yupaychasqaykichik Tayta Diosta saqeruwaynikichikqa mana allinnikichikpaq kasqanta. Tanteaspaykichikyá cuentata qokuychik yupaychasqaykichik Tayta Dios saqeruwaynikichikqa llakikuynikichikpaq kasqanta. Manam respetawarqankichikchu ñoqataqa. Chaynatam nini Llapallan Kamachiq Tayta Diosqa.

Chuya Qellqa 1992

¹⁹ Millakuypaq kaqkuna ruwasqaykikunam castigasunki, mana kasukuynikikunam condenasunki; tantearispayá sumaqta yuyaymanariy, mayna sasam hinaspa mayna manchakuypaqmi yupaychasqayki Tayta Diosta saqeruwaspa mana kasukuyqa. Ñoqa Tayta Diosmi chaynata nini.

Jeremías 2:19 Iomraidhean Croise

1~Reyes 18:18

Eliasñataqmi nirqa: Ñoqaqa manam Israel naciontaqa chaqwachinichu, aswanqa qanmi chaq-wachirqankiqa, Tayta Diospa kamachikuyninkunata saqeruspa, taytaykipa mirayninkunapiwan kuska Baal idolokunataña qatispaykichik.

2~Crónicas 12:5

Rey Sisac hamusqanraykum Roboam-wan Judá nacionpi kamachikuqkuna Jerusalén llaqtapi huñunasqa kachkarqaku, hinaptinmi profeta Semaías hamuruspan Tayta Diospa nisqanta kaynata nirqa: Saqeruwasqaykichikraykum ñoqapas rey Sisacpa makinpi saqeruykichik, nispa.

2~Crónicas 21:10

Chaywanpas Edom nacionqa Judá nacionpa munaychakuyninmantam librakururqa, chaynam kachkan kunankamapas. Chay tiempopitaqmi Libna llaqtapas Judá nacionpa munaychakuyninmanta librakururqa. Chaykunaqa pasakurqa rey Joram ñawpaq taytankunapa yupaychasqanku Tayta Diosta qepanchakurusqanraykum.

2~Crónicas 25:16

Diospa profetan manaraq rimayta tukuchkaptinmi Amasías nirqa: ¿Reyta consejaqpaqchu qamta churarqaykiku? Upallay ¿icha wañuytachu munanki? nispa. Rimayta tukuruptinmi profetañataq nirqa: Nisqaykunata mana kasukuspa chay-kunata ruwasqaykimantam wañu-chisunaykipaq Tayta Diosqa tantearunña, nispa.

Éxodo 33:6

Chayraykum Israelpa mirayninkunaqa Horeb orqomantapuni alhajanku churakuyta saqerurqaku.

Proverbios 1:31

mana allin ruwaynikichikpa rurunta mikunkichik, mana allin munaynikichiktam saksankichik.

Proverbios 1:32

Mana yachayniyuqkunataqa mana yachayniyuq kayninmi wañurachinqa. Mana tanteakuy yachaq runataqa, mana tanteakuy yachaq kayninmi chinkarachinqa.

Proverbios 5:22

Mana allin runataqa mana allin ruwayllanmi chaqnarunqa, kikinpa huchallanmi waska hina teqorunqa,

Isaías 3:9

Qara uya kayninkum paykunataqa acusachkan, Sodoma llaqtapa hinam huchanku sutillata qawakuchkan. ¡Imaynaraq kanqaku! Kikillankum sasachakuykunata maskakurunku.

Isaías 5:5

Chaynaqa, kunanmi qamkunaman, imatam kay huertaywan ruwanayta nisqaykichik: Llapa rumi perqanta paskaruptiymi purmarachinqaku, perqankunata lliw tuñirachiptiymi saruparunqaku.

Isaías 50:1

Tayta Diosmi kaynata nin: ¿Maypitaq kachkan mamaykichikwan rakinakuspay acta ruwanakusqay? ¿Pikunawantaq manu karqani qamkunata rantikunaypaq? Huchaykichikraykum rantikusqa karqankichik, mana kasukuq kasqaykichikraykum mamaykichiktapas qarqorurqani.

Jeremías 1:16

Kay castigotam llaqtayman apamusaq mana allinkunata ruwaspa saqeruwasqankumanta, sapaq dioskunapaqña inciensota kañapusqankumanta, kikinkupa ruwasqankutaña hatunchasqankumanta.

Jeremías 13:22

Sichum sonqoykipi ninki: ¿Imanasqataq kaykuna chayaramuwan? nispa. Tukuy chaykunaqa mana allinkuna ruwasqaykiraykum chayaramusunki; chayraykum walikita qempispa abusasurqanki.

Jeremías 2:17

Ñoqa Tayta Diosta saqeruwasqaykichikraykum, allin ñanninta pusamusuqnikichikta saqeruwasqaykichikraykum, kaykunaqa pasasurqankichik.

Jeremías 3:22

Mana kasukuq churikuna, ñoqaman kutirikamuychik, mana kasukuynikichikkunatam pampachasqaykichik. Dios Taytallayku, yupaychasqayku Diosmi qamqa kanki, qanmanmi kutirikamullaniku, qamllam Diosniykuqa kanki.

Jeremías 4:18

Mana allin kawsaynikiraykum, mana allin ruwaynikikunaraykum, kaykuna pasasunki; mana allinkuna ruwasqaykipa pagonmi kayqa, chayraykum sonqoykita pasaypaqta nanachisunki.

Jeremías 5:22

Ñoqa Tayta Diosmi kaynata nini: ¿Manachu ñoqata manchakuwankichik? ¿Manachu qayllaypi katkatatankichik? Lamar qochapa patantam linderonpaq churarqani, chayta lamar qocha mana pasananpaq. Olankunapas mancharikuypaqta qaparispa hoqarikuchkaspapas manam pasayta atinmanchu.

Jeremías 5:24

Qamkunaqa manam yuyaymanarqankichikchu: Yupaychasqanchik Tayta Diostayá kasukusun nispallapas, tarpuy parapas poqoy parapas chayachimuqtayá kasukusun nispallapas, tiempollanpi cosecha qowaqninchiktayá yuyarisun nispallapas.

Jeremías 5:6

Chayraykum paykunataqa leonkuna montemanta lloqsiramuspa wañurachinqa, chunniq atoqkunam tukuparunqa, tigrillokunam llaqtankumanta lloqsimuptinku tisaparunqa. Chaynataqa ruwanqa Tayta Diosta qepanchaspa llumpayta huchallikusqankuraykum.

Jeremías 7:19

Chaykunata ruwaspaqa manam ñoqatachu piñachiwachkanku, aswanqa kikinku penqaypi kanankupaqmi. Ñoqa Tayta Diosmi chaynata nini.

Jeremías 8:5

Chaynaqa, Israel runakuna, ¿imanasqataq ñoqamantaqa karunchakurunkichik? Jerusalenpi runakuna, ¿imanasqataq pasaypaqta qepancharuwankichik? Pantaynikichikman hapipakuruspam kutirikamuwayta mana munankichikchu.

Ezequiel 23:30

tukuy kaykunaqa chayaramusunki. Qamqa huklaw nacionniyuq runakunawan huchapakuspaykim idolonkunata yupaychaspayki qachachakurqanki.

Ezequiel 39:24

Millakuypaq ruwasqankuman hinam hinaspa mana kasukuq kasqankuman hinam paykunataqa qepanchakururqani.

Oseas 11:7

Llaqtayqa hinallaraqmi ñoqamanta karunchasqa kachkan, chayraykum qayakamuwaptinpas mana uyarisaqchu.

Oseas 13:9

Israel miraykuna, ñoqam chinkarachisqaykichik; hinaptinqa, ¿pitaq yanapasunkichik?

Oseas 14:1

Israel castakuna, Tayta Diosman kutirikuychik; huchaykichikraykum qamkunaqa urmarunkichik.

Oseas 4:16

Israelpa mirayninkuqa, qamkunaqa manaraq mansasqa loca vaquilla hinam kankichik, chaynaqa, ¿imaynataq Tayta Diospas ovejakunata hina sumaq pastopiraq michisunkichikman?

Oseas 5:5

Hatun tukuq kayninmi Israelpa contranpi declaranqa, huchankuraykum Israelpas chaynataq Efraimpas wichinqaku, paykunawan kuskam Judapas wichinqa.

Oseas 7:2

Manam musyankuchu llapa mana allin ruwasqankuta yuyasqaytaqa, mana allin ruwasqankuwanmi paykunaqa inturachikunku, ñoqaqa rikuchkanim tukuy chaykuna ruwasqankutapas.

Oseas 9:1

Israelpa mirayninkuna, ama kusikuymanta pawaykachaychikchu, Diosta mana reqsiq llaqtakuna hinaqa. Diosnikichikmanta karunchakuruspam chuchumika warmi hinaña kachkankichik, trigo erakunapim pagota chaskikunkichik.

Amós 8:10

Fiestaykichikkunatapas waqakuyman tikraspam, takikichikkunatapas qapariyman tikrasaq; qachqa pachawan pachachispam chukchaykichiktapas rutuchisqaykichik. Sapallan wawa churinmanta waqaqkunata hina kay pachata ruwaptiymi ancha ñakakuyllapiña tukunkichik, nispa.

Miqueas 1:5

Kaykunaqa pasakunqa Jacobpa mirayninkuna mana kasukusqanmantam, Israelpa mirayninkunapa huchanmantam. ¿Imataq Jacobpa mana kasukuynin? ¿Manachum Samaria llaqta? ¿Maytaq Judá nacionpa huchallikunan capillakuna? ¿Manachum Jerusalén llaqta?

Zacarías 7:11

Qamkunam ichaqa uyariyta mana munarqankichikchu, aswanraqmi mana kasukuspaykichik mana uyariqpas tukurqankichikchu.

Romanos 3:18

Dios manchakuytapas manam yachankuchu, nispa.

Jueces 10:13

Aswanqa qamkunam qepanchakuruwaspaykichik idolokunataña yupaycharqankichik, chayraykum qamkunataqa manaña librasqaykichikñachu.