Jeremías 19:9 - CHUYA QELLQA La Biblia en Quechua de Ayacucho 2012

⁹ Churi-wawankutapas taytamama-llankuwanmi mikuchisaq, chayna-taqmi kikinkupas sapakama mikunakunqaku, chaynataqa ruwanqaku enemigonku atacaspa pasaypaq muyuriruptinku yarqaymanta kasqankuraykum.

Quechua Ayacucho Bible 1987

⁹ Churi-wawankunatapas tayta-mamallankuwanmi mikurachisaq chaynataqmi kikinkupas sapakamataq mikunakunqaku, chaynataqa ruranqaku muyuriqninkumanta enemigonku atacaptin pasaypaq yarqaymanta kasqankuraykum.

Chuya Qellqa 1992

⁹ Churi-wawankutapas tayta-mamallankuwanmi mikuchisaq, chaynataqmi kikinkupas sapakama mikunakunqaku, chaynataqa ruwanqaku enemigonku atacaspa pasaypaq muyuriruptinku yarqaymanta kasqankuraykum.

Jeremías 19:9 Iomraidhean Croise

2~Reyes 25:3

Tawa kaq killapa isqon punchawninpim mikunanku tukuruptin llaqtapi runakuna yarqaymanta kaspanku

Isaías 9:20

Runaqa alleq lawpi mikuchkaspapas manam saksanchu, ichoq lawpi mikuchkaspapas hinallam yarqaymanta, churinkuta mikuchkaspapas manam contentankuchu.

Jeremías 13:14

Hinaspaymi urpukunata takanachispa pakichkaq hina taytantawan churinta takanachisaq. Manam pampachasaqchu, nitaqmi llakipayasaqchu, paykunata wañuchispayqa manam kuyapayasaqchu, nispa. Ñoqa Tayta Diosmi chaynata nini.

Jeremías 38:9

Reynilláy, kay runakunapa profeta Jeremiaswan imam ruwasqankuqa manam allinchu, paytaqa pozomanmi kachaykamunku, chaypiqa yarqaymantam wañurunqa, kay llaqtapiqa tantapas manañam kanchu, nispa.

Lamentaciones 2:20

Dios Taytalláy qawarispa yuyaymanariy, ¡manam pitapas kaynaniraqtaqa ruwarqankichu! ¿Yaqachu warmikuna wachakusqan wawata mikurunmanku? ¿Hinachu sacerdotekunawan profetakunapas temploykipi wañuchisqa kanqaku?

Lamentaciones 4:10

Jerusalén llaqta tuñichisqa kasqan punchawpim, allin sonqoyuq warmikunapas, wawankuta yanuruspa mikurqaku.

Ezequiel 5:10

Chayraykum chawpikipiqa tayta-mamakunapas wawa-churinkuta mikunqaku, wawa-churinkunapas tayta-mamankutam mikunqaku. Ñoqam qamta juzgasqayki, hinaspam haykam puchuqkunatañataq tukuy hinastinman cheqerachisaq, nispa.

Levítico 26:29

Hinaptinmi churi-wawaykichikkunataña mikunkichik.