Jeremías 19:4 - CHUYA QELLQA La Biblia en Quechua de Ayacucho 2012

⁴ Qamkunaqa ñoqata saqeruwas-paykichikmi kay sitiotapas mana-ña asuykunaypaq hina ruwarunkichik, qamkunapapas, ñawpaq taytaykichik-kunapapas chaynataq Judá nacionpi reykunapapas mana reqsisqaykichik idolokunamanña inciensota kañaspaykichikmi, kay sitiopi inocente runakunata wañuchinkichik.

Quechua Ayacucho Bible 1987

⁴ Israel castakunaqa ñoqata saqeruwaspaykichikmi kay sitiotapas manaña asuykunaypaq hina rurarunkichik. Qamkunapapas abueloykichikkunapapas chaynataq Juda nacion reykunapapas mana reqsisqanku taytacha-mamachakunamanñam inciensota kañarqankichik. Kay sitiopiqa wañuchirqankichiktaqmi inocente runakunatapas.

Chuya Qellqa 1992

⁴ Qamkunaqa ñoqata saqeruwaspaykichikmi kay sitiotapas manaña asuykunaypaq hina ruwarunkichik, qamkunapapas, ñawpaq taytaykichikkunapapas chaynataq Judá nacionpi reykunapapas mana reqsisqaykichik idolokunamanña inciensota kañaspaykichikmi, kay sitiopi inocente runakunata wañuchinkichik.

Jeremías 19:4 Iomraidhean Croise

2~Reyes 21:16

Rey Manasesqa millakuypaq ruwasqankunawan Judá nacionta huchallichichkaspapas, mana huchayuq runa-kunata wañuchispanmi Jerusalén llaqtapi kuchun-kuchun yawarta chaqchurqa.

2~Reyes 23:10

Rey Josiasqa, Hinom qechwapi churinku kañananku Tofettapas milla-kuypaqtam ruwarurqa, chaynapi manaña pipas churinta Moloc idoloman kaña-nankupaq.

2~Reyes 24:4

chaynataq Jerusalén llaqtapipas mana huchayuq runakunapa yawarnin chaqchusqanmantam. Chayraykum Tayta Diosqa mana pampachayta munarqachu.

Isaías 59:7

Mana allin ruwaymanmi kallpankichik, mana huchayuqta wañuchiqmi kallpankichik; tukuy mana allin ruwaykunallapim yuyaymanankichik, maymanpas ñakarichiq hinaspa purmachiqllam rinkichik.

Isaías 65:11

Qamkunatam ichaqa, ñoqamanta karunchakurusqaykichikrayku, sapaqchasqay orqoyta qonqarusqaykichikrayku, “suerte qokuq”, nispa Gad idoloman, “allin destino qokuq”, nispa Meni sutiyuq idoloman, mikuytawan vinota qosqaykichikrayku,

Jeremías 1:16

Kay castigotam llaqtayman apamusaq mana allinkunata ruwaspa saqeruwasqankumanta, sapaq dioskunapaqña inciensota kañapusqankumanta, kikinkupa ruwasqankutaña hatunchasqankumanta.

Jeremías 11:13

Judá nacionpi yachaqkuna, haykam llaqtaykichikkuna kasqanman hinam idoloykichikkunapas achkallaña; haykam callekichikkunapas kasqanman hinataqmi, Baalman incienso kañanaykichik altarkunatapas achkallataña ruwakurunkichik.

Jeremías 15:6

Ñoqa Tayta Diostam saqeruwarqanki, ñoqatam qepanchakuruwarqanki; chayraykum contraykipi makiyta hoqarispay chinkarachisqayki, llakipayaytapas amiruykiñam.

Jeremías 16:11

Chaymi ñoqa Tayta Diospa nisqayta kaynata ninki: Ñawpaq taytaykichikkunam saqeruwaspanku idolokunataña qatirqaku, chaykunatam qayllanpi qonqoraspanku yupaycharqaku. Ñoqata saqeruwaspankum kamachikuyniykunatapas mana kasukurqakuchu.

Jeremías 17:13

Israelpa hapipakunan Dios Taytalláy, pipas qepanchakusuqnikiqa penqaypim tarikunqa. Qanmanta rakikuqkunaqa allpapi qellqasqa suti hinam chinkarunqa. Chaynaqa kanqaku, kallpaq mayu hina kachkaptiki qam Tayta Diosta saqerusqankuraykum.

Jeremías 17:20

Hinaspa llapa runakunata kaynata nimuy: Judá nacionpi reykuna, Judá nacionpi runakuna, Jerusalén llaqtapi yachaqkuna, kay punkunta yaykuqkuna, Tayta Diospa nisqanta uyariychik.

Jeremías 18:15

Runaykunam ichaqa ñoqata qonqaruwanku, idolokunamanña inciensota kañaspanku. Ñawpaq kawsayninkuman kutiruspam mitkarunku, mana purinanku ñankunapiñam purichkanku.

Jeremías 2:13

Llaqtaymi iskay mana allin huchata ruwarun: Kawsachiqninku yaku kachkaptiypas saqeruwankum kikinkuñam pozonkuta toqokurunku, yakuta mana takyachiq raqra pozokunatañam ruwakurunku.

Jeremías 2:17

Ñoqa Tayta Diosta saqeruwasqaykichikraykum, allin ñanninta pusamusuqnikichikta saqeruwasqaykichikraykum, kaykunaqa pasasurqankichik.

Jeremías 2:19

Millakuypaq kaqkuna ruwasqaykikunam castigasunki, mana kasukuynikikunam condenasunki; tantearispayá sumaqta yuyaymanariy, mayna sasam hinaspa mayna manchakuypaqmi yupaychasqayki Tayta Diosta saqeruwaspa mana kasukuyqa. Ñoqa Tayta Diosmi chaynata nini.

Jeremías 2:30

Yanqapaqmi miraynikichikkunatapas castigarqani, paykunaqa manam corregikuyta munarqakuchu. Imaynam león wañuchin runakunata, chaynam profetaykunata espadawan wañuchirqankichik.

Jeremías 2:34

Wakchakunapa, inocente runakunapa yawarninwanmi pachaykita qanracharunki, huchankuta mana tarichkaspam wañurachinki, chaywanpas ninkiraqmi:

Jeremías 22:17

Qanmi ichaqa mana allinkunata ruwaspa apuyaruyllapi richkanki; inocente runakunatam wañuchinki, llaqtaykitapas maqa-maqarispam llamkachikunki.

Jeremías 22:3

Tayta Diosmi kaynata nin: Runakunapaq allin arreglota ruwaychik, ñakariqkunata ñakarichiqninmanta libraychik; huklaw llaqtayuqkunatapas, mana tayta-mamayuqkunatapas, viudatapas ama ñakarichiychikchu nitaq uchuy-chaychikchu. Inocente runatapas aman wañuchiychikchu.

Jeremías 26:15

Ichaqa kaytayá yachaychik: Wañuchiwaspaykichikqa, llapallaykichikmi inocente runata wañuchisqaykichikmanta huchayuq kankichik. Cheqaptapunipas ñoqataqa Tayta Diosmi kachamuwarqa, uyarisqaykichik palabrakunata qamkunaman ninaypaq, nispa.

Jeremías 26:23

Paykunam Uriasta Egipto nacionmanta pusaramuspanku rey Joacinman qoykurqaku. Chaymi rey Joacim kamachikuptin espadawan wañurachispanku, wakchakunata pampananku uchkuman ayanta wischuykamurqaku, nispanku.

Jeremías 44:3

Chaynaqa, kachkanku mana allinkunata ruwasqankuraykum. Paykunam tukuy rikchaq idolokunata yupaychaspanku, inciensota kañapuspanku ñoqata piñachiwarqaku. Chay idolokunataqa manam paykunapas, qamkunapas nitaq ñawpaq taytaykichikkunapas reqsirqankichikchu.

Jeremías 5:6

Chayraykum paykunataqa leonkuna montemanta lloqsiramuspa wañurachinqa, chunniq atoqkunam tukuparunqa, tigrillokunam llaqtankumanta lloqsimuptinku tisaparunqa. Chaynataqa ruwanqa Tayta Diosta qepanchaspa llumpayta huchallikusqankuraykum.

Jeremías 7:6

huklaw llaqtayuqkunatapas, mana tayta-mamayuqkunatapas, viudakunatapas mana ñakarichiptikichikqa, inocente runakunata kay sitiopi mana wañuchiptikichikqa, idolokunata manaña yupaychaptikichikqa,

Jeremías 7:9

Suwakuchkaspa, runata wañuchichkaspa, waqllikuchkaspa, llullakuywan jurachkaspa, Baal idolokunapaq inciensota kañapuchkaspa, mana reqsisqaykichik dioskunata yupaychachkaspaqa,

Lamentaciones 4:13

Chaykunaqa pasakurqa profetakunapa huchanmantam, sacerdotekunapa mana allinkuna ruwasqanmantam, inocente runakunata llaqta ukupi wañuchisqankumantam.

Ezequiel 20:26

Llapa idolonkuman ofrendakunata apaspa chaynataq piwi churinkuta sacrificaspa qachachakunankutam saqeykurqani. Chaytaqa ruwarqani paykunaman manchakuy huntaykuptin ñoqa Tayta Dios kasqayta yachanankupaqmi.

Ezequiel 7:22

Kay llaqtata qepancharuptiymi temploytapas millakuypaqtaña ruwarunqaku. Salteaqkunam yaykuruspanku millakuypaqtaña ruwarunqaku.

Ezequiel 8:11

Chay-kunapa ñawpaqninpim Israelpa mirayninmanta qanchis chunka ancianokuna kachkasqaku, paykunawantaqmi Safanpa churin Jaazaniaspas kachkasqa; pay-kunaqa sapakamam incienso qontichinayuqkama kachkasqaku, hinaptinmi miskillaña asnariq inciensopa qosnin altoman hoqarikuchkasqa.

Daniel 11:31

Soldadonkunapas Diospa santuarionpim chaynataq amparakuna wasipim millakuypaq kaqkunata ruwanqaku, Diospaq sapa punchaw animalkuna wañuchinankutapas harkakunqakum, hinaspam chaypa rantinpi millakuypaq kaqtaña ofrecenqaku.

Lucas 11:50

Chayraykum kay miraykunamanta cuentata Dios mañanqa, kay pachapa qallariyninmantapuni llapa profetakunapa yawarnin chaqchusqankumanta,

Deuteronomio 13:6

Sichum wawqekipas, qari churikipas, warmi churikipas, kuyay yanaykipas, llumpay kuyanakusqayki amistadnikipas, pakasqallapi nisunkiman idolonkunata ñawpaq taytaykikunapa mana servisqankunata yupaychanaykipaq, hinaptinqa amam kasunkichu, nitaqmi uyarinkichu. Chay idolokuna muyuriqnikipi kaq runakunapa diosnin kaptinpas otaq huklaw runakunapa diosnin kaptinpas amam kasunkichu nitaq uyarinkichu. Chay hikutasuqniki runataqa amam llakipayankichu, wañuchinankumantapas amam harkakunkichu nitaqmi pakankichikchu.

Deuteronomio 28:20

Tayta Diosmi ima ruwasqaykichikpipas ñakasunkichik, muspachisunkichik hinaspa llakichisunkichik. Mana allinkunata ruwanaykichikpaq paymanta rakikusqaykichikraykum manapas unaypi pasaypaqta chinkarachisunkichik.

Deuteronomio 28:36

Qampapas chaynataq ñawpaq taytaykikunapapas mana reqsisqan nacionmanmi, qamta chaynataq reynikitapas Tayta Dios pusachisunki. Chaypim kullumanta chaynataq rumimanta ruwasqa sapaq dioskunataña yupaychanki.

Deuteronomio 28:64

Tayta Diosmi llapallan nacionkunaman, kay pachapa patanmanta huknin patankama cheqechisunkichik. Chaypim qamkunapa chaynataq ñawpaq taytaykikunapa mana reqsisqan kullumanta hinaspa rumimanta ruwasqa idolokunataña servinkichik.

Apocalipsis 16:6

Chay juzgasqayki runakunaqa qamllapaqña kawsaqkunatam wañuchirqaku, profetaykikunapa yawarnintam chaqchurqaku, chayna ruwasqankumantam paykunamanpas yawarta upyarachinki, paykunaqa chaytam munarqaku”, nispa.

Jueces 5:8

Mana reqsisqanku dioskunatam akllakuykurqaku, guerrañataqmi llaqtakunapa punkunpiña kachkarqa, tawa chunka waranqa Israel miraykunapiqa manam chulla lanzallapas rikukurqachu, manataqmi huk escudollapas karqachu.