Jeremías 19:13 - CHUYA QELLQA La Biblia en Quechua de Ayacucho 2012

¹³ Jerusalén llaqtapi wasikunawan Judá nacionpi reykunapa palacionkunapas, Tofet qechwa hina millakuypaqñam kanqa. Chay wasikunapa altosninpim chaskakunaman inciensota kañapurqaku, chaypim llapa idolokunamanpas vino ofrendata tallipurqaku, nispa.

Quechua Ayacucho Bible 1987

¹³ Mana asuykunay Tofet Wayqo hinañam kanqa Jerusalen llaqtapi wasikunaqa chaynataq Juda nacion reykunapa wasinkunapas. Chay wasikunapa altosninpimá inciensota kañapurqaku llapallan lucerokunapaq, chaypitaqmi vino ofrendatapas hichapurqaku wakin taytacha-mamachakunapaqpas” nispa.

Chuya Qellqa 1992

¹³ Jerusalén llaqtapi wasikunawan Judá nacionpi reykunapa palacionkunapas, Tofet qechwa hina millakuypaqñam kanqa. Chay wasikunapa altosninpim chaskakunaman inciensota kañapurqaku, chaypim llapa idolokunamanpas vino ofrendata tallipurqaku, nispa.

Jeremías 19:13 Iomraidhean Croise

2~Reyes 17:16

Señorninku Tayta Diospa llapallan kamachisqankunata saqeruspankum, metalta chulluchispa iskay torokunata ruwakururqaku, ruwakururqakutaqmi Asera idolotapas. Cielopi llapa chaskakunatawan Baal idolokunatañam yupaycharqaku.

2~Reyes 23:10

Rey Josiasqa, Hinom qechwapi churinku kañananku Tofettapas milla-kuypaqtam ruwarurqa, chaynapi manaña pipas churinta Moloc idoloman kaña-nankupaq.

2~Reyes 23:12

Tuñirachirqam Acazpa wasinpa qatanpi kaq altarkunatapas, chaykunataqa Judá nacionpa reyninkunam hatarichirqa. Tuñichirqataqmi Tayta Diospa templopa iskaynin pationkunapi rey Manasespa hatarichisqan altarkunatapas. Ñutuparuspanmi allpantapas Cedrón wayqoman wischuramurqa.

2~Reyes 23:14

Ñutuparurqataqmi rumimanta ruwasqa idolokunatapas, Asera idolokunatapas, chaykunata hur-qosqanku sitiokunamanpas runakunapa tullunkunawanmi huntarachirqa.

Isaías 22:1

Revelación chaskina qechwapa contranpim Isaías kaynata nirqa: ¿Imanarusunkichiktaq, imaynanpitaq wasi hawanman lliw qespirunkichik?

Jeremías 19:12

Chaynatam kay llaqtatawan runankunata ruwasaq. Tofet qechwata hinam kay llaqtata saqesaq. Ñoqa Tayta Diosmi chaynata nini.

Jeremías 32:29

Caldea runakunam yaykuramuspanku kay llaqtata kañaykunqaku. Kañaykun-qakum Baal idolokunaman incien-sota kañananku chaynataq wakin idolokunaman vino tallinanku altosniyuq wasikunatapas, chaykunatam ruwarqaku ñoqata piñachiwanankupaq.

Jeremías 44:18

Cielopi reinaman inciensotawan vinota manaña ofreceptiykuqa tukuy imam pisiwanku, ñoqaykupas guerrawan hinaspa yarqaywanmi wañuchkaniku, nispanku.

Jeremías 52:13

Paymi kañaykurqa Tayta Diospa templonta, reypa palacionta, Jerusalén llaqtapi llapa wasikunata hinaspa kamachikuqkunapa llapallan wasinkunatapas.

Jeremías 7:18

Warmakunam yantata pallamunku, taytankum ninata ratachinku, warmikunam masata chapunku, cielopi Reina nisqankupaqmi tortakunata ruwapunku, idolokunapaqmi vinota tallipunku. Chaykunata ruwaspankum ñoqata piñachiwanku.

Jeremías 8:2

Chay tullukunam intiman, kullaman, chaynataq chaskakunamanpas machqepasqa kanqa; chaykunatam paykuna kuyarqaku, servirqaku, qatirqaku, tapukurqaku hinaspa hatuncharqaku. Chay tullukunataqa manam pipas huñunqachu nitaq pampanqachu, wanu hinañam allpa hawanpi qepanqa.

Ezequiel 20:28

Paykunaqa juramentowan prometesqay allpaman yaykuruspankupas, alto moqokunata hinaspa rapisapa sachakunata qawaykuspankum animalkunata kañaspa piñachiwarqaku, chaykunapim inciensota kañaspanku vinotapas tallirqaku.

Sofonías 1:5

Wasi hawanman seqaspa chaskakunata yupaychaqkunatam pasaypaqta chinkachisaq. Sutiypi juraspa Milcom sutiyuq idolopa sutinpi juraspa qonqoraqkunatam tukusaq.

Hechos 10:9

Paqarinnintin punchaw, Corneliopa runankuna Jope llaqtaman yaqaña chayachkaptinkum, Pedroñataq yaqa chawpi punchawta wasipa altonman qespirqa Diosta chaypi mañakunanpaq.

Hechos 7:42

Chaynapim Diospas paykunata qepanchakuruspa chaskakunataña yupaychanankupaq saqerurqa, profetapa qellqasqan libropim kaynata nichkan: “Yaw, Israelpa mirayninkuna, ¿yaqachu chunniqpi tawa chunka wata purispaykichik animalkunatawan sacrificiokunata ofrecewarqankichik?

Deuteronomio 4:19

Yanqañataq cielopi intita, killata, chaskakunata hinaspa cielopi tukuy ima kaqkunata qawaspaykichik yupaychawaqchik. Tukuy chaykunataqa Señornikichik Tayta Diosmi kay pachapi llapa runakunapaq churarqa.