Jeremías 18:8 - CHUYA QELLQA La Biblia en Quechua de Ayacucho 2012

⁸ Chaywanpas sichum chay nacionkuna mana allinkuna ruwasqankumanta wanakuptinkuqa, chay tanteasqay castigotaqa manañam chayachisaqñachu.

Quechua Ayacucho Bible 1987

⁸ Chaywanpas sichu chay anyasqay nacionpi runakuna mana allinkuna rurasqankumanta wanakuptinkuqa, chay castiganaypaq tanteasqay castigotam manaña kachamusaqchu.

Chuya Qellqa 1992

⁸ Chaywanpas sichum chay nacionkuna mana allinkuna ruwasqankumanta wanakuptinkuqa, chay tanteasqay castigotaqa manañam chayachisaqñachu.

Jeremías 18:8 Iomraidhean Croise

2~Crónicas 12:6

Hinaptinmi rey Roboamwan Israelpi kamachikuqkuna uchuychakuspanku nirqaku: Allinpunim Tayta Diospa kay ruwasqanqa, nispanku.

Éxodo 32:12

Egipto runakunachá ninmanku: “Orqopi wañurachinanpaqmi hinaspa kay pachamanta chinkarachinanpaqmi mana allinta tanteaykuspa hurqorun”, nispanku. Taytáy, piñakuynikitayá taniykachiy, runaykikunataqa ama castigaychu.

Éxodo 32:14

Chaymi Tayta Diosqa mana allin ruwananpaq piensasqanta manaña ruwarqachu.

Jeremías 12:16

Paykunam llaqtayta yachachirqaku Baal idolorayku juranankupaq. Sichum runaykuna hinaña kawsayta yachaspanku ñoqa Tayta Diospa sutiypi juraspa ninqaku: “Kawsaq Diosraykum jurani” nispanku, hinaspaqa runaykuna ukupim yachanqaku.

Jeremías 15:6

Ñoqa Tayta Diostam saqeruwarqanki, ñoqatam qepanchakuruwarqanki; chayraykum contraykipi makiyta hoqarispay chinkarachisqayki, llakipayaytapas amiruykiñam.

Jeremías 26:13

Mana allin kawsaynikichiktawan mana allinkuna ruwasqaykichikta saqespa yupaychasqaykichik Tayta Diospa nisqanta kasukuptikichikqa, paypas manañam contraykichikpi rimasqankunata kacharimunqañachu.

Jeremías 26:19

¿Yaqachu rey Ezequiaswan Judá nacionpi runakuna Miqueasta wañu-chirqaku? Manam, aswanqa kikin reypas Tayta Diosta manchakuspam paykunamanta llakipayarinanpaq mañakurqa, chaymi Tayta Diospas rimasqan castigokunata manaña kacharimurqachu. ¿Chaychu ñoqanchikñataq kay hatu-hatun huchata qepikuruchwan?

Jeremías 26:3

Icharaqpas uyarikuspanku mana allin kawsayninkumanta sapakama wanakunmanku, chayna kaptinqa mana allin ruwasqankumantam ñoqapas manaña castigasaqchu.

Jeremías 36:3

Icharaqpas Judapa mirayninkunaqa tukuy ima castigokuna kachariy munasqayta uyarispanku mana allin kawsayninkumanta wanakunmanku, hinaptinqa mana allinkuna ruwasqankutawan huchankutam pampachaykusaq, nispa.

Jeremías 42:10

“Kay allpamanta mana lloqsiptikichikqa wasita hina hatarichispaymi mana tuñichisqaykichikchu, plantata hina plantaspaymi mana pelasqaykichikchu. Contraykichikpi castigokuna kachamusqaymantam llakisqa kachkani.

Ezequiel 18:21

Sichum mana allin ruwaq runa huchankunamanta wanakuspa decretoykunata kasukuspan allin arregloman hina imatapas ruwanqa, hinaspaqa cheqaptapunim kawsakunqa, manam wañunqachu.

Ezequiel 33:11

Pay-kunaman ñoqa Tayta Diospa nisqayta kaynata niy: Ñoqa Tayta Diosmi sutiyrayku kaynata nikichik: Mana allin ruwaq runapa wañunantaqa manam munanichu, aswanqa mana allin ruwasqanmanta wanakuspa kawsakunantam munani. Chaynaqa, Israel miraykuna, ¡mana allin kawsasqaykichikmanta wanakuspa kutirikamuwaychik! ¿Imanasqataq huchaykichikpi wañunkichik? nispa.

Ezequiel 33:12

Runapa churin, llaqtamasikikunaman kaynata niy: Sichum allin ruwaq runa huchaman wichiykuptinqa, ñawpaqta allin kaqkuna ruwasqankunapas manam salvanqachu. Sichum huchasapa runa huchanmanta wanakuruspanqa, ñawpaqta mana allinkuna ruwasqanmantaqa manam wañunqachu. Allin ruwaq runa huchallikuruptinqa, ñawpaqta allinkuna ruwasqanpas manam salvanqachu.

Ezequiel 33:13

Sichum allin ruwaq runata nisaq: “Kawsankipunim” nispay, hinaptin payñataq allin ruwasqanpi hapipakuspan mana allin ruwaytaña qallaykunqa, hinaptinqa allin ruwasqankunapas qonqasqam kanqa, huchallikusqanraykum wañunqa.

Ezequiel 33:14

Sichum mana allin ruwaq runata nisaq: “Wañunkipunim” nispay, hinaptin payñataq huchanmanta wanakuspan allin arregloman hina allintaña ruwaspan,

Oseas 11:8

¿Efraín llaqtalláy, imaynataq saqeruykiman? ¿Israel llaqtalláy, imaynataq qoykuykiman? ¿Imaynataq Adma llaqtata hinaqa qoykuykiman? ¿Imaynataq Zeboim llaqtata hinaqa saqeruykiman? sonqoymi qamkunamanta llumpayta llakikun, chayraykum munaspaypas mana atinichu.

Amós 5:15

Mana allin kaqta cheqnispayá allin kaqta kuyaychik, juzgaspapas cheqap kaqwanyá juzgaychik; chaynapiqa ichapas Tukuy Atiyniyuq Tayta Dios Joseypa mirayninmanta puchuqkunata llakipayarinmanraq.

Jonás 4:2

Chayraykum Tayta Diosta mañakuspan nirqa: Dios Taytalláy, kayna kanantaqa llaqtaypi kachkaspallayraqmi nirqaniña. Chayraykum manaraq kaykuna pasakuchkaptin Tarsis lawman ayqekuchkarqani. Ñoqaqa yachanim llakipayakuq hinaspa kuyapayakuq Dios kasqaykita. Qamqa mana chaylla piñakuruq kaspaykim hatun kuyapayakuynikipi ima castigo ruwanaykitapas manaña ruwankichu.

Deuteronomio 32:36

Tayta Diosmi llaqtanta mana kallpayuqta rikuspan nanachikunqa, manaña pipas kallpayuq qepasqanta rikuspanmi serviqninkunata llakipayarinqa.

Jueces 2:18

Hinaptinmi kamachiqkunata Tayta Dios hatarichispan yanaparqa. Chay kamachiq kawsanankamaqa paykunatam enemigonkunamanta librarqa. Tayta Diosmi paykunata ñakariypi hinaspa llakikuypi kaspa waqasqankuta uyarispa llakipayarqa.