Jeremías 18:21 - CHUYA QELLQA La Biblia en Quechua de Ayacucho 2012

²¹ Chaynaqa, churinkunatayá yarqaymanta wañuchiy, espadawanyá paykunata wañuchiy; warminkupas viudayaspa manaña wawayuq qepachun. Qosankutapas peste onqoy wañuchichun, jovenkunapas guerrapi wañuchunku.

Quechua Ayacucho Bible 1987

²¹ Chaynaqa churinkunatayá yarqaymanta wañuchiy. Chaynaqa espadawanyá paykunata wañuchiy. Warminkutapas manaña wawayoqtayá ruray. Paykunataqa manaña qosayoqtyá ruray. Qarikunapas peste onqoywanyá wañuchunku. Mozokunapas guerrapi peleaspayá wañuchunku.

Chuya Qellqa 1992

²¹ Chaynaqa, churinkunatayá yarqaymanta wañuchiy, espadawanyá paykunata wañuchiy; warminkupas viudayaspa manaña wawayuq qepachun. Qosankutapas peste onqoy wañuchichun, jovenkunapas guerrapi wañuchunku.

Jeremías 18:21 Iomraidhean Croise

2~Crónicas 36:17

Paykunapa contranpim Caldea nacionpa reyninta Tayta Dios kachamurqa, hinaptinmi jovenkunata espadawan templo ukupi wañurachirqa, sipaskunatawan yuyaqkunata hinaspa eqoyasqakunatapas manam llakipayarqachu. Llapallankutam paypa makinman Tayta Dios churaykurqa.

Éxodo 22:24

Chaynata ruwaptikichikqa sinchita piñakuspaymi guerrawan wañuchisqaykichik, warmikichikñataqmi viuda kanqa, churikichikkunapas mana taytayuqmi qepanqaku.

Isaías 13:18

Jovenkunatapas flechawanmi wañuchinqaku, llullu wawakunatapas manam kuyapayanqakuchu, warmakunatapas manam llakipayanqakuchu.

Isaías 9:16

Kayna kamachikuqkunam llaqtata pantarachin, kamachisqan runakunañataqmi pantaypi rikurirun.

Isaías 9:17

Chaymi Señorqa mana llakipayanqachu jovenkunatapas, viudakunatapas, mana tayta-mamayuqkunatapas, llapallanku millakuypaq llullallaña kasqankurayku, chaynataq yanqakunata rimaq kasqankurayku. Chaywanpas Tayta Diosqa, hinallam piñasqa kachkan atiyninwan castigananpaq.

Jeremías 12:3

Dios Taytalláy, qanmi reqsiwanki, qawawaspaykim qanman imayna sonqoyuq kasqayta yachawanki. Chay runakunatayá nakanapaq ovejakunata hina aparuy, nakasqa kananku punchawpaq sapaqcharuy.

Jeremías 14:16

Chay profetakunapa willakusqankuta uyariqkunapas, war-minkuwan llapa churinkuwan kuskam guerrapiwan yarqaypi wañunqaku. Ayankunapas Jerusalén llaqtapa callenkunapim wischurayanqa, manam pipas pampanqachu. Chaynatam mana allin ruwasqankumanta pagapusaq.

Jeremías 15:7

Horquetawan wayrachichkaq hinam kay pachapa patankunakama wikaparqaykichik, mana churiyuqtañam saqerurqaykichik, ichaqa mana allin ruwaynikichikmanta mana wanakusqaykichikraykum chinkarachisqaykichik.

Jeremías 15:8

Lamar qochapi aqomantapas masraqmi viudakunapas kanqa, chawpi punchawtam mamanmanwan wawankunamanpas wañuchiqta kachamusaq, qonqaymantam paykunaman ñakariytawan manchakuyta kacharimusaq.

Jeremías 50:30

Chayraykum jovenninkunapas plazankunapi wañuchisqa kanqaku, chay punchawpim allinnin qari-qari soldadonkunapas wañunqaku. Ñoqa Tayta Diosmi chaynata nini.

Jeremías 9:21

Wañuymi wasinchikman yaykuramun, wañuymi palacionchikkunaman chayaramun; warmakunatam callekunapi wañuchichkan, jovenkunatam plazakunapi wañuchichkan.

Lamentaciones 1:15

Señormi wischururqa qari-qari soldadoykunata, akllasqa jovenniykunata tukurunanpaqmi tropakunata contraypi huñuramurqa, Señorqa uchkupi uvasta saruchkaq hinam Judá nacionpi sipaskunatapas saruparurqa.

Lamentaciones 5:3

Mana taytayuqñam rikuriruniku, mamaykupas warmisapañam rikurirun.

Ezequiel 16:38

Qosayuq kachkaspa pierdekuq warmita hinam chaynataq runa wañuchiqta hinam juzgasqayki, hinaspaymi sinchi piñakuyniypi chaynataq celoso kayniypi wañuyman qoykusqayki.

Ezequiel 22:25

Profetaykikunapas yarqasqa leonkuna hinañam qaparillawanña runata hapiruspa wañurachinku. Llaqtankupim runa-kunata wañuchispa qori-qollqenkutawan tukuy imankuta suwaruspa viudakunallataña saqerunku.

Amós 4:10

Egipto nacionta castigasqayta hinam qamkunatapas castigarqaykichik, jovennikichikkunatapas espadawanmi wañuchirqani, caballoykichikkunatapas enemigoykikunam apakurqaku, wañuqkunapa asnaynintam muskirqankichik, chaywanpas manam ñoqaman kutirikamurqankichikchu. Tayta Diosmi chaynata nin.

Deuteronomio 32:25

Callekunapim churinkupas espadapi wañunqaku, wasinku ukupiñataqmi mancharisqallaña kanqaku; jovenkunawan sipaskunapas, ñuñuq wawakunawan yuyaqkunapas wañunqakum.

2~Timoteo 4:14

Herrero Alejandrom tukuy mana allinkunata ruwawarqa, Señorninchikmi kutichipunqa imam ruwasqanman hina.

1~Samuel 15:33

Samuelmi ichaqa nirqa: Espadaykiwanmi achkallaña warmikunapa wawanta wañuchirqanki, chaynapunim mamaykipas manaña wawayuq kanqa. Chaynata nispanmi Agagta Samuel wañurachirqa Gilgal llaqtapi, Tayta Diospa ñawpaqninpim chika-chikanta kuchuparurqa.