Jeremías 18:20 - CHUYA QELLQA La Biblia en Quechua de Ayacucho 2012

²⁰ ¿Paykunapaq allin ruwasqaymantachu mana allinwan pagawanqaku? Sepulturaytapas toqorunkuñam, paykunapa allinninpaq rimasqaytayá yuyariy, paykunamanta piñakuynikita suchuchinaykipaq mañakusqaytayá yuyariy.

Quechua Ayacucho Bible 1987

²⁰ ¿Paykunapaq rurasqaymantachu, allinnninkupaq rurasqaymantachu mana allinwan pagawanqaku? ¿Manachum sepulturaytaraq toqochkanku? Yuyariyá qayllaykipi favorninkupi rimasqayta. Yuyariyá piñakuynikita amachanaypaq mañakusqayta.

Chuya Qellqa 1992

²⁰ ¿Paykunapaq allin ruwasqaymantachu mana allinwan pagawanqaku? Sepulturaytapas toqorunkuñam, paykunapa allinninpaq rimasqaytayá yuyariy, paykunamanta piñakuynikita suchuchinaykipaq mañakusqaytayá yuyariy.

Jeremías 18:20 Iomraidhean Croise

Jobwan Sutichasqa Libro 6:27

Qamkunaqa mana tayta-mamayuqtapas qarqoruwaqchikmi, qamkunaqa amigoykichiktapas rantikuruwaqchikmi.

Proverbios 17:13

Allin ruwaqninta mana allinwan kutichipuqpa wasinmantaqa, sasachakuypas manam asurinqachu.

Proverbios 26:27

Pipas trampata uchkuqqa kikillanmi chayman wichiykunqa, rumita kuchpaykuq runataqa kuchpasqan rumillam hawanta pasarunqa.

Eclesiastés 10:8

Pipas uchkuta ruwaqqa chay uchkumanmi wichiykunqa, pipas perqa taqmaqqa maqta uruwanmi kachurachikunqa.

Jeremías 11:14

Chaynaqa, Jeremías, amaña kay runakunarayku mañakuwaychu, nitaq qayakamuwaychu. Sasachakuypi kaspanku mañakuwaptinkupas manam uyarisaqchu.

Jeremías 14:20

Dios Taytallayku, mana allinkuna ruwasqaykutam reqsikuniku, taytaykupa mana allinkuna ruwasqankutam reqsikuniku; qampa contraykipim huchallikuruniku.

Jeremías 15:1

Tayta Diosmi kaynata niwarqa: Moiseswan Samuelña ñawpaqniyman hamuptinkupas, manam kay runakunataqa llakipayarisaqchu. ¡Kaymanta qarqoy, qayllaymanta lloqsichunku!

Jeremías 17:18

Qatikachawaqniykuna penqaypi tarikuchunku, amayá ñoqachu; paykunayá manchakuypiqa kachunku, amayá ñoqachu; sasachakuy punchaw paykunaman chayachun paykunatayá pasaypaqta chinkarachiy.

Jeremías 18:19

¡Dios Taytalláy, qawariykamullaway! Cheqniwaqniykunapa imam rimanakusqanta uyariy.

Jeremías 18:22

Suwakunata qonqaymanta paykunaman kachaykuy, wasinkupipas manchakuymanta qaparichunku. Paykunaqa wichichiwanankupaqmi uchkuta toqorurqaku, purinaymanmi trampata churarurqaku.

Jeremías 27:18

Sichum cheqap profetakuna kaspankuqa chaynataq palabraypas paykunapi kaptinqa, ñoqa Tukuy Atiyniyuq Tayta Diosta mañakuwachunku, chaynapi temploypi puchuq serviciokunatapas, Judá nacionpi reypa wasinpi hinaspa Jerusalenpi puchuq serviciokunatapas Babilonia nacionman ama apanankupaq.

Jeremías 5:26

Llaqtay ukupim mana allin runakuna kachkan, urpikunata hapiq hinaraqmi runamasinta wateqachkanku, runamasinta hapirunanpaqmi toqllata churachkanku.

Jeremías 7:16

Yaw, Jeremías, amañayá kay runakunapaqqa mañakuwayñachu nitaq qaparispa qayakamuwayñachu amaña ruegawaychu. Manam uyarisqaykichu.

Lamentaciones 3:59

Dios Taytalláy, ñakarisqaytam rikurqanki, yanapaykuwaspayki allin arreglota ruwaykullaway.

Juan 10:32

Jesusñataqmi nirqa: Achkatam ruwarqani allin ruwaykunata Taytaypa atiy qowasqanwan, chaynaqa, ¿mayqanninmantataq rumiwan chamqawayta munankichik? nispa.

Juan 15:25

Kaykunaqa pasakuchkan leypa “yanqamantam cheqniwarqaku” nisqan cumplikunanpaqmi.

1~Samuel 19:4

Chaynapim Davidpa allinninpi rimaspan Jonatán taytanta nirqa: Reynilláy, amayá ima mana allintapas serviqniki Davidpa contranpiqa ruwaychu. Payqa manam ima mana allintapas ruwasurqankichu aswanqa allinllatam.