Jeremías 18:18 - CHUYA QELLQA La Biblia en Quechua de Ayacucho 2012

¹⁸ Chay runakunam ninakurqaku: Hamuychik, Jeremiaspa contranpi tanteanakusun. Yachachiqninchik sacer-dotekunapas, yachayniyuq consejaqninchikkunapas, Tayta Diospa nisqanta willawaqninchik profetakunapas, manam faltanqachu. Tumpaykusunchik wañurachinankupaq, ima rimasqantapas ama kasusunchikchu, nispanku.

Quechua Ayacucho Bible 1987

¹⁸ Chay runakunam ninakurqaku: —Hakuchikyá Jeremiaspa contranpi tanteanakamunanchikpaq. Manam faltanqachu Diosmanta yachachiqninchik sacerdotekunaqa nitaq consejaqninchik yachayniyoq runakunapas nitaq Diosmanta willaqkunapa palabrankunapas. Acusamuspayá ima rimasqantapas ama kasusunchikchu —nispa.

Chuya Qellqa 1992

¹⁸ Chay runakunam ninakurqaku: Hamuychik, Jeremiaspa contranpi tanteanakusun. Yachachiqninchik sacerdotekunapas, yachayniyuq consejaqninchikkunapas, Tayta Diospa nisqanta willawaqninchik profetakunapas, manam faltanqachu. Tumpaykusunchik wañurachinankupaq, ima rimasqantapas ama kasusunchikchu, nispanku.

Jeremías 18:18 Iomraidhean Croise

2~Samuel 15:31

Davidmanmi willaykurqaku: “Ahitofelpas Absalonwan kuskam contraykipi hatarirun”, nispanku. Hinaptinmi David nirqa: Diosnilláy, Ahitofelpa tanteasqankunatayá pantarachiy, nispa.

2~Samuel 17:14

Chaymi Absalonwan lliw Israel runakuna nirqaku: Ahitofelpa consejasqanmantapas aswan allinqa Arqui casta Husaipa consejasqanmi, nispanku. Tayta Diosmi chayta ruwarqa Ahitofelpa consejasqan allin kachkaptinpas yanqachasqa kananpaq, chaynapi Absalonman desgracia chayananpaq.

1~Reyes 22:24

Hinaptinmi Quenaanapa churin Sedequías asuykuspan Micaiasta uyanpi takaruspan, nirqa: ¿Maynintataq ñoqamanta Tayta Diospa Espiritun lloqsirurqa qamta rimapayasunaykipaq? nispa.

2~Crónicas 24:21

Ichaqa llapa runakunam Zacariaspa contranpi hatarirurqaku, hinaspankum reypa kamachisqanman hina rumiwan chamqaspa Tayta Diospa templonpa pationpi wañurachirqaku.

Jobwan Sutichasqa Libro 5:13

yachaysapa tukuqkunatam kikinkupa sakri kayllankupi wichirachin, mana allinkuna ruway munasqankutam yanqachan.

Proverbios 18:21

Wañuypas kawsaypas runapa rimayninpim tarikun, chayta kuyaqqa ruruntam mikunqa.

Isaías 32:7

Millay runaqa mana allinkunallatam ruwan, payqa mana allinkunallatam tantean, chaykunawanmi wakchakunata astawan tuñichin; mana piniyuq runapa allin arreglo mañakusqantam llullakunawan hukmanyachin.

Jeremías 1:19

Contraykipi peleaspankupas manam vencesunkichu, ñoqam qanwan kachkani libranaypaq, ñoqa Tayta Diosmi chaynata niki, nispa.

Jeremías 11:19

Nakanankupaq pusasqanku manso carnero hinam ñoqaqa karqani. Manam yachakurqanichu contraypi kayna rimanakusqankutaqa: Ruruchkaq sachata hinayá kuchurusunchik, kay pachapi kaqkunamantayá chinkarachisunchik, paymanta manaña pipas yuyarinankupaq, nispa.

Jeremías 18:11

Chaynaqa, Judá runakunatawan Jerusalenpi yachaqkunata kaynata nimuy: Ñoqa Tayta Diosmi qamkunata castiganaypaq tanteachkani. Chaynaqa, mana allin kawsasqaykichikmanta wanakuspa vidaykichiktawan ruwaynikichikta allichaychik, nispa.

Jeremías 18:19

¡Dios Taytalláy, qawariykamullaway! Cheqniwaqniykunapa imam rimanakusqanta uyariy.

Jeremías 2:8

Sacerdotekunapas manam tapukurqakuchu: ¿Maytaq Tayta Diosqa? nispallapas. Kamachikuyniykunata yachachiqkunapas, manam reqsiwarqakuchu; kamachiqninkunapas contraypim hatarirqaku, profetakunapas Baal idolopa sutinpim profetizarqaku, hinaspam millakuypaq idolokunaman qokururqaku.

Jeremías 20:10

Llapa runakunapa rimakachasqankutam uyarichkani, paykunam nichkanku: Tukuy hinastinpim manchakuyllaña kachkan, hakuchik denunciamusunchik, nispam rimanakuchkanku. Llapa amistadniykunam imamanpas wichiykunayta suyachkanku, ichapas engañarachikunman venceruspa paymanta vengakurunanchikpaq, nispam nichkanku.

Jeremías 26:11

Chaymi sacerdotekunawan profetakuna, chay kamachikuqkunaman hinaspa lliw runakunaman nirqaku: Uyarisqaykichikpi hinapas, kay runaqa kay llaqtapa contranpim rimarun, chayraykum wañunanpaq sentenciasqa kanan, nispanku.

Jeremías 37:13

Ichaqa Benjamín sutiyuq punkuman Jeremías chayaruptinmi, Hananiaspa willkan otaq Selemiaspa churin Irías presocharuspan nirqa: Qamqa Caldea runakunaman hukllawakuqmi richkanki, nispa.

Jeremías 43:2

Osaiaspa churin Azariaswan, Careapa churin Johanán hinaspa wakin hatun tukuq runakuna, Jeremiasta nirqaku: Chay niwasqaykikuqa llullam, yupay-chasqanchik Tayta Diosqa manam nisunkimanchu karqa: “Egipto nacionmanqa ama riychikchu”, nispaqa.

Jeremías 44:16

Tayta Diospa sutinpi willawasqaykiku palabrakunataqa manam kasukusaqkuchu.

Jeremías 44:17

Aswanqa munasqaykuman hinam ruwasaqku. Ñoqaykuqa hinallam cielopi reinaman inciensota kañaspa vinota tallipusaqku. Kunankama ruwasqaykuta hinallam ruwasaqku. Ñoqaykuqa ñawpaq taytaykupa, reyniykupa chaynataq kamachiqniykupa, Judá nacionpi kaq llaqtankunapi chaynataq Jerusalén llaqtapa plazankunapi ruwasqaykuta hinam ruwasaqku. Chaynata ruwaptiykuqa mikunaykupas achkallañam karqa, hawkam kawsakurqanikupas, manataqmi ima sasachakuypas hamuwarqakuchu.

Jeremías 8:8

¿Imanasqataq ninkichik: Yachaysapam kaniku, Tayta Diospa yachachikuynintam hatalliniku, nispaqa? Qellqaqkunapas llullakunatam qellqachkanku, llullakuspankum yachachikuyniykunata qellqachkanku.

Lamentaciones 3:62

Ñataq-ñataq contraypi rimasqankutam uyarirqanki, enemigoykuna contraypi kasqantam qawarqanki.

Ezequiel 7:26

Paykunamanqa sasachakuymi manaña tukuyta chayamunqa, mana allin willakuykunam ñataq-ñataq chayamunqa. Yanqapaqmi profetatapas maskanqaku Diospa kaqta imallatapas willananpaq, yachachikuq sacerdotekunapas manañam kanqachu, allin consejakuq ancianokunapas manañam kanqachu.

Levítico 10:11

nitaqmi yachawaqchikchu Israelpa mirayninkunaman Moiseswan ñoqa Tayta Diospa willachisqay llapallan kamachikuykunatapas, nispa.

Miqueas 3:6

Chayraykum profeciapas mana kanqañachu, revelación chaskiypas tukurunqañam. Paykunamantaqa intipas pakakunqam, paykunapaqqa punchawpas kanqa tutayaymi.

Miqueas 3:7

Profetakunapas penqaypim tarikunqaku, adivinaqkunapas muspaypi hinañam rimanqaku. Tayta Diosmanta mana imatapas chaskisqankuraykum siminkutapas wichqarunqaku.

Malaquías 2:7

Sacerdotekunapa ruwayninqa ñoqa Diosta reqsiwanankupaq runakunata yachachiymi, chayraykum runakunapas paykunamanta yachachikuyta chaskinanku, paykuna ñoqa Diosmanta willakuqkuna kasqankurayku.

Lucas 11:45

Hinaptinmi Diospa leynin yacha-chiqkunamanta hukkaqnin nirqa: Yachachikuq, chaynata rimaspaykiqa ñoqaykutapas insultawachkankikum, nispa.

Juan 9:40

Chaymi paywan kaq fariseokunañataq chay nisqanta uyariruspanku nirqaku: ¿Chaynaqa, ñoqaykupas ñawsachu kaniku? nispanku.