Jeremías 18:16 - CHUYA QELLQA La Biblia en Quechua de Ayacucho 2012

¹⁶ Chaynapim allpankutapas chunnirachinku, runakunapa asipayanantañam ruwarunku. Chayninta puriqkunapas admirakuspam umankutaraq aywinqaku.

Quechua Ayacucho Bible 1987

¹⁶ Chayraykum allpankupas chunniq allpaña kanqa. Chayraykum allpankupas tukuy tiempo asipayanaña kanqa. Chayninta puriqkunam admirakunqaku. Umankutaraqmi kusikuymanta kuyuchinqaku.

Chuya Qellqa 1992

¹⁶ Chaynapim allpankutapas chunnirachinku, runakunapa asipayanantañam ruwarunku. Chayninta puriqkunapas admirakuspam umankutaraq aywinqaku.

Jeremías 18:16 Iomraidhean Croise

1~Reyes 9:8

Kay suma-sumaq templotapas purmasqataña qaway-kuspankum, haykam kayninta pasaqkuna burlakuspa admirasqallaña ninqaku: ¿Imanasqataq kay naciontawan kay templotaqa Tayta Dios kaynata ruwarun? nispanku.

2~Crónicas 29:8

Chayraykum Tayta Diospa piñakuynin Judá nacionpaq hinaspa Jerusalén llaqtapaq hamurqa, chaymi paykunataqa hatun sasachakuyman churaspan runakunapa asipayanantaña ruwarurqa, chaytaqa qamkunapas ñawikichikwanmi rikurqankichik.

Isaías 37:22

Chaynaqa, ñoqa Tayta Diosmi kaynata nini: Yaw, rey Senaquerib, Sión llaqtaqa sipas hinam qanmanta asikun, Jerusalén llaqtaqa qepaykipim umanta aywin.

Isaías 6:11

Chaymi tapurqani: Dios Taytalláy, haykapikamataq chaynaqa kanqa, nispay. Payñataqmi niwarqa: Llaqtakuna mana runayuq chunnichisqa kanankamam, wasikunapi manaña runapas kanankamam, chakrakunapas purmachisqa kanankamam,

Jeremías 19:8

Kay llaqtatam manchakunanku hinaspa burlakunanku sitiomanña tikrarusaq. Chaynin pasaq runaku-napas pasaypaq tuñisqata qawaykuspankum admirakusparaq asikunqaku.

Jeremías 25:9

norte lawpi nacionkunatawan Babilonia nacionpa reynin serviqniy Nabucodonosorta kachamusaq, kay nacionpa, llapallan runankunapa chaynataq muyuriqninpi nacionkunapa contranpi. Hinaspaymi paykunata pasaypaqta tukurusaq, tuñirachispaymi wiñaypaq purmarachisaq, chaynapim runakunapas admirakuspa burlakunqaku.

Jeremías 29:18

Guerrawan, yarqaywan hinaspa peste onqoywanmi paykunataqa ñakarichisaq. Kay pachapi llapallan nacionkunapapas manchakuspa katkatatanantam paykunataqa ruwarusaq. Cheqechisqay nacionkunapim paykunaqa ñakasqa, burlakusqa, penqayman churasqa hinaspa asipayasqa kanqaku.

Jeremías 42:18

Israelpa yupaychasqan Tukuy Atiyniyuq Tayta Diosmi kaynata nin: Imaynam Jerusalenpi yachaqkunata piñakuyniypi ruwasqayta hinam, qam-kunatapas Egiptoman yaykuptikichikqa piñakuyniywan ruwasqaykichik. Hinaptinmi ñakasqa, kamisqa, insultasqa hinaspa penqayman churasqa kankichik, manañam allpaykichikmanpas kutimunkichikñachu, nispa.

Jeremías 44:12

Judá nacionpi qeparuspa kay Egipto nacionman yachanaykichikpaq hamuqkunapas, kay Egipto nacionpim llapallaykichik tukusqa kankichik. Llapallaykichikmi uchuy-hatun gue-rrawan, yarqaywan wañunkichik, hinaspam runakunapa ñakasqan, insultasqan hinaspa penqayman churasqan kankichik.

Jeremías 48:27

Moab nación, ¿manachu Israelta burlakurqanki? ¿Manachum suwamanta hina rimaspa sapa kuti asipayarqanki?

Jeremías 49:13

Ñoqa Tayta Diosmi kikiyrayku juraspay kaynata nini: Cheqaptapunipas Bosra llaqtaqa purmachisqa, chunnichisqa, burlakusqa hinaspa ñakasqam kanqa. Wakiq llaqtankunapas wiñaypaq purmachisqam kanqa.

Jeremías 49:17

Edom nación pasaypaqta chinkaruptinmi, chayninta pasaqkunapas admirakunqaku, hinaspam purmachisqa kasqanmanta burlakunqaku.

Jeremías 50:13

Ñoqa Tayta Dios piñakurusqayraykum manaña runayuq chunninqa, pasaypaq purmachisqam kanqa. Babilonia lawninta pasaqkunam admirakunqaku, purmachisqa kasqanmantam burlakunqaku.

Jeremías 51:37

Babiloniaqa pasaypaq tuñichisqam kanqa, atoqkunapa yachananñam kanqa, runapa mana yachananñam kanqa, qawaqninkunapas admirakuspam burlakunqa.

Jeremías 51:43

Llaqtankunapas pasaypaq chunnichisqam rikurirun, manaña imapa kanan chaki allpam rikurirun, chaypiqa manañam pipas yachanqañachu, manañam pipas chaynintaqa pasanqañachu.

Jeremías 9:11

Tayta Diosmi kaynata nin: Jerusalén llaqtatam tuñichisaq, atoqkunapa yachananmanñam tikrarusaq; Judá nacionpi llaqtakunatam manaña runayuq kanankama chunnirachisaq.

Lamentaciones 1:12

Ñanninta puriqkuna qawariwaspa tanteariychik: ¿Manachu kay nanayniymanta imapas qokusunkichik? ¿Pitaq kaynaña nanaywan mana ñakariq kanman? Tayta Diosmi piñakuyninpi kaynaña ñakariyta kachaykamuwan.

Ezequiel 12:19

Hinaspa llaqtapi runakunaman kaynata nimuy: Jerusalén llaqtapi yachaqkunatawan Israel nacionpi kaqkunatam Tayta Dios kaynata nin: Tantankutapas manchakuywanmi mikunqaku, yakutapas katkatatastinmi tomanqaku; chaypi yachaqkuna mana allinkunata ruwasqankuraykum nacion-pas purmachisqa kaspa mana imayuq chunninqa.

Ezequiel 27:36

Huklaw nacionniyuq negociantekunapas qamta qawaykuspankum mancharikunku. Qamqa manchakuypaqñam rikurirunki, wiña-wiñaypaqñam puchukarunki, nispanku.

Ezequiel 36:3

Chaynaqa, ñoqa Tayta Diospa nisqayta kaynata profetizay: Qamkunataqa kayninta chayninta atacamuspam tuñichisurqankichik. Huklaw nacionkunam qamkunamanta munaychakururqaku; llapa runakunañataqmi qamkunamanta burlakuspa asikurqaku.

Ezequiel 6:14

Paykunata ñakarichinaypaqmi contrankupi hatarisaq, nacionninkutapas sur law chunniqmanta qallaykuspam norte lawpi Ribla llaqtakama pasaypaqta purmarachisaq. Chaynapim ñoqa Tayta Dios kasqayta yachanqaku, nispa.

Levítico 26:32

Nacionnikichiktam purmarachisaq hinaptinmi chaypi yachananpaq hamuq enemigoykichikkunapas admirasqallaña qawanqaku.

Levítico 26:43

Allpankuqa paykunapa saqesqan kaspanmi purmaspan chayraq samay-kunqa. Paykunaqa mana allin ruwasqankumantam paganqaku, paykunaqa kamachikuyniykunatapas qepanchaspankum yachachikuyniykunatapas wischupakurqaku.

Miqueas 6:16

Rey Omripa kamachikuyninkunatam kasukurqanki, rey Acabpa ayllunkuna ruwasqankutam ruwarqanki, paykunapa nisusqaykiman hinam kawsarqanki. Chayraykum purmachisqa kanki, runaykikunatañataqmi burlakuspa asipayanqaku, llaqtaypa penqayninmi hawaykiman chayanqa.

Mateo 27:39

Chaynin pasaqkunañataqmi umankutapas aywisparaq kamirqaku:

Marcos 15:29

Chaynin puriqkunapas umankuta aywispam kaynata kamirqaku: ¡Yaw! Qamqa templotapas tuñichispam kimsa punchawllapi hatarichisaq nirqanki,

Deuteronomio 28:59

paymi qamkunaman chaynataq miraynikichikkunaman admirakuypaq manaña tukuy atiq hatun ñakariykunata hinaspa manchakuypaq mana hampiy atina onqoykunata kachaykamunqa.

Deuteronomio 29:23

Chay allpaqa azufreyuq, kachiyuq hinaspa kañasqa, mana tarpuna, mana imapapas ikllinan nitaq qorapapas wiñanan allpam kanqa. Sodomapa, Gomorrapa, Admapa chaynataq Zeboimpa allpankunamanmi rikchakunqa. Chaykunatam Tayta Dios anchata piñakuspan chinkarachirqa.